༄༅།། རི་སྤྱང་།

རྣམ་དཀར་ལྷ་མོས་བསྒྱུར། རྩོམ་སྒྲིག་པ།ཚེ་དཔལ། ཡོང་ཁུངས།ངེད་དྲ་བ། སྤེལ་དུས། 10-30


        རི་སྤྱང་། (རིག་གཞུང་དུ་Canis lupus campestrisཞེས་མིང་འབོད།)མཆེ་བ་ཅན་གྱི་སྲོག་ཆགས་ཡིན་པ་དང་། སྤྱང་ཀི་སྐྱ་བོའི་རིགས་གཉིས་ལས་རིགས་ཤིག་ཡིན། རི་སྤྱང་གིི་མིག་ཅུང་གསེག་ཅིང་མཆུའི་ཞེང་ཅུང་ཆེ་བ། ཕོ་བའི་སྤུ་མདོག་ཅུང་དཀར་བ། སྣ་རྩེ་མངོན་གསལ་དོད་ཅིང་རྣ་ཅོག་ཕྲ་ཞིང་ཀྲོང་ངེར་ལངས་བའི་རྣམ་པ་ཞིག་སྟེ་ཁྱིའི་རྣ་དང་མཚུངས། གཟུགས་གཞི་ནི་མེ་གླིང་བྱང་མའི་སྤྱང་ཀི་སྐྱ་བོའི་རིགས་ཀྱི་རིགས་གཉིས་པ་ལས་ཅུང་ཆུང་བ་ཡིན། རང་རྒྱལ་དུ་གཙོ་བོ་བོད་ལྗོངས་དང་མཚོ་སྔོན། ཞིན་ཅང་སོགས་སུ་ཁྱབ་ཅིང་རྒྱལ་ཁབ་ཀྱི་རིམ་པ་གཉིས་པའི་སྲུང་སྐྱོབ་སྲོག་ཆགས་ཡིན། དེ་མྱུར་མགྱོགས་ཆེ་ལ་བར་ཐག་རིང་བར་རྒྱུགས་ལ་མཁས་ཤིང་དུས་ཚོད་རེར་སྤྱི་ལེ་55ཡས་མས་སུ་ཟིན་ཐུབ། སྤྱང་ཁྱུ་ལ་ཁྱབ་ཁོངས་རང་བཞིན་ལྡན་ཞིང་ནམ་རྒྱུན་ཡང་ཁྱུ་ཚོགས་ཀྱི་འགུལ་སྐྱོད་ཁྱབ་ཁོངས་སུ་འདུ། ཁྱུ་ཚོགས་ནང་ཁུལ་གྱི་བྱེ་བྲག་གི་གྲངས་ཀ་གལ་སྲིད་ཇེ་མང་དུ་ཕྱིན་ན་ཁྱབ་ཁོངས་ཀྱི་གཞི་རྒྱ་ཇེ་ཆུང་དུ་འགྱུར་སྲིད། སྤྱང་ཁྱུའི་བར་གྱི་ཁྱབ་ཁོངས་གཞི་རྒྱ་རིམ་བརྩེགས་སུ་གྱུར་མི་སྲིད་དེ་ཆོ་ངེའི་སྒྲ་སྒྲོག་པར་བརྟེན་ནས་གཞན་དག་ལ་ཁྱབ་ཁོངས་ཀྱི་གཞི་རྒྱ་ཁྱབ་བསྒྲག་བྱ་ངེས། སྤྱང་ཀི་ནི་དཔེ་མཚོན་ཅན་གྱི་ཟས་རིགས་འཁོར་འབྲེལ་གྱི་རིམ་པ་གཉིས་པའི་ཤ་གཟན་སྲོག་ཆགས་ཡིན་ཏེ། རྒྱུན་པར་ཁྱུ་ཚོགས་ཀྱི་སྡེ་ཁག་བསྒྲིགས་ཏེ་རྔོན་དངོས་ཆེགྲས་རིགས་འཛིན་གསོད་བྱ་ངེས། སྤྱང་ཀིས་ལུ་གུ་སོགས་སྒོ་ཕྱུགས་ཟ་ངེས་པས། དུས་རབས་20པའི་དུས་མཇུག་གི་དུས་སྟོད་དུ་མིའི་རིགས་ཀྱིས་གཞི་རྒྱ་ཆེན་པོའིི་སྒོས་བསད་བཟུང་བྱས།



དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1