མི་ལོ་༡༣༠༠ཡི་ལོ་རྒྱུས་ལྡན་པའི་འཕྱོངས་རྒྱས་འཇུ་བྲོ་ནི་ལྷ་འདྲེ་རབ་ཏུ་རྡུལ་ཞིང་བཀྲ་ཤིས་ཞལ་བྲོའི་སྨོན་འདུན་མཚོན་པར་བྱེད་པའི་དམངས་ཁྲོད་ཀྱི་ཞབས་བྲོ་ཞིག་ཡིན་ཞིང༌། བྲོ་ལ་གཞན་གྱིས་བོད་ཀྱི་སྐེད་རྡའི་ཞབས་བྲོ་ཞེས་ཟེར་སྲོལ་ཡོད། འཇུ་བྲོ་དེ་ཉིད་ནི་བོད་ཀྱི་སྲོལ་རྒྱུན་ཞབས་བྲོའི་རིག་གནས་ཀྱི་སྒྱུ་རྩལ་ཁྱད་པར་ཅན་ཞིག་ཡིན་ལ། ད་ལྟའི་ཆར་འཛམ་གླིང་མི་རིགས་ཁག་གི་ཞབས་བྲོའི་རིག་གནས་ཁྲོད་ལས་ལོ་རྒྱུས་རིང་ཤོས་གྲས་སུ་ཚུད་ཡོད།   དུས་སྟོན་རྟེན་འབྲེལ་གྱི་སྐབས་ན་ལྷོ་ཁའི་མང་ཚོགས་ཀྱིས་བྲོ་འཁྲབ་ནས་བཀྲ་ཤིས་རྟེན་འབྲེལ་བྱེད་སྲོལ་ཡོད། ༢༠༨༨ལོའི་ཟླ་གཉིས་པར་འཇུ་བྲོ་དེ་བོད་རང་སྐྱོང་ལྗོངས་རིམ་པའི་དངོས་མིན་རིག་གནས་ཤུལ་བཞག་གི་རྣམ་གྲངས་ཁོངས་སུ་ཚུད་པ་དང༌། ༢༠༡༡ལོར་འཇུ་བྲོ་《བཀྲ་ཤིས་པའི་རྔ་ཉམས་》ཞེས་པ་དེ་ཀྲུང་དབྱང་བརྙན་འཕྲིན་ལས་ཁུངས་ཀྱི་ལོ་གསར་ཚེས་བཅོ་ལྔའི་མཚན་ཚོགས་ནང་འཁྲབ་སྟོན་བྱས་པས་གནའ་ཉམས་ཀྱིས་ཕྱུག་པའི་ཞབས་བྲོ་དེ་ལྟད་མོ་བ་དུང་ཕྱུར་མང་པོའི་མིག་གི་ལོངས་སྤྱོད་དུ་འགྱུར་རོ་ཞོགས་པ་གནམ་གཤིས་ཅུང་ཟད་གྲང་ཞིང༌། རི་སྐེད་དུ་རབ་རིབ་སྨུག་པས་འཐིབས་པས་རི་ཧྲིལ་པོ་དར་དཀར་པོས་བརྒྱན་པར་འགྱུར་བ་དང༌། སྨྱུག་འཛིན་པ་བདག་གི་དམིགས་ཡུལ་འཇུ་གྲོང་ཚོ་དང་དེའི་མཐའ་འཁོར་ཡང་སྔར་བས་ལྐོག་གྱུར་དང་འཆར་ཡན་གྱིས་ཁེངས་པའི་ཡུལ་ཁམས་ཤིག་ཏུ་འགྱུར་འདུག་འཇུ་གྲོང་ཚོ་ནི་བྱང་གི་ཕྲེད་ཐིག་༢༩༠༣དངཤར་གྱི་གཞུངཐིག ༩༤༣ཡིན་པའི་ལྷོ་ཁ་ས་ཁུལ་འཕྱོངས་རྒྱས་རྫོང་ཤ་གསོས་ཤང་ཁོངས་སུ་གནས་ཤིང༌།རྫོང་དང་བར་ཐག་སྤྱི་ལེ་༤ཙམ་ཆོད་པ་དང་རྒྱ་མཚོའི་ངོས་ལས་མཐོ་ཚད་སྨི་༣༦༠༠ཙམ་ཡོད། གྲོང་ཚོ་དེར་སྨིན་བདུན་གྲོང་ཚོ་ཡང་ཟེར་ཞིང༌། བོད་ལ་བཅིངས་བཀྲོལ་མ་བཏང་གོང་དེའི་བརྒྱུད་ལ་འཇུ་ཟེར། དེ་ཡང་ཏཱ་ལའི་བླ་མ་སྐུ་ཕྲེང་ལྔ་པའི་དུས་སུ་འཆི་མེད་རིག་འཛིན་ཞེས་པའི་ཁྱིམ་བརྒྱུད་ལ་སྤྲད་ཅིང་དེ་ནས་བཟུང་མི་རབས་མང་པོས་རྒྱུན་འཛིན་བྱས་པའི་མངའ་ཁོངས་ཡིན། འཆི་མེད་རིག་འཛིན་ཞེས་པའི་ཁྱིམ་བརྒྱུད་ཀྱི་མིས་ཏཱ་ལའི་སྐུ་ཕྲེང་ལྔ་པས་བོད་ས་གནས་ཀྱི་སྲིད་འཛིན་པ་ནས་བཟུང་མི་རབས་མང་པོའི་རིང་རྫོང་སྲིད་གཞུང་གི་དྲུང་ཡིག་གི་འགན་འཁུར་མྱོང་ཡོད། ༡༩༨༩ལོར་དེ་བརྒྱུད་དུ་སྔར་རྒྱུན་བཞིན་འཇུ་གྲོ་ངྭ་ཚོ་ཞེས་པར་མིང་བསྒྱུར། འཇུ་གྲོང་ཚོ་ནི་ཞིང་ཁུལ་ཡིན་ཞིང༌། མི་ཚོས་ཞིང་ལས་གཙོ་བོར་བཟུང་ནས་ནས་དང་གྲོ་པད་ཁ། སྲན་མ་སོགས་ལོ་ཏོག་འདེབས་པ་དང་། ཁུལ་དེ་གནམ་གཤིས་དྲོལ་ཆར་ཆུ་འབེལ་བས་ས་ཞིང་ཤིན་ཏུ་གཤིན་པོ་ཡོད། འཕྱོངས་རྒྱས་ཀྱི་དམངས་ཁྲོད་སྒྱུ་རྩལ་གྱིས་བོད་མི་རིགས་ཀྱི་རིག་གནས་གོང་འཕེལ་ལོ་རྒྱུས་ཐོག་གནས་བབ་གལ་ཆེན་པོ་བཟུང་ཞིང༌། འདིར་བརྫོད་རྒྱུའི་འཇུ་བྲོ་ནི་ཐོག་མར་ས་ཆ་འདིར་དབུ་བརྙེས་པ་ཞིག་ཡིན།
        མི་ལོ་༡༣༠༠ལྷག་ཙམ་འདས་ཟིན་མོད། འཇུ་གྲོང་ཚོ་ནི་སྔར་བཞིན་དབེན་འཇམ་དང་བབ་ཆགས་པའི་རྣམ་པར་གནས་པ་དང༌། འཇུ་བྲོ་དེ་ཡང་སྔར་བཞིན་མི་ཉམས་པར་དམངས་ཁྲོད་དུ་འཁྲབ་སྟོན་བྱེད་བཞིན་གནས།  འཇུ་བྲོ་ནི་བྲོ་པ་རྣམས་ཀྱིས་སྐེད་པར་རྔ་ལེབ་ཟླུམ་བཏགས་ནས་འཁྲབ་པའི་ཞབས་བྲོ་ཞིག་ཡིན་ཞིང༌། ལྷ་ས་དང་ལྷོ་ཁ་སོགས་སུ་ཁྱབ་ཡོད་པ་དང་བྲོའི་ཞབས་བྲོའི་འགྱིང་ཉམས་དེ་བྱ་རྒོད་ཀྱིས་གཤོག་རྩལ་ངོམས་པར་དཔེ་བལྟས་ནས་བཟོས་ཟེར།
        འཇུ་བྲོ་ལ་སྐོར་བྲོ་ཡང་ཟེར་ཞིང་། ད་ལམ་མི་ཉམས་པར་གནས་པའི་འཛམ་གླིང་གི་མི་རིགས་ཞབས་བྲོའི་ཁྲོད་ནས་དུས་ཚོད་སྔ་ཤོས་གྲས་ཡིན་པའི་ཞབས་བྲོ་ཞིག་ལགས། འཇུ་བྲོ་ལ་ད་དུང་རྔ་གཞས་ཀྱང་ཟེར་ཞིང་། རྔ་ནི་བོད་མི་རིགས་ཀྱི་གནའ་རབས་ཀྱི་རོལ་ཆའི་གྲས་ཤིག་ཡིན་པ་དང་། དམངས་ཁྲོད་ཀྱི་དུས་སྟོན་རྟེན་འབྲེལ་སྐབས་མེད་ཐབས་མེད་པའི་རོལ་མོ་ཞིག་ཡིན།  རྔ་ལ་མི་རྣམས་དཔའ་སྟོབས་རྒྱས་པར་བྱེད་པ་དང་འཁྲུག་ཆ་དོད་པོའི་རྣམ་པ་བཟོ་བ། དེ་བཞིན་རྐང་སྟབས་གཅིག་གྱུར་བཟོ་བ་དང་ཞབས་བྲོའི་རམ་འདེགས་སོགས་ཀྱི་ནུས་པ་ལྡན་ཡོད། འཇུ་བྲོ་ནི་བྲོ་པ་བཅུ་གྲངས་ལས་འགྲུབ་པ་དང་རྐང་ལག་གི་འགྱིང་སྟབས་གཅིག་གྱུར་ཐོག  གཞས་གཏོང་གིན་ཞབས་བྲོ་རོལ་བ་དང༌། ཕན་ཚུན་གཅིག་མཐུན་ངང་དལ་བ་ནས་རིམ་བཞིན་མགྱོགས་སུ་གཏོང་བ་དང༌། དལ་བའི་སྐབས་འགྱིང་སྟབས་བབ་བརླིང་བརྗིད་ཉམས་ལྡན་པ་དང་། མགྱོགས་པའི་སྐབས་སུ་འགྱིང་སྟབས་བློ་གཤོག་ཆེ་ལ་སྤྲོ་སྣང་གིས་ཁེངས་ཁར། འཁྲུག་ཤོས་ཀྱི་སྐབས་སུ་ཞབས་བྲོའི་འགྱིང་སྟབས་ཀྱིས་ལྟད་མོ་བ་རྣམས་མིག་འཕྲུལ་བ་ཇི་འདྲར་སྣང་།།