གཙོ་ངོས།>> གསར་འགྱུར།>>སི་ཁྲོན་བོད་ཁུལ།

ཨོ་རྒྱན་གྱིས་བསྒྱུར། རྩོམ་སྒྲིག་པ།ཡོང་ཁུངས།ཁམས་པའི་དྲ་བ། སྤེལ་དུས། ༢༠༡༨ལོའི་ཟླ་བ་༡༢ཚེས་༠༧ཉིན།

རྒྱལ་ལམ318ཀྱི་འབྲི་ཆུའི་ཟམ་ཆེན་དུ་རླངས་འཁོར་ཤར་གཏོང་ཐུབ་པ་བྱུང་།

        སྤྱི་ཟླ12པའི་ཚེས5ཉིན་གྱི་ཕྱི་དྲོར། འགྲིམ་འགྲུལ་སྐྱེལ་འདྲེན་ཁང་ནས་ཤེས་རྟོག་བྱུང་བ་ལྟར་ན། དྲག་ཆས་ཉེན་རྟོག་དཔུང་སྡེ་ཞིག་གི་ཡན་ལག་རུ་ཁག་གསུམ་པ་དང་སི་ཁྲོན་ལམ་ཟམ་ཚོགས་པ་གཉིས་ཀྱིས་མཉམ་འབྲེལ་གྱིས་ཉིན་བཅུ་གཉིས་རིང་གི་ཉིན་མཚན་ལྟོས་མེད་ཀྱིས་འབད་འཐབ་བྱས་པ་བརྒྱུད། རྒྱལ་ལམ318ཀྱི་འབྲི་ཆུའི་ཟམ་ཆེན་གྱི་ལྕགས་ཟམ་ཟམ་གདན་བདེ་བླགས་ངང་ལེགས་འགྲུབ་བྱུང་སྟེ་རླངས་འཁོར་ཤར་གཏོང་ཐུབ་པ་བྱས་ཡོད་པ་རེད།

        རྒྱུས་ལོན་བྱུང་བ་ལྟར་ན། འབྲི་ཆུའི་ཟམ་ཆེན་ལེགས་འགྲུབ་བྱུང་བ་འདིས་རྒྱལ་ལམ318ཀྱི་ཁྲོན་བོད་གཞུང་ལམ་སླར་གསོ་ཐུབ་པ་བྱུང་ཞིང་། སི་ཁྲོན་དང་བོད་ལྗོངས་ས་ཆའི་མི་དམངས་མང་ཚོགས་ལ་སྟབས་བསྐྲུན་ཡོད་ལ། འབྲི་ཆུའི་པད་དགེ་མཚེའུ་ཡི་གནོད་ཐེབས་བསྐྱར་འཛུགས་ཀྱི་ལས་གཞི་ཞིག་ཀྱང་ཡིན་པ་རེད། འབྲི་ཆུའི་ལྕགས་ཟམ་འདི་བདེ་འཇགས་འགན་ལེན་བྱ་ཆེད། ཡུལ་དངོས་ནས་ལྕགས་ཟམ་འདི་ཉིད་བདེ་འཇགས་རྒྱུ་སྤུས་དང་ཟམ་ཆེན་གྱི་མཐུད་མཚམས་སོ་སོའི་དོན་དངོས་གྱི་གནས་ཚུལ་དག་ལ་ཞིབ་བཤེར་བྱས་ཤིང་། དེ་རིང་སྟེ་སྤྱི་ཚེས6ཉིན་གྱི་ཕྱི་དྲོར་འབྲི་ཆུའི་ཟམ་ཆེན་འདི་ཉིད་ཀྱི་སྟེང་ནས་རླངས་འཁོར་ཆུང་བའི་རིགས་ཤར་གཏོང་ཐུབ་རྒྱུ་ཡིན་པ་རེད།


39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1