གཙོ་ངོས།>> དེང་རབས་མི་སྣ།>>གེ་སར་ཞིབ་འཇུག་པ།

མཁའ་འགྲོ་ཚེ་རིང་། དཀོན་རྡོར་གྱིས་པར་བླངས། རྩོམ་སྒྲིག་པ།དབང་ཆེན། ཡོང་ཁུངས། ཡོང་ཁུངས། ངེད་དྲ་བ། སྤེལ་དུས། ༢༠༡༤ལོའི་ཟླ་བ་༠༨ཚེས་༡༢ཉིན།

༄༅།།འཇམ་དཔལ་རྒྱ་མཚོ།

  ད་ལྟ་ང་ཚོས་རྒྱལ་ཁབ་ཕྱི་ནང་གི་གེ་སར་རིག་གཞུང་དཔྱད་གླེང་སྐོར་གྱི་ཚོགས་འདུ་ཆེ་ཆུང་ཅི་རིག་ན། དུས་རྟག་པར་དབུ་སྐྲའི་ཉག་མ་རེ་རེ་ཡིས་ཁ་བ་དཀར་པོའི་རང་མདངས་བཟུང་ཞིང་། བྱམས་དང་བརྩེ་བས་ཁེངས་པའི་འདྲེན་བྱེད་ཟུང་ལས་དུས་ནམ་ཡང་རྣམ་རིག་གསལ་ཞིང་། གྲུང་ཤ་དོད་པའི་ཉམས་འགྱུར་ཞིག་ཀུན་ནས་ངོམ་པའི་བགྲེས་སོང་ཞིག་མཇལ་ཐུབ། ཁོང་ནི་གཞན་མ་ཡིན་ཏེ། རྒྱལ་ཁབ་ཕྱི་ནང་ཡོངས་སུ་སྙན་པའི་གྲགས་པ་འབར་ཞིང་། གངས་ཅན་ཁ་བ་རི་བོའི་གེ་སར་རིག་གནས་ཞིབ་འཇུག་དང་དར་སྤེལ་ལས་དོན་ལ་མཛད་རྗེས་བླ་ན་མ་མཆིས་པ་བཞག་པའི་རྒན་འཇམ་དཔལ་རྒྱ་མཚོ་ལགས་རེད། ང་ཚོས་ཁོང་གི་མཚར་སྡུག་བཀྲ་བའི་མི་ཚེའི་འགྲུལ་བཞུད་ལ་ཕྱིར་བལྟ་ཞིིག་བྱས་པའི་ཚེ་ན། ཁོང་གིས་ཆུང་དུས་ཀྱི་དཀའ་སྡུག་བརྒྱུད་ནས་འཚོ་བ་ལ་འོད་སྣང་བསྐྲུན་ཞིང་།  ཁོང་གིས་ལོ་ཟླ་ཡི་གོམ་ཁ་བརྒྱུད་ནས་རྩོམ་རིག་གི་མེ་ཏོག་བསྐྱངས་ལ། ཁོ་རང་སྐྱེས་སྟོབས་ཀྱི་ཤེས་རབ་ཆེ་ཞིང་སྦྱངས་སྟོབས་ཀྱི་ཡོན་ཏན་ལེགས་པས། དཔའ་བོའི་བསྟོད་པ་བརྗོད་པའི་ལོ་རྒྱུས་ཀྱི་སྙན་རྩོམ་རིང་མོའི་ཕྱི་ནང་གི་གསང་བ་རེ་རེ། ང་ཚོའི་མིག་གི་དགའ་སྟོན་དང་བསམ་པའི་ལོངས་སྤྱོད་དུ་ཕུལ་ཡོད།  དེ་ལས་ཀྱང་གླེང་རིན་ཡོད་པ་ཞིག་ནི། ཁོས་ལོ་ཙཱ་བའི་ཐོབ་ཐང་ལ་བརྟེན་ནས་ལོ་རྒྱུས་ལ་བདེན་དཔང་མཛད་འདུག་པས། དངོས་གནས་འབྲས་ལྡན་ལྗོན་ཤིང་བཞིན་དུས་ཀྱི་ཉི་འོད་དང་བརྩོན་པའི་ཆར་ཆུ་མང་དུ་གཞིབ་ནས། ད་ལྟ་ལེགས་པའི་འབྲས་བུ་ཚར་དུ་དངར་བ་ཞིག་ཡིན་པས། གཤམ་དུ་ང་ཚོས་ཕྱོགས་གསུམ་གྱི་ཆ་ནས་རྒན་པ་འདིའི་དུས་ཀྱི་ཞབས་རྗེས་རེ་རེ་བཞིན་མཇལ་བར་བྱ། 
ལོ་ཙཱ་ཡི་ལམ་བུ་། 
 
