གཙོ་ངོས།>> ཁྲིམས་ལུགས།>>ཁྲིམས་ལུགས་ཤེས་བྱ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༠༩ཚེས་༡༦ཉིན།

༄༅། །རྩྭ་ཐང་མེ་འགོག་སྐོར་གྱི་སྲོལ་ཡིག ༼༡༽

     (1993ལོའི་ཟླ10བའི་ཚེས5ཉིན་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ་ཨང130པ་ལས་ཁྱབ་བསྒྲགས་བྱས་ཤིང་། 2008ལོའི་ཟླ11པའི་ཚེས19ཉིན་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་ཐེངས36པའི་སྟེང་བཟོ་བཅོས་བྱས་ཏེ་གྲོས་འཆམ་བྱུང་།)

ལེའུ་དང་པོ། སྤྱིའི་རྩ་དོན།

     དོན་ཚན་དང་པོ། རྩྭ་ཐང་གི་མེ་འགོག་བྱ་བར་སྔར་ལ་ས་ཤུགས་སྣོན་པ་དང་རྩྭ་ཐང་གི་མེ་སྐྱོན་སྔོན་འགོག་དང་མེ་གསོད་བྱ་བ་ཧུར་ཐག་གིས་སྒྲུབ་པ། རྩྭ་ཐང་གི་མེ་སྐྱོན་དང་མི་དམངས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་འགན་སྲུང་བཅས་བྱེད་ཆེད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩྭ་ཐང་སྐོར་གྱི་བཅའ་ཁྲིམས》ལྟར་སྲོལ་ཡིག་འདི་གཏན་ཁེལ་བྱས་པ་ཡིན།

     དོན་ཚན་གཉིས་པ། སྲོལ་ཡིག་འདི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་ནང་གི་རྩྭ་ཐང་གི་མེ་སྐྱོན་སྔོན་འགོག་དང་མེ་གསོད་བྱ་བ་ཡོངས་ལ་འཕྲོད་མོད། འོན་ཀྱང་ནགས་ཁུལ་དང་གྲོང་ཁྱེར་འདིའི་ནང་འདུས་མེད།

     དོན་ཚན་གསུམ་པ།རྩྭ་ཐང་གི་མེ་འགོག་བྱ་བར་སྔོན་འགོག་གཙོ་དང་འགོག་གསོད་ཟུང་འབྲེལ་བྱེད་པའི་བྱེད་ཕྱོགས་ལག་བསྟར་བྱ་རྒྱུ།

     དོན་ཚན་བཞི་བ། རྫོང་རིམ་པ་ཡན་གྱི་མི་དམངས་སྲིད་གཞུང་གིས་རྩྭ་ཐང་མེ་འགོག་བྱ་བའི་རྩ་འཛུགས་དང་འགོ་ཁྲིད་ལ་ཤུགས་སྣོན་པ་དང་། རྩྭ་ཐང་མེ་འགོག་ཐད་མཁོ་བའི་འགྲོ་སོང་དེ་རང་རིམ་པའི་ནོར་སྲིད་སྔོན་རྩིས་ནང་བཞག་སྟེ། རྩྭ་ཐང་མེ་སྐྱོན་སྔོན་འགོག་དང་མེ་གསོད་བྱ་བ་གང་ལེགས་སྒོས་སྒྲུབ་པར་འགན་སྲུང་བྱེད་དགོས། རྩྭ་ཐང་མེ་འགོག་བྱ་བ་དེ་ས་གནས་ཀྱི་རིམ་པ་སོ་སོའི་མི་དམངས་སྲིད་གཞུང་གི་སྲིད་འཛིན་དཔོན་པོའི་འགན་ཁུར་ལམ་ལུགས་དང་སྡེ་ཁག་དང་ལས་ཁུངས་འགོ་ཁྲིད་ཀྱི་འགན་ཁུར་ལམ་ལུགས་ལག་བསྟར་བྱེད་དགོས།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1