༄༅།། སློབ་གསོ་རོགས་སྐྱོར་སྐོར་གྱི་ཁྲིམས་ལུགས་ཤེས་བྱ།

འབྲོང་སངས་ཀྱིས་བསྒྱུར་སྒྲིག་བྱས། རྩོམ་སྒྲིག་པ།ཚེ་དཔལ།ཡོང་ཁུངས།ངེད་དྲ་བ། སྤེལ་དུས། 02-15


1.དྲི་བ།  སློབ་གསོའི་རོགས་སྐྱོར་ནི་མི་གང་དག་ལ་དམིགས་པ་ཡིན།
   ལན། 《སྤྱི་ཚོགས་རོགས་སྐྱོར་གྱི་གནས་སྐབས་ལག་བསྟར་བྱ་ཐབས》ཀྱི་དོན་ཚན33པའི་གཏན་འབེབས་ལྟར་ན།   རྒྱལ་ཁབ་ཀྱིས་འོས་འགན་སློབ་གསོའི་དུས་རིམ་དུ་སློབ་ཞུགས་བྱས་པའི་མ་མཐའི་སྤྱི་ཚོགས་འགན་ལེན་ཁྱིམ་ཚང་གི་ཁོངས་མི་དང་།  དམིགས་བསལ་དཀའ་ངལ་ཡོད་པའི་སློབ་མ་བཅས་ལ་སློབ་གསོའི་རོགས་སྐྱོར་སྤྲོད་དགོས།   མཐོ་རིམ་སློབ་འབྲིང་གི་སློབ་གསོ(འབྲིང་རིམ་ལས་རིགས་སློབ་གསོ་ཚུད)དང་།   མཐོ་རིམ་སློབ་གྲྭ་དཀྱུས་མ་རུ་སློབ་སྦྱོང་བྱེད་བཞིན་པའི་མ་མཐའི་སྤྱི་ཚོགས་འགན་ལེན་ཁྱིམ་ཚང་གི་ཁོངས་མི་དང་།   དམིགས་བསལ་དཀའ་ངལ་ཡོད་པའི་སློབ་མ།   དེ་བཞིན་སློབ་གྲྭར་ཞུགས་མི་ཐུབ་པ་དང་འོས་འགན་སློབ་གསོ་དང་ལེན་བྱེད་མི་ཐུབ་པའི་དབང་བོ་སྐྱོན་ཅན་གྱི་བྱིས་པ་རྣམས་སློབ་གསོའི་རོགས་སྐྱོར་གྱི་གནས་ཚུལ་དངོས་ལ་གཞིགས་ནས་འོས་འཚམ་གྱི་སློབ་གསོའི་རོགས་སྐྱོར་བྱ་རྒྱུ།   མ་མཐའི་སྤྱི་ཚོགས་འགན་ལེན་ཁྱིམ་ཚང་གི་ཁོངས་མི་ཁ་ཤས་དང་།   དམིགས་བསལ་དཀའ་ངལ་ཡོད་པའི་མི་སྣར་སློབ་གསོ་འཐོབ་པའི་གནད་དོན་ཇེ་ལེགས་སུ་ཕྱིན་པ་དང་།   སློབ་གསོ་མྱོང་བའི་ཁེ་དབང་མངོན་འགྱུར་བྱུང་བར་འགན་སྲུང་དང་སློབ་གསོ་དྲང་སྙོམས་ཡོང་བར་ཡང་ཕན་པ་ངེས་ཅན་ལྡན་པ་རེད།
2.དྲི་བ།  བྱེད་ཐབས་གང་དག་སྤྱད་ན་ད་གཟོད་སློབ་གསོའི་རོགས་སྐྱོར་མངོན་འགྱུར་བྱེད་ཐུབ།
