བོད་ལྗོངས་ཀྱིས་བོད་སྨན་གྱི་སྨན་རྒྱུ་སྔོག་འཐུ་དང་སྲུང་སྐྱོབ་ལམ་སྲོལ་འཚོལ་ཞིབ་བྱས་ནས་བཙུགས་པ།

རྩོམ་སྒྲིག་པ།ཡོང་ཁུངས། སྤེལ་དུས། 08-22



           ཚེས་19ཉིན་གྱི་ཕྱི་དྲོར་བོད་སྨན་གྱི་སྨན་རྒྱུ་སྔོག་འཐུ་དང་སྲུང་སྐྱོང་ལམ་སྲོལ་གྱི་ཆེད་དོན་ཚོགས་འདུ་འཚོགས་ཤིང་། ཚོགས་འདུའི་ཐོག་བོད་སྨན་གྱི་སྨན་རྒྱུ་སྔོག་འཐུ་དང་སྲུང་སྐྱོབ་འགོ་ཁྲིད་ཚོགས་ཆུང་བཙུགས་པ་རེད། བོད་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་བདེ་སྐྱིད་ཀྱིས་ཚོགས་འདུ་གཙོ་སྐྱོང་གནང་བ་དང་། བོད་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་སྤེན་པ་བཀྲ་ཤིས་ཚོགས་འདུར་ཕེབས་ཡོད་པ་རེད། ཚོགས་འདུའི་ཐོག་བོད་སྨན་གྱི་སྨན་རྒྱུ་ནི་རང་བྱུང་ཐོན་ཁུངས་གལ་ཆེན་ཞིག་ཡིན་པས་དེར་དཔལ་འབྱོར་གྱི་རིན་ཐང་དང་། དམངས་འཚོའི་རིན་ཐང་། རིག་གནས་རྒྱུན་འཛིན་གྱི་རིན་ཐང་། སྣོད་བཅུད་རིན་ཐང་བཅས་གལ་ཆེན་ལྡན་པ་དང་། གོ་ལ་ཧྲིལ་པོར་དམིགས་བསལ་གྱི་ཁྱད་ཆོས་མངོན་གསལ་དོད་པོ་ལྡན་ཡོད་ཅེས་གསུངས།
          ཚོགས་འདུའི་ཐོག་བོད་ལྗོངས་ཀྱི་བོད་སྨན་གྱི་སྨན་རྒྱུ་མཁོ་ཚད་ཟམ་མི་ཆད་པར་ཆེ་རུ་འགྲོ་བ་དང་། བོད་སྨན་གྱི་སྨན་རྒྱུའི་ཁྲོམ་ར་ཟམ་མི་ཆད་པར་རྒྱ་ཆེར་འགྲོ་བ། བོད་སྨན་གྱི་སྨན་རྒྱུའི་ཐོན་ཁུངས་རྒྱུན་མཐུད་ངང་འཕེལ་རྒྱས་འགྲོ་བཞིན་ཡོད་པས་ཕན་ནུས་ལྡན་པའི་སྲུང་སྐྱོབ་ལམ་སྲོལ་འཛུགས་དགོས། བོད་སྨན་གྱི་སྨན་རྒྱུ་སྲུང་སྐྱོབ་བྱ་རྒྱུ་དེ་ནི་རྨང་གཞིའི་འདུ་འགོད་དང་། ཕུགས་ཀྱི་འདུ་འགོད། ལེ་ལག་ཚང་བའི་འདུ་འགོད་བཅས་ཡིན་པས་ཡུན་རིང་འཆར་འགོད་དང་ཕྱོགས་བསྡུས་བཅོས་སྐྱོང་བྱས་ཏེ་སྤྱི་ཚོགས་ཡོངས་ཀྱི་སྟོབས་ཤུགས་དེའི་ནང་ཞུགས་རྒྱུའི་སྐུལ་སློང་བྱེད་དགོས་པའི་ནན་བཤད་བྱས་ཡོད།
          ཚོགས་འདུའི་ཐོག་འབྲེལ་ཡོད་སྡེ་ཚན་ཁག་ལ་བོད་སྨན་གྱི་སྨན་རྒྱུ་རྒྱུན་མཐུད་ངང་འཕེལ་རྒྱས་འགྲོ་རྒྱུར་ཚད་མཐོའི་མཐོང་ཆེན་བྱས་ཏེ་བོད་ལྗོངས་ཀྱི་བོད་སྨན་གྱི་སྨན་རྒྱུ་སྲུང་སྐྱོབ་དང་འཕེལ་རྒྱས་ཀྱི་བསམ་འཆར་གང་མགྱོགས་ཞིབ་འཇུག་བྱས་ནས་བཏོན་ཁར། བོད་ལྗོངས་ཀྱི་བོད་སྨན་གྱི་སྨན་རྒྱུ་སྲུང་སྐྱོབ་དང་དོ་དམ་བྱ་ཐབས་བཟོས་ནས་མཉམ་འབྲེལ་ཁྲིམས་འཛིན་དང་། རིགས་དབྱེའི་དོ་དམ། འགུལ་ཚུལ་ལྟ་ཞིབ་ཚད་ལེན་བཅས་ཀྱི་སྲུང་སྐྱོབ་ལམ་སྲོལ་ཞིག་ཆགས་པ་བྱེད་དགོས་པའི་བླང་བྱ་བཏོན་ཡོད།   


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1