  རྒན་འཇམ་དཔལ་རྒྱ་མཚོ་ལགས་ནི་1938ལོར་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་གྱི་འབའ་ཐང་རྫོང་གི་དུད་ཚང་དཀྱུས་མ་ཞིག་ནས་སྐྱེས་ཤིང་། ཁྱིམ་དུ་མིང་སྲིང་བདུན་ཡོད་ལ། ཨ་ཕ་རྒྱུན་པར་ཕྱི་ལ་ལས་ཀར་འགྲོ་དགོས་པས། འཇམ་དཔལ་རྒྱ་མཚོས་གསུངས་ན། ཨ་མ་གཅིག་པུས་ཁོང་གི་མིང་སྲིང་བདུན་པོ་གཉོར་སྐྱོང་གནང་ནས་འཚར་ལོངས་བྱུང་བ་རེད། སྐབས་དེར་སློབ་གྲྭར་ཞུགས་རྒྱུ་ནི་གཞན་གྱིས་བལྟས་ན་ཧ་ཅང་ཐབས་རྡུགས་ཀྱི་བྱ་བ་ཞིག་ཡིན་རུང་། འཇམ་དཔལ་རྒྱ་མཚོ་ལ་མཚོན་ན། དེ་ནི་མི་ཚེའི་རིན་ཐང་གསར་སྐྲུན་བྱེད་པའི་ཐབས་ལམ་གལ་ཆེན་ཞིག་ཏུ་གྱུར་པ་རེད། རྒྱུ་མཚན་ནི་1949ལོའི་ཟླ་12པར་འབའ་ཐང་རྫོང་བཅིངས་འགྲོལ་བཏང་བ་ཁྱབ་བསྒྲགས་བྱས་ཤིང་། 1950ལོའི་ཟླ་6པར་བཅིངས་འགྲོལ་དམག་འབའ་ཐང་རྫོང་དུ་སླེབས་ཡོང་བས། སྐབས་དེར་འཇལ་དཔལ་རྒྱ་མཚོ་དགུང་ལོ་བཅུ་གཉིས་ལས་སོན་མེད་ཅིང་། སློབ་ཆུང་མཐར་ཕྱིན་རྗེས། ཁོང་གིས་སློབ་གྲྭར་འགྲོ་མཚམས་བཞག་ནས་བཅིངས་འགྲོལ་དམག་གི་ནང་ལ་ཞུགས་ཤིང་། སློབ་ཆུང་གི་དུས་ལ་རྒྱ་ཡིག་དང་རྒྱ་སྐད་ཅུང་ཟད་སྦྱངས་པའི་གྲུབ་འབྲས་དེ་ལ་བརྟེན་ནས། ལོ་ཙཱ་བ་ཆུང་ཆུང་ཞིག་གི་ལས་འགན་ཁུར་དུ་བླངས་པ་རེད། 
  རྗེས་སུ་བཅིངས་འགྲོལ་དམག་བོད་ལྗོངས་སུ་སླེབས་པ་ན། འཇམ་དཔལ་རྒྱ་མཚོ་ནི་ཏང་དང་རྒྱལ་ཁབ་ཀྱིས་ཆེད་དུ་གསོ་སྐྱོང་བྱེད་པའི་ལོ་ཙཱ་པའི་གྲས་སུ་ཚུད་ནས། བོད་ལྗོངས་དམག་ཁུལ་གྱི་སློབ་གྲྭའི་ནང་དུ་བོད་ཡིག་ཟབ་སྦྱོང་ལ་མངགས་པ་རེད། སྐབས་དེར་འཇམ་དཔལ་རྒྱ་མཚོ་ནི་རང་གི་སྐད་དང་ཡི་གེ་ལ་དུངས་ཞེན་ཟབ་མོ་སྐྱེས་པའམ། ཡང་ན་རང་ཉིད་ཀྱི་མི་ཚེའི་རིན་ཐང་དོན་དུ་གཉེར་བའི་ཕུགས་བསམ་བརྟན་པོ་ཞིག་ཡིད་ལ་བཅངས་པ་ཡིན་ནམ། གང་ལྟར་ཁོང་གིས་འཕྲད་དཀའ་བའི་གོ་སྐབས་བཟང་པོ་དེ་དམ་