༄༅། །བོད་པའི་སྤྱི་ཚོགས་ཁྲིམས་ལུགས་སྐོར་བཤད་པ།༼༣༽

རྩོམ་སྒྲིག་པ།ཡོང་ཁུངས། སྤེལ་དུས། 02-26


བཞི།   འབྲོག་པའི་ཇག་ཁྲིམས།

            འབྲོག་པའི་ཇག་ཁྲིམས་ནི།  འབྲོག་མི་སུ་ཞིག་གསིག་དེ་སྔོན་འཁོན་གཞི་བྱུང་མེད་པའི་མི་སྡེ་གང་རུང་དང༌།   མི་སྡེ་ནང་ཁུལ་བཅས་པར་ཇག་པ་རྒྱག་མི་ཆོག་ཅིང༌།   གལ་ཏེ་ཁྲིམས་འགལ་བྱེད་མཁན་ཞིག་བྱང་ན་གླང་ཟླའི་བཞི་རྒྱལ་ལམ་སྟག་ཟླའི་འདུ་བའི་སྐབས་སུ་གང་འཕྲོག་བཅོམ་བྱས་པའི་དངོས་པོ་རྣམས་རྩིས་ལེན་གྱིས་དགྲ་ལ་རྩོད་འདུམ་བྱེད་ཀྱི་ཡོད་པ་རེད།   འབྲོག་མིས་འཇབ་རྐུན་བྱེད་སྲོལ་མི་འདུག་པར་སུ་ཞིག་གིས་བྱས་པ་ཡིན་ན་དེ་ནི་སྐྱེས་པ་ཕོའི་གྲལ་ནས་ཐོན་པའི་ཁྲེལ་དང་ངོ་ཚ་ཧ་ཅང་ཆེ་བར་བྱེད་པ་དང༌།   གལ་ཏེ་མི་སུ་ཞིག་ཡུལ་དེའི་དགྲ་ཡིན་པའི་ཡུལ་དུ་ཕྱིན་ཏེ་རྟ་ནོར་སོགས་འཕྲོག་བཅོམ་བྱེད་ཐུབ་པ་ཡིན་ན།   མི་དེ་ནི་ཡུལ་མི་ཚང་མས་རྩིས་ཐང་ཆེ་ཞིང་དཔའ་བོའི་གྲངས་སུ་འཇོག་གི་ཡོད་པ་རེད།   སྤྱིར་འབྲོག་མིའི་རང་གཤིས་གོམས་འདྲིས་སུ་དབྱར་ཁ་སྐྱེས་པ་དར་མ་རྣམས་དགྲ་ཇག་ལ་ཐེངས་རེ་འགྲོ་མ་ཐུབ་པ་ཡིན་ན་གོ་ཁའི་རྒན་མོ་ཞེས་འཕྱ་སྨོད་བྱེད་སྲོལ་ཡོད་འདུག་ཅིང༌།   དེ་འདྲའི་ཇག་ཆོམ་དུ་འགྲོ་ཡུལ་ནི་ཡུལ་དེའི་སྤྱི་སྒེར་གྱི་ཏིས་རྩོད་གང་དུ་ཡོད་པ་དེར་འགྲོ་བའམ།   དེ་ལྟ་བུ་མེད་ན་ས་ཐག་ཧ་ཅང་རིང་ཞིང་ཆ་རྒྱུས་མེད་པའི་ཡུལ་དག་ཏུ་འགྲོ་དགོས་ཀྱི་ཡོད་པ་རེད། །



དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1