ཟླ་6ཚེས་20ཉིན། ཀྲུང་གོ་ལོ་ཆུང་བྱིས་པ་ཐེབས་རྩ་ལྷན་ཚོགས་ཀྱིས་གཅེས་སེམས་དང་ལག་གདང་སྦྲེལ་ཞེས་པའི་ཁེ་ལས་ཀྱིས་སྤེལ་བའི“HELLOབྱིས་པ”སྤྱི་ཕན་རྣམ་གྲངས་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་སྒྱིས་ཚང་ཤང་ལྟེ་བའི་ཞག་སྡོད་ལམ་ལུགས་ཀྱི་སློབ་ཆུང་དུ་བསྐྱོད་དེ། བྱིས་པ་རེ་རེར་ཡིག་ཆས་དང་། གྱོན་ཆས། རོལ་ཆ་སོགས་ཚུད་པའི“HELLOབྱིས་པའི”གཅེས་སེམས་ཁུག་མ་ཆ་ཚང་རེ་སྤྲད་པ་མ་ཟད་ཕྲུ་གུ་རྣམས་ལ་སེམས་ཁམས་བདེ་ཐང་གི་ཟུར་ཁྲིད་བྱས་ནས་ཁོང་ཚོ་བདེ་ཐང་ངང་འཚར་ལོངས་ཡོང་བར་རོགས་རམ་བྱས་ཡོད།