གཙོ་ངོས།>> དམངས་སྲོལ།>>དམངས་རྩོམ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༠༩ཚེས་༡༧ཉིན།

༄༅། །རྗེ་བཙུན་མི་ལའི་མགུར་གླུ་བཞུགས་སོ།།

         རྗེ་བཙུན་མི་ལ་རས་པ།༼ཁོང་ནི་མང་ཡུལ་གུང་ཐང་རྔ་རྩ་རུ་ཡབ་མི་ལ་ཤེས་རབ་རྒྱལ་མཚན་དང་།ཡུམ་མྱང་ཚ་དཀར་རྒྱན་གཉིས་ཀྱི་སྲས་སུ་རབ་བྱུང་དང་པོའི་ལྕགས་འབྲུག་ལོར་༼འདས་ལོ་1584༽སྐུ་འཁྲུངས།ཆུང་དུས་སུ་ཡབ་གཤེགས་ཏེ་རང་ཁྱིམ་གྱི་ནོར་རྫས་ཕ་ཚན་གྱིས་བདག་ཏུ་བཟུང་བས་སྡུག་མང་པོ་མཐོང་།དེའི་འཁོན་ལན་སློག་པར་མཐུ་བསླབས་ནས་མི་མང་པོ་བསད།སླད་ནས་སྡིག་པ་ལ་འགྱོད་དེ་ཆོས་བྱེད་པར་ལྷོ་བྲག་ཏུ་ཕེབས་ཏེ་མར་པ་ལོ་ཙྭ་དང་མཇལ།དབང་དང་མན་ངག་རྫོགས་པར་གསན།དེ་ནས་སྐྱིད་གྲོང་སོགས་སུ་སྒྲུབ་པ་སྙིང་པོར་མཛད་པས་གྲུབ་པའི་ས་མཐོར་གཤེགས།རས་ཆུང་བ་སོགས་སློབ་མ་གྲགས་ཅན་མང་པོ་བྱུང་།དགུང་ལོ་བརྒྱད་ཅུ་གྱ་བཞི་པ་རབ་བྱུང་གཉིས་པའི་ཆུ་ཡོས་ལོར་༼འདས་ལོ་1668༽སྐུ་གཤེགས་སོ།།༽

༄༅།།རས་པ་ཞི་བ་འོད་ལ་གནང་བའི་མགུར།

༄༅།།ཨ་མཚར་པོ་ཅི་འདྲ་ཚོར་བར་འདུག།

ཚིག་གིས་སྦོས་པའི་སྟོན་པ་དེ།།

རྩོད་དུས་ཁྲོམ་པ་བསྙོན་བསྙོན་བྱེད།།

ལབ་དུས་དྲེད་མོས་ལབ་ལབ་བྱེད།།

ཉལ་དུས་མི་ཆེན་ཉལ་ཉལ་བྱེད།།

འགྲོ་དུས་ཧོར་དམག་འགྲིམ་འགྲིམ་བྱེད།།

དེས་གེགས་དང་གོལ་ས་ཅི་ཆོད་ཨང་།།

སྤྱིར་ཁམས་གསུམ་སེམས་ཅན་སོ་སོར་གོལ།།

སོ་སོ་སྐྱེ་བོ་ལས་ལ་གོལ།།

ཉན་རང་ཞི་བའི་གནས་ལ་གོལ།།

དགེ་བཤེས་ཟ་བའི་ཐབས་ལ་གོལ།།

སྟོན་པ་ཚིག་གི་རྫོང་ལ་གོལ།།

དགེ་སློང་ཟ་རྒྱུའི་ནང་དུ་གོལ།།

རྣལ་འབྱོར་སྨྱོན་པའི་གསེབས་ཏུ་གོལ།།

སྒོམ་ཆེན་སྟོང་ལྟ་ཧད་པོས་གོལ།།

དེ་བཞིན་ཐམས་ཅད་གོལ་ཚབས་ཆེ།།

བུ་སྙན་བརྒྱུད་མཁའ་འགྲོའི་ཁ་རླངས་ལ།།

གོལ་ས་ཡོད་སྙམ་བདུད་ཡིན་ཏེ