༄༅།། རྒྱལ་ཁབ་ཀྱི་བཤམས་སྟོན་ཁང་དུ་ཉར་བའི་རིག་གནས་ཤུལ་དངོས་སྐོར།

ཚེ་བརྟན་སྒྲོལ་མས་བསྒྱུར། རྩོམ་སྒྲིག་པ།ཡོང་ཁུངས།ངེད་དྲ་བ། སྤེལ་དུས། 01-02


        དོན་ཚན་བཞི་བཅུ་པ། རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་གྱིས་བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་ཀྱི་ནུས་པ་འདོན་སྤེལ་གང་ལེགས་བྱ་དགོས་ཤིང་། འགྲེམས་སྟོན་དང་ཚན་རིག་ཞིབ་འཇུག་སོགས་ཀྱི་བྱེད་སྒོ་སྤེལ་བར་བརྟེན་ནས་ཀྲུང་ཧྭ་མི་རིགས་ཀྱི་ལོ་རྒྱུས་ཀྱི་རིག་གནས་དང་གསར་བརྗེའི་སྲོལ་རྒྱུན་ཕུལ་དུ་བྱུང་བ་དྲིལ་བསྒྲགས་དང་སློབ་གསོ་བྱེད་ཤུགས་ཆེ་རུ་གཏོང་དགོས། གཞུང་ལ་དབང་པའི་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་བར་འགྲེམས་སྟོན་དང་ཚན་རིག་ཞིབ་འཇུག་སོགས་བྱ་རྒྱུའི་དབང་གིས་བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་གཡར་སྦྱོར་བྱ་དགོས་རིགས་གཙོ་སྐྱོང་བྱེད་མཁན་རིག་གནས་ཤུལ་དངོས་སྲིད་འཛིན་སྡེ་ཁག་ལ་ཐོ་འགོད་སྙན་སེང་ཞུ་དགོས་པ་དང་། བཤམས་སྟོན་ཁང་ལ་ཉར་ཚགས་བྱས་པའི་རིམ་པ་དང་པོའི་རིག་གནས་ཤུལ་དངོས་གཡར་སྤྱོད་བྱ་དགོས་ཚེ། ཞིང་ཆེན་དང་རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཀྱི་མི་དམངས་སྲིད་གཞུང་གི་རིག་གནས་ཤུལ་དངོས་སྲིད་འཛིན་སྡེ་ཁག་གི་ཆོག་མཆན་ཐོབ་པ་དང་སྦྲགས་རྒྱལ་སྲིད་སྤྱི་ཁྱབ་ཁང་གི་རིག་གནས་ཤུལ་དངོས་སྲིད་འཛིན་སྡེ་ཁག་ལ་ཐོ་འགོད་སྙན་སེང་ཡང་ཞུ་དགོས།
གཞུང་ལ་དབང་བ་མིན་པའི་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་དང་སྡེ་ཚན་གཞན་དག་གིས་འགྲེམས་སྟོན་བྱེད་པར་གཞུང་ལ་དབང་བའི་བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་གཡར་སྤྱོད་བྱ་དགོས་རིགས་གཙོ་སྐྱོང་བྱེད་མཁན་རིག་གནས་ཤུལ་དངོས་སྲིད་འཛིན་སྡེ་ཁག་ལ་ཆོག་མཆན་འགོད་རྒྱུའི་སྙན་འབུལ་ཞུ་དགོས། གཞུང་ལ་དབང་བའི་བཤམས་སྟོན་ཁང་ལ་ཉར་ཚགས་བྱས་པའི་རིམ་པ་དང་པོའི་རིག་གནས་ཤུལ་དངོས་གཡར་སྤྱོད་བྱ་དགོས་ན། རྒྱལ་སྲིད་སྤྱི་ཁྱབ་ཁང་གི་རིག་གནས་ཤུལ་དངོས་སྲིད་འཛིན་སྡེ་ཁག་གི་ཆོག་མཆན་འཐོབ་དགོས།
རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་བར་རིག་གནས་ཤུལ་དངོས་གཡར་སྤྱོད་བྱེད་ཡུན་རིང་ཤོས་ལོ་གསུམ་ལས་བརྒལ་མི་ཆོག
