དཀར་མཛེས་ཁུལ་གྱི་དངོས་མིན་རིག་གནས་ཤུལ་བཞག་བརྗོད་གཞི་བྱས་པའི་འགྲེམས་སྟོན་ཁྲེན་ཏུའུ་རུ་སྤེལ་བ།

རྩོམ་སྒྲིག་པ།ཡོང་ཁུངས།མི་དམངས་དྲ་བ། སྤེལ་དུས། 07-17


        

        ཟླ་7ཚེས་12ཉིན། "རིག་གནས་ཀྱི་དཀར་མཛེས། ངོ་མཚར་བའི་གཟི་བྱིན་ལྷམ་མེར་བཀྲ"ཞེས་པའི་དཀར་མཛེས་ཁུལ་གྱི་དངོས་མིན་རིག་གནས་ཤུལ་བཞག་བརྗོད་གཞི་བྱས་པའི་འགྲེམས་སྟོན་ཁྲེན་ཏུའུ་རུ་སྤེལ་འགོ་བརྩམས་པ་རེད།

        ཐེངས་འདིའི་འགྲེམས་སྟོན་ནི"ཤུལ་བཞག"དང"རིག་རྩལ"ཞེས་པ་ཁག་གཉིས་བགོས་ནས། ཁག་སོ་སོ་ནས"གླིང་གེ་སར་རྒྱལ་པོ"བརྗོད་གཞིར་བཟུང་ནས་དངོས་མིན་རིག་གནས་ཤུལ་བཞག་དང་། དེ་བཞིན་དུ་ཁམས་པའི་རིག་གནས་གཞི་རྒྱུ་བྱས་པའི་རིག་གནས་གསར་གཏོད་ཀྱི་ཐོན་རྫས་སོགས་འགྲེམས་སྟོན་བྱས་ཡོད་པ་རེད། འགྲེམས་སྟོན་འདི་ཟླ་འདིའི་ཚེས་20བར་དུ་བྱ་རྒྱུ་རེད། 

        ངོ་སྤྲོད་བྱས་པར་གཞིགས་ན། མིག་སྔར་དཀར་མཛེས་ཁུལ་དུ་གླིང་སྒྲུང་དང་།  པར་ཤིང་གི་ལག་རྩལ། བོད་ཀྱི་ཟློས་གར་སོགས་འཛམ་གླིང་གི་དངོས་མིན་རིག་གནས་ཤུལ་བཞག་ཁག་3ཡོད་པ་དང་། ད་དུང་རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞག་ཁག་23 ཞིང་ཆེན་རིམ་པ་དང་ཁུལ་རིམ་པའི་དངོས་མིན་རིག་གནས་ཤུལ་བཞག་ཁག་115ཡོད་པ་རེད།  དངོས་མིན་རིག་གནས་ཤུལ་བཞག་གི་ཐོན་ཁུངས་འཛོམས་ཚད་ནི་སི་ཁྲོན་ཞིང་ཆེན་གྱི་ཨང་གཉིས་པ་རེད།

        ཐེངས་འདིའི་འགྲེམས་སྟོན་ཐོག་《བོད་ཀྱི་གླིང་སྒྲུང་ཀུན་འདུས་ཆེན་མོ་》(ཆ་ཤས)དང་ལག་བཟོའི་གེ་སར་རྒྱལ་པོའི་ཟངས་སྐུ།(མཐོ་ཚད་ལ་སྨི་2ཡོད་པ) གསར་དུ་བཞེངས་པའི་གླིང་གི་དཔའ་རྟུལ་སུམ་ཅུའི་ཐང་ཀ དེ་བཞིན་པར་འདེབས་ལག་རྩལ་དང་། བོད་ཀྱི་ཡིག་གཟུགས་འབྲི་རྩལ།  ཀརྨ་སྒར་བྲིས་ཀྱི་ཐང་ཀའི་འབྲི་རྩལ་སོགས་དངོས་མིན་རིག་གནས་ཤུལ་བཞག་གི་ལས་གཞི་ཡོད་པ་རེད། 


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1