མིག་སྔར། གསར་འབྱེད་ཡུན་ནན་2014ལོའི་རིག་གནས་ཐོན་ལས་དངོས་མང་སྟོན་ཚོགས་དེ་ཁུན་མིང་རྒྱལ་སྤྱིའི་འགྲེམ་སྟོན་ལྟེ་གནས་སུ་བསྡུས་པ་རེད། 
རང་ཁུལ་གྱིས་ཁེ་ལས་10རྩ་འཛུགས་བྱས་ནས། རིགས་སྣ་10ཡི་ཐོན་རྫས་500ལྷག་འགྲེམ་སྟོན་དུ་ཞུགས་ཡོད། འདིའི་ཁྲོད་དུ། ཉི་ཤར་གྱི་རྫ་ནག་དང་གསར་འབྱེད་ཤིང་བརྐོས་མ། ཐང་ཀ སྟོན་པའི་ལག་རྔ་སོགས་ལ་རྒྱ་ཆེ་བའི་ཡུལ་སྐོར་བ་དང་ཚོང་པའི་དགའ་བསུ་ཐོབ་པ་རེད། འགྲེམ་སྟོན་གྱི་སྐབས་སུ། རང་ཁུལ་གྱི་འགྲེམ་སྟོན་ཁང་གིས་ཁྱོན་བསྡོམས་ཡུལ་སྐོར་བ་དང་ཚོང་པ་མི་ཁྲི་2ལྷག་བསུས་པ་དང་། ཁེ་ལས་ཀྱི་མིང་བྱང་དང་ཚོང་འགུགས་དཔྱད་ཡིག་10000ལྷག་འགྲེམ་ཡོད་ལ། བྲིན་ཚོང་ཡོང་འབབ་ཁྲི་10ལྷག་ཟིན་པ་རེད།
         བདེ་ཆེན་ཁུལ་གྱི་འཐུས་ཚབ་ཚོགས་པས་འགྲེམ་སྟོན་ཁང་5པ་ནས་སེམས་ཀྱི་ཉི་ཟླའི་འགྲེམ་སྟོན་ཁང་བཙུགས་པ་དང་། འགྲེམ་སྟོན་ཁང་དེ་བོད་ཀྱི་རིག་གནས་ཀྱིས་གཙོ་བྱས་ཡོད་ལ། ཁྱོན་བསྡོམས་འགྲེམ་སྟེགས་10བཙུགས་ཡོད་པ་རེད།