གཙོ་ངོས།>> རྩོམ་རིག>>སྙན་རྩོམ།

བྱང་གྲོལ། རྩོམ་སྒྲིག་པ།ཚེ་དཔལ། ཡོང་ཁུངས།མཚོ་སྔོན་བོད་ཡིག་གསར་འགྱུར། སྤེལ་དུས། ༢༠༡༨ལོའི་ཟླ་བ་༠༨ཚེས་༡༤ཉིན།

༄༅།། གནམ་མཐའི་ཟླ་བ་གོར་གོར་དེ་ཁྱེད་ཡིན་ནམ།

—བརྗེད་མ་ཐུབ་པའི་མི་ཞིག་ལ་བསྐུར།

ཟི་ལིང་། བྱང་གྲོལ།

ངོ་གདོང་གནམ་ལ་ཕྱོགས་དུས
ནམ་མཁའ་ཡང་གཟིམས་ལ་ཉེ་ཨང
ཡོད་ཚད་མུན་ནག་གི་ཁུག་མ་ཞིག་ལ་བཅུག་རྗེས
ཧ་ཅང་ཡིན་མདོག་གི་རྫིག་རྫིག་འདྲ་བྱེད་ཀྱིན་འདུག
གནམ་མཐའི་ཟླ་བ་ཁོ་ན་གསལ་ལྷིང་ངེར་འཚེར་ཡོང
དེ་ནི་ཁྱེད་རང་ཡིན་ནམ
ཁ་སང་བསམ་འོང་དུས
ཅི་འདྲའི་ཉེ་ས་ཞིག་རེད་ཨང
ཕྱིར་དྲན་ཁུག་མ་གང་གློག་ཀླད་ཀྱི་པར་དེབ་ཏུ་བཅུག་རྗེས
ཡིག་འབྲུ་འགའ་ཡི་མགོ་རྔ་བསྒྲིགས་ནས་རྗེས་དྲན་ཞུས
བརྗེད་མ་ཐུབ་པ་ནི་ཁྱེད་ཡིན་པས
ཁྱེད་བདེ་བར་བཞུགས་སམ
སང་ཉིན་ཟེར་ན
ཧ་གོ་རྒྱུ་མེད་པའི་གནས་ལུགས་ཆེན་པོ་ཞིག་རེད་ཨང
ད་དུང་ཡང་གནས་ལུགས་ཅི་འདྲ་ཞིག་རྟོགས་རྗེས
འཛེམ་དོགས་ཅི་ཡང་མེད་པར་ཀི་ཞིག་བཏབ་ཆོག
དེ་དུས་ང་གང་དུ་ཡོད་དམ
ཁྱེད་གང་དུ་ཡོད་དམ
དོ་ནུབ་གླེང་ན
གནམ་མཐའི་ཟླ་བ་སྒོར་སྒོར་དེ་ཁྱོད་ཡིན་ནམ

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1