གཙོ་ངོས།>> དེང་རབས་མི་སྣ།>>མཁས་པའི་དབང་པོ།

མི་གསལ། རྩོམ་སྒྲིག་པ།སྒྲོལ་མ་ཚེ་བརྟན།ཡོང་ཁུངས།ངེད་དྲ་བ། སྤེལ་དུས། ༢༠༡༤ལོའི་ཟླ་བ་༠༨ཚེས་༡༢ཉིན།

བྲག་བར་དཔལ་ལྡན།

    མཁས་དབང་བྲག་བར་དཔལ་ལྡན་ནི་སྤྱི་ལོ1915ལོར་སི་ཁྲོན་རྔ་བ་ཁུལ་འབར་ཁམས་རྫོང་བྲག་བར་ཡུལ་ཚོའི་ཞིང་བའི་ཁྱིམ་དུ་སྐྱེས། དགུང་གྲངས་བཅུ་གཉིས་སུ་རབ་ཏུ་བྱུང་། ཁོང་གིས་བརྩོན་པ་ཆུ་བོའི་རྒྱུན་བཞིན་མདོ་སྔགས་ཀྱི་གཞུང་ལ་ཐོས་བསམ་སྒོམ་གསུམ་གནང་། དགུང་གྲངས་ཉེར་བརྒྱད་དུ་ཇོ་ནང་བླ་མ་དཔལ་ལྡན་ཞེས་མཚན་སྙན་རྒྱལ་རོང་ཡུལ་ཀུན་ཁྱབ། སྤྱི་ལོ1953ལོར་ཏང་དང་སྲིད་གཞུང་གིས་སྐུལ་མར་བརྟེན་གསར་བརྗེའི་ལས་དོན་ལ་ཞུགས། 1953—1956བར་ལྷོ་ནུབ་མི་རིགས་སློབ་གྲྭ་ཆེན་མོའི་ཆབ་སྲིད་ཚན་ཁག་ཏུ་སློབ་སྦྱོང་མཛད། རྗེས་སུ་འབར་ཁམས་རྫོང་སྲིད་གྲོས་ཀྱི་དྲུང་ཡིག་ཆེན་མོ་དང་། རྫོང་སྲིད་གྲོས་ཀྱི་སྐབས་རིམ་བྱུང་གི་ཨུ་ཡོན་དང་རྒྱུན་ལས་ཨུ་ཡོན། སྐབས་བརྒྱད་པ་ནས་བཅུ་གཅིག་བར་རྫོང་སྲིད་གྲོས་ཀྱི་ཀྲུའུ་ཞི་གཞོན་པ། སྲིད་གྲོས་རྔ་བ་ཁུལ་སྐབས་དགུ་པའི་རྒྱུན་ལས་ཨུ་ཡོན། འབར་ཁམས་རྫོང་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་སོགས་ཀྱི་ཕྱག་ལས་གནང་། རྫོང་སྲིད་གྲོས་ཀྱི་ཀྲུའུ་ཞིག་གཞོན་པའི་འགན་ཁུར་སྐབས་སྐུ་ན་ཤིན་ཏུ་བགྲེས་ནའང་དཀའ་ཚེགས་ལ་མ་འཛེམ་པར<<བོད་རྒྱལ་མོ་རོང་གི་འབྱུང་ཁུངས། >><<རྒྱལ་རོང་ཟློས་གར་ཐད་ཀྱི་གནད་དོན་འགའ་ཞིག་བཤད་པ>><<བོད་རྒྱ་ཤན་སྦྱར་རྒྱལ་རོང་ཡུལ་སྐད་ཚིག་མཛོད>><<ཚ་བ་ཁག་བཞིའི་ལོ་རྒྱུས>><<བོད་བརྒྱུད་ནང་བསྟན་གྱི་ལོ་རྒྱུས>><<མཐུ་ཆེན་ཨ་མྱེ་སྒོ་གདོང་འཁྲབ་གཞུང>><<འབར་ཁམས་དགོན་པའི་ལོ་རྒྱུས>><<འཛའ་འགོ་རི་ཁྲོད་ཀྱི་ལོ་རྒྱུས>><<ཆུ་འཕོ་དགོན་གྱི་ལོ་རྒྱུས>><<མཚན་ཉིད་དགོན་གྱི་ལོ་རྒྱུས>>སོགས་རྩོམ་བསྒྲིགས་གནང་། ལྷག་པར་དུ་རྒྱལ་རོང་གི་ཡུལ་དུ་བོད་ཀྱི་ཤེས་རིག་ལ་སྐྱ་ཆད་སྔོ་སྡུག་བྱུང་བར་སེམས་ཁྲེལ་ཆེན་པོའི་སྒོ་ནས་ལོ་བཅུ་ལྷག་ཏུ་འབད་ནས་ཡིག་འབྲུ་ཁྲི་ལྔ་བཅུ་ལྷག་དང་ལྡན་པའི<<བོད་རྒྱལ་མོ་རོང་གི་ལོ་རྒྱུས་རབ་གསལ་མེ་ལོང>>ཞེས་པ་འགྲུབ། སྤྱི་ལོ2002ལོའི་ཟླ4བར་དགུང་གྲངས་གྱ་བདུན་པར་དགོངས་པ་རྫོགས་སོ། །

39.7K

རྩོམ་ཡིག་སྔོན་མ།
སྡེ་རོང་ཚེ་རིང་དོན་གྲུབ།
རྩོམ་ཡིག་རྗེས་མ།
མི་ཉག་བུ་ཕྲུག་མཆོག

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1