《ལམ་གྱི་རྨི་ལམ》ལ་ལྟད་མོ་བ་ཆེས་དགའ་བའི་གློག་བརྙན་བྱ་དགའ་ཐོབ་པ།

རྩོམ་སྒྲིག་པ།ཡོང་ཁུངས། སྤེལ་དུས། 12-24


      

            སྤྱི་ཟླ༡༢བའི་ཚེས༢༠ཉིན། ཀྲུང་གོའི་གསེར་བྱ་མེ་ཏོག་སྣ་བརྒྱའི་གློག་བརྙན་དུས་ཆེན་གྱི༢༠༡༤ལོའི་སློབ་གླིང་གི་གློག་བརྙན་ཐུང་ངུའི་འགྲན་བསྡུར་བྱེད་སྒོའི་བྱ་དགའ་གནང་བའི་མཛད་སྒོ་དེ་པེ་ཅིང་གློག་བརྙན་སློབ་གླིང་དུ་ཚོགས་ཡོད་ཅིང་། བོད་ཀྱི་གཞོན་སྐྱེས་འཁྲབ་ཁྲིད་པ་ཨ་སྒང་ཡར་རྒྱས་ཀྱིས་འཁྲབ་ཁྲིད་གནང་བའི《ལམ་གྱི་རྨི་ལམ》ཞེས་པའི་བརྙན་ཐུང་ལ་གློག་བརྙན་དུས་ཆེན་དེའི་ལྟད་མོ་བ་ཆེས་དགའ་བའི་གློག་བརྙན་གྱི་བྱ་དགའ་ཐོབ་འདུག

         《ལམ་གྱི་རྨི་ལམ》ཞེས་པའི་གློག་བརྙན་འདི་ནི་ཨ་སྒང་ཡར་རྒྱས་ཀྱི་སློབ་སྐབས་ལས་བྱ་ཞིག་ཡིན་ཞིང་། གློག་བརྙན་ནང་གཙོ་བོ་སློབ་གྲྭར་དགའ་བའི་སྤྲུལ་སྐུ་ཆུང་ཆུང་ཞིག་གི་འཚོ་བ་དང་རེ་འདུན་བརྗོད་པ་བརྒྱུད། དགོན་པའི་སྲོལ་རྒྱུན་སློབ་གསོར་དུས་སྐབས་གསར་བའི་ནང་འཕྲད་པའི་དཀའ་ངལ་སོགས་མཚོན་ཡོད།

          ཁོང་གི《ལམ་གྱི་རྨི་ལམ》ཞེས་པའི་གློག་བརྙན་འདིར་གོང་བརྗོད་བྱ་དགའ་ཕུད།ད་དུང་ཞིས་ཁོའུ་ཡུལ་སྐོར་བུམ་པའི་འཁྲབ་གཞུང་འགྲན་བསྡུར་གྱི་བྱ་དགའ་ཨང་གཉིས་པ་སོགས་ཐོབ་མྱངས་ཞིང་། དུས་མཚུངས་སུ་གློག་བརྙན་འདི་པེ་ཅིང་རྒྱལ་སྤྱིའི་སློབ་ཆེན་པོའི་གློག་བརྙན་འགྲེམ་སྟོན་བྱེད་སྒོ་དང་། ཧྲང་ཧའེ་སློབ་གྲྭ་ཆེན་མོ་བའི་བརྙན་འཕྲིན་དུས་ཆེན་སྐབས་བདུན་པའི་བརྙན་ཐུང་འགྲན་བསྡུར། ཅིན་ཧྲན་ཡེ་བརྙན་ཐུང་འགྲན་བསྡུར་སོགས་ཀྱི་དངོས་གཞིའི་གློག་བརྙན་ནང་བདམས་ཐོན་བྱུང་ལ། ༢༠༡༤ལོར་གློག་བརྙན་འདིའི་ཕབ་སྐྲུན་ཚོགས་ཆུང་པེ་ཅིང་རྒྱལ་སྤྱིའི་གློག་བརྙན་དུས་ཆེན་གྱི་ནང་ཚན་བརྙན་ཐུང་འགྲན་བསྡུར་གྱི་གཟེངས་བསྟོད་ཚོགས་ཆེན་སོགས་ལའང་ཞུགས་མྱངས།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1