    ལན།  སློབ་གསོའི་རོགས་སྐྱོར་གྱི་བྱེད་ཐབས་ཧ་ཅང་མང་པོ་ཡོད་དེ། 《སྤྱི་ཚོགས་རོགས་སྐྱོར་ཀྱི་གནས་སྐབས་ལག་བསྟར་བྱ་ཐབས》ཀྱི་དོན་ཚན34པའི་གཏན་འབེབས་ལྟར།  “ སློབ་གསོའི་རོགས་སྐྱོར་ནི་སློབ་གསོའི་དུས་རིམ་མི་འདྲ་བའི་དགོས་མཁོར་གཞིགས་ཏེ་འབྲེལ་ཡོད་ཀྱི་གྲོན་དངུལ་ཇེ་ཡང་དུ་གཏོང་བ་དང་སློབ་སྐྱོར་རོགས་དངུལ་སྤྲོད་པ།   འཚོ་བའི་ཁ་གསབ་རོགས་དངུལ་སྤྲོད་པ།   སློབ་ཞོར་ལས་ཀ་སོགས་བཀོད་སྒྲིག་གི་བྱེད་ཐབས་སྤྱད་ནས་ལག་བསྟར་བྱ་དགོས།”   དེའི་རྐྱེན་གྱིས་སློབ་གསོའི་རོགས་སྐྱོར་བྱ་ཡུལ་ལ་མཚོན་ན།   གྲོན་དངུལ་ཇེ་ཡང་དང་སློབ་གཉེར་རོགས་སྐྱོར།   སློབ་ཞུགས་རོགས་དངུལ་སོགས་རོགས་སྐྱོར་བྱ་ཐབས་སྣ་མང་སྤྱད་ཆོག་པ་དང་།   ཁོ་ཚོའི་གཞི་རྩའི་འཚོ་བ་དང་སློབ་སྦྱོང་ལ་འགན་ལེན་བྱ་དགོས་པ་དང་།   འདི་ནི་མི་རེ་རེར་འདྲ་མཉམ་སྒོས་སློབ་གསོ་མྱོང་བའི་གོ་སྐབས་རིམ་བཞིན་མངོན་འགྱུར་བྱེད་པར་ཕན་ནོ། །
3.དྲི་བ།  ཡང་སྙིང་སུ་ལ་སློབ་གསོའི་རོགས་སྐྱོར་གྱི་རེ་འདུན་ཞུ་དགོས།
      ལན། 《སྤྱི་ཚོགས་རོགས་སྐྱོར་གྱི་གནས་སྐབས་ལག་བསྟར་བྱ་ཐབས》ཀྱི་དོན་ཚན36པའི་ནང་གཏན་འབེབས་བྱས་དོན། “སློབ་གསོའི་རོགས་སྐྱོར་བྱེད་པར་རེ་འདུན་ཞུ་དགོས་ཚེ།   རྒྱལ་ཁབ་ཀྱི་འབྲེལ་ཡོད་གཏན་འབེབས་ལྟར་སློབ་སྦྱོང་བྱེད་སའི་སློབ་གྲྭར་རེ་བ་ཞུ་དགོས།   གཏན་འབེབས་བྱས་པའི་གོ་རིམ་ལ་ཞིབ་བཤེར་དང་ངོས་འཛིན་བྱུང་རྗེས།   སློབ་གྲྭས་རྒྱལ་ཁབ་ཀྱི་འབྲེལ་ཡོད་གཏན་འབེབས་ལྟར་ལག་བསྟར་བྱ་དགོས།”   དེའི་རྐྱེན་གྱིས་སློབ་གསོའི་རོགས་སྐྱོར་ལ་རེ་འདུན་ཞུ་འདོད་ན།   སློབ་སྦྱོང་བྱེད་སའི་སློབ་གྲྭར་རེ་འདུན་ཞུ་དགོས།   དེ་ལྟར་བྱས་ན་ཕྱོགས་གཅིག་ནས་རེ་འདུན་ཞུ་མཁན་གྱིས་དུས་ཐོག་ཏུ་ནུས་ལྡན་སྒོས་རེ་འདུན་ཞུ་བར་སྟབས་བདེ་བཟོས་པ་དང་།   ཕྱོགས་གཞན་ཞིག་ནས་གནས་ཚུལ་ཞིབ་དཔྱད་བྱེད་པར་ཕན་ཐོགས་ཤིང་།   སློབ་གསོའི་རོགས་སྐྱོར་གྱི་རོགས་སྐྱོར་དང་ལེན་བྱེད་མཁན་ལའང་དུས་ཐོག་ཏུ་རོགས་སྐྱོར་བྱེད་ཐུབ་བོ། །
    (མཚོ་སྔོན་བོད་ཡིག་ཁྲིམས་ལུགས་ཚགས་པར་གྱི་འཕྲིན་སྟེགས་ལས་བཤུས།)


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1