གཙོ་ངོས།>> རྩོམ་རིག>>སྙན་རྩོམ།

བདེ་སྐྱིད་སྒྲོལ་མ། རྩོམ་སྒྲིག་པ།ཚེ་དཔལ། ཡོང་ཁུངས།ངེད་དྲ་བ། སྤེལ་དུས། ༢༠༡༧ལོའི་ཟླ་བ་༡༡ཚེས་༠༢ཉིན།

༄༅།། བུད་མེད་དང་དཔེ་ཆ།

བདེ་སྐྱིད་སྒྲོལ་མ། (མཚོ་ནུབ་ཁུལ)
བུད་མེད་ནི་དཔེ་ཆ་ཞིག་ཡིན་དགོས།
ད་དུང་བཀླག་རིན་ཡོད་པའི་དཔེ་ཆ་དེ་ཡིན་དགོས།
ཡིག་འབྲུ་རེ་ན་མུ་ཏིག་གི་མར་ལོ་མངོན།
ཚིག་འབྲུ་རེ་ན་བསླབ་བྱའི་འོ་དྲི་འཐུལ།
ཐིག་ཤར་རེ་ན་ཐོས་པའི་འབྲི་ཞོ་བསྙལ།
ཤོག་ངོས་རེ་ན་གསུང་གི་སྤྲི་གསར་འཁྱིལ།
ལེའུ་རེ་ན་གཏམ་གྱི་རྩམ་དྲི་བསྟིམས།
གླེགས་བམ་རེ་ན་མི་ཚེའི་བློ་སྒོ་འབྱེད།
བུད་མེད་ནི་དཔེ་ཆ་ཞིག་ཡིན་དགོས།
ད་དུང་བཀླག་རིན་ཡོད་པའི་དཔེ་ཆ་དེ་ཡིན་དགོས།
སྐྱོ་དུས་ན་ཟུག་ཡི་གེར་ཕབ་ནས།
གདུང་བ་གཏམ་དུ་བཅོས་ཆོག
དགའ་དུས་སྤྲོ་བ་ཤོག་ངོར་སྦྱར་ནས།
དུངས་པ་སྒྲུང་དུ་བླངས་ཆོག
བུད་མེད་ནི་དཔེ་ཆ་ཞིག་ཡིན་དགོས།
ད་དུང་བཀླག་རིན་ཡོད་པའི་དཔེ་ཆ་དེ་ཡིན་དགོས།
དཔེ་ཆའི་སྲབ་མཐུག་ལ་དབྱེ་བ་མེད་ནའང་།

ཅིས་ཀྱང་དཔེ་ཆ་ཞིག་ཡིན་དགོས།

(2017ལོའི་ཟླ་ཟེར་དེབ་གསུམ་པ་ལས་བཤུས།)

39.7K

རྩོམ་ཡིག་རྗེས་མ།
སྤྱིའི་དེབ་30པ།

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1