༄༅།། ཚངས་དབྱངས་ལྷ་མོ།

རྡེའུ་དཀར་ནག རྩོམ་སྒྲིག་པ།ཚེ་དཔལ། ཡོང་ཁུངས།མཚོ་སྔོན་བོད་ཡིག་གསར་འགྱུར། སྤེལ་དུས། 07-03



པེ་ཅིང་། རྡེའུ་དཀར་ནག

ཚངས་དབྱངས་ལྷ་མོ།
མཚན་ལྗོངས་ཀྱི་འཇིག་རྟེན་འདི་ལྷིང་འཇགས་སེ།
མི་ཁོམ་པའི་འཇིག་རྟེན་གྱི་གྲོང་ཁྱེར་འདི་ནས།
སྡུག་ཡུས་དང་འཁང་རའི་ཐ་ཚིག་སྒྲོག་བཞིན།
མཚན་མོའི་ལྷིང་འཇགས་ལ་ཟིན་ཐོ་འགོད་བཞིན་ཡོད།

ཚངས་དབྱངས་ལྷ་མོ།
བཞི་མདོ་ཞིག་ནས་མཐོང་བའི་རྒྱབ་གཟུགས་ཤིག
ངའི་རྨི་ལམ་གྱི་ཟབ་སར་དལ་གྱིས་འཛུལ་དུས།
འཛུམ་ལ་འཁྱིལ་བའི་ཟླ་བའི་འོད་གོར་དེ།
མི་ཚོགས་ཀྱི་འོ་དོད་དང་ལྷན་དུ་ཡུན་གྱིས་འཇགས་སོང་།

ཚངས་དབྱངས་ལྷ་མོ།
ཁ་དོག་ཟབ་མོ་དག་ལ་སྦྲེལ་བའི་ལྭ་རིང་དེ།
ཚ་ཟེར་དབེན་པའི་ས་སྲོད་ཀྱི་གྲུ་ག་ནས་ཡལ་དུས།
གུ་དོག་པའི་ལམ་མདོ་དང་འཕྲད་པ་མིན་ནམ།
ས་མཐའི་རྣམ་རྟོག་གི་ཨ་ལོང་གོར་མོ་གང་དུ་ཕྱིན་སོང་།

ཚངས་དབྱངས་ལྷ་མོ།
ཆོ་འཕྲུལ་ལ་བརྫུས་པའི་སེམས་ཀྱི་ཟབ་ས་དེ།
གནག་སྣུམ་གྱི་སྐྲ་ལོའི་གསེབ་ན་ངང་གིས་དགོད་དུས།
བསིལ་རླུང་དང་འགྲོགས་པའི་གོམ་འགྲོས་རབ་རིབ།
འཇའ་ཚོན་བཞིན་ལྷོད་ཀྱིས་བབས་ཤིང་ཐོལ་གྱིས་ཡལ་སོང་།
ཆར་བའི་ཁྲོད། ངས་ཁྱོད་ལ་བསྒུགས་ཡོད།
ཟླ་ལྔ་པའི་མཇུག་མཐའི་ཆར་བ་དེ།
ཚོར་མེད་ངང་དལ་གྱིས་སླེབས་བྱུང་།
ཁེར་རྐྱང་སྒོས་ཆར་བའི་ཁྲོད་གོམ་པ་འཇོག་དུས།
ཁུ་སིམ་སིམ་ངང་ཁྱོད་ལ་བསྒུགས་ཡོད།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1