ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་རིའི་རྒྱལ་སྲུང་པུའུ་ཀྲང་ཧ་གར་གྱིས་སྤྱི་ཚེས་12ཉིན་གྱི་དགོང་མོ། ཨ་རིས་སྣོན་གཏོང་བྱས་པའི་དམག་དོན་བློ་འདྲི་ཡུལ་༡༣༠ཨི་རག་ཏུ་འབྱོར་ཡོད་པ་དང་། ས་གནས་དེ་གའི་མི་ཆོས་རིང་ལུགས་ཉམས་ཉེན་ལ་ཁ་གཏད་གཅོག་རྒྱུར་རོགས་རམ་བྱ་རྒྱུ་ཡིན་ཞེས་ཁྱབ་བསྒྲགས་གནང་ཡོད།
           ཧ་གར་གྱིས་ཉིན་དེ་གར་ཅ་ལི་ཧྥུ་ཉི་ཡ་མངའ་སྡེའི་ཕང་ཏར་ཏུན་དམག་སྒར་གྱི་མཚོ་དམག་རྟེན་གཞིར་གསུང་བཤད་གནང་སྐབས། ཨ་རིའི་དམག་གི་བློ་འདྲི་ཡུལ་དེ་དག་སྤྱི་ཚེས་12ཉིན་ཨི་རག་ཏུ་འབྱོར་ཡོད་པ་དང་། ཁོང་ཚོས་ཨི་རག་སྲིད་གཞུང་ནས་ཨི་རག་གི་ཐད་སྐྱོད་སྒྲིག་འཛུགས་ཀྱིས་མཐའ་སྐོར་བའི་ཤིན་ཅར་ཧྲན་རི་བོའི་ཁྲོད་ལུས་པའི་མི་སེར་མང་པོ་སྐྱོབ་རྒྱུར་རོགས་རམ་བྱ་རྒྱུ་ཡིན་ཞེས་བསྟན་ཡོད་པ་དང་། ཧ་གར་གྱིས་དམག་དོན་མི་སྣ་དེ་དག་གིས་ཨ་རིས་དབྱི་རན་ལ་རོགས་སྐྱོར་བྱེད་པའི་བྱ་སྤྱོད་ཆེད་དཔྱད་དཔོག་གཏིང་ཟབ་བྱ་རྒྱུ་ཡིན་ཞེས་གསུངས་ཡོད་པ་དང་། ཁོང་གིས་ཨ་རིས་ཨི་རག་ལ་ས་ཐོག་གི་དམག་འཐབ་དཔུང་སྡེ་མངགས་གཏོང་བྱེད་མི་སྲིད་པའི་ནན་བཤད་གནང་ཡོད།