ཟླ་5ཚེས་8ཉིན། རྒྱལ་སྲིད་སྤྱི་ཁྱབ་ཁང་གི་སློབ་གནས་མིང་གདགས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པས་ཆོག་མཆན་གནང་བ་བརྒྱུད། བོད་ལྗོངས་བོད་ལུགས་གསོ་རིག་སློབ་གླིང་ལ་འབུམ་རམས་པའི་སློབ་གནས་སྤྲོད་ཆོག་པའི་ཆོག་མཆན་ཐོབ་པ་དང་། ཀྲུང་ལུགས་གསོ་རིག(བོད་ལུགས་གསོ་རིག)ལ་རིམ་པ་དང་པོའི་རིག་ཚན་འབུམ་རམས་པའི་སློབ་གནས་སྤྲོད་ཆོག་པའི་ཆོག་མཆན་ཐོབ་པས། དེས་བོད་ལྗོངས་བོད་ལུགས་གསོ་རིག་སློབ་གླིང་ལ་འབུམ་རམས་པའི་སློབ་གནས་སྤྲོད་ཆོག་པའི་སྡེ་ཁག་མངོན་འགྱུར་བྱེད་པ་དང་། རིམ་པ་དང་པོའི་རིག་ཚན་འབུམ་རམས་པའི་སློབ་གནས་སྤྲོད་ཆོག་པར་གྱུར་ཞིང་། བོད་ལུགས་གསོ་རིག་གི་ཤེས་རམས་དང་རབ་འབྱམས། འབུམ་རམས་བཅས་ཀྱི་སློབ་གནས་ཆ་ཚང་བའི་མ་ལག་གྲུབ་པ་དང་། བོད་ལུགས་གསོ་རིག་སློབ་གླིང་གི་ལོ་རྒྱུས་སུ་རིག་ཚན་འཛུགས་སྐྲུན་དང་སློབ་གནས་སློབ་གསོ་འཕེལ་རྒྱས་གལ་ཆེན་ཞིག་ཡིན་པ་དང་། བོད་ལུགས་གསོ་རིག་གི་ཚན་རིག་འཕེལ་རྒྱས་ལ་ལོ་རྒྱུས་རང་བཞིན་གྱི་དོན་སྙིང་ལྡན་པ་རེད།