        དོན་ཚན་ཞེ་གཅིག་པ། ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཀྱི་མི་དམངས་སྲིད་གཞུང་གི་རིག་གནས་ཤུལ་དངོས་སྲིད་འཛིན་སྡེ་ཁག་གི་ཆོག་མཆན་ཐོབ་པ་མ་ཟད། རྒྱལ་སྲིད་སྤྱི་ཁྱབ་ཁང་གི་རིག་གནས་ཤུལ་དངོས་སྲིད་འཛིན་སྡེ་ཁག་ལའང་ཐོ་འགོད་སྙན་སེང་ཞུས་པ་བརྒྱུད་བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་ཀྱི་ཡིག་ཚགས་བཟོས་པའི་གཞུང་ལ་དབང་བའི་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་གྱིས་རང་སོ་སོའི་བཤམས་སྟོན་ཁང་ལ་ཉར་ཚགས་བྱེད་མཁན་སྡེ་ཚན་བར་བརྗེ་རེས་བྱ་ཆོག བཤམས་སྟོན་ཁང་ལ་ཉར་ཚགས་བྱས་པའི་རིམ་པ་དང་པོའི་རིག་གནས་ཤུལ་དངོས་བརྗེ་རེས་བྱེད་ན་ངེས་པར་དུ་རྒྱལ་སྲིད་སྤྱི་ཁྱབ་ཁང་གི་རིག་གནས་ཤུལ་དངོས་སྲིད་འཛིན་སྡེ་ཁག་གི་ཆོག་མཆན་འཐོབ་དགོས།
        དོན་ཚན་ཞེ་གཉིས་པ། བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་ཀྱི་ཡིག་ཚགས་བཟོས་མེད་པའི་གཞུང་ལ་དབང་བའི་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་གྱིས་བཅའ་ཁྲིམས་འདིའི་དོན་ཚན་བཞི་བཅུ་པ་དང་དོན་ཚན་ཞེ་གཅིག་པའི་གཏན་འབེབས་ལྟར་དེའི་བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་ཐག་གཅོད་བྱ་མི་ཆོག
        དོན་ཚན་ཞེ་གསུམ་པ། བཅའ་ཁྲིམས་ལྟར་གཞུང་ལ་དབང་བའི་བཤམས་སྟོན་ཁང་ལ་ཉར་ཚགས་བྱས་པའི་རིག་གནས་ཤུལ་དངོས་གཏོང་ལེན་དང་། བརྗེ་རེས། གཡར་སྤྱོད་བཅས་བྱ་དགོས་ན། རིག་གནས་ཤུལ་དངོས་ཐོབ་པའི་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་གྱིས་རིག་གནས་ཤུལ་དངོས་འདོན་སྤྲོད་བྱེད་མཁན་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་ལ་ལུགས་མཐུན་གྱི་ཁ་གསབ་སྤྲད་ཆོག་ཅིང་། དོ་དམ་བྱ་ཐབས་ཞིབ་ཕྲ་རྒྱལ་སྲིད་སྤྱི་ཁྱབ་ཁང་གི་རིག་གནས་ཤུལ་དངོས་སྲིད་འཛིན་སྡེ་ཁག་གིས་གཏན་འབེབས་བྱ་རྒྱུ།
        གཞུང་ལ་དབང་བའི་རིག་གནས་ཤུལ་དངོས་ཉར་ཚགས་བྱེད་མཁན་སྡེ་ཚན་གྱིས་རིག་གནས་ཤུལ་དངོས་གཏོང་སྤྲོད་དང་། བརྗེ་རེས། གཡར་གཏམ་བཅས་བྱས་པ་ལས་ཐོབ་པའི་གསབ་དངུལ་ངེས་པར་དུ་རིག་གནས་ཤུལ་དངོས་ཉར་ཚགས་བྱ་རྒྱུའི་ཆ་རྐྱེན་ལེགས་བཅོས་དང་རིག་གནས་ཤུལ་དངོས་གསར་པ་འཚོལ་བསྡུ་བྱ་རྒྱུར་སྤྲོད་དགོས་པ་ལས་གཞན་སྤྱོད་བྱ་མི་ཆོག་ལ། སྡེ་ཚན་གང་ཞིག་གམ་སྐྱེ་བོ་སུ་ཞིག་གིས་ཀྱང་བཙན་བཟུང་བྱས་མི་ཆོག
        རིག་གནས་ཤུལ་དངོས་གཏོང་ལེན་དང་། བརྗེ་རེས། གཡར་སྤྱོད་བཅས་བྱས་པ་རྣམས་ངེས་པར་དུ་ཉར་ཚགས་དོ་དམ་ནན་ཏན་བྱ་དགོས་པ་ལས་བོར་བརླག་དང་གཏོར་བརླག་ཏུ་འགྲོ་བ་བྱ་མི་ཆོག །  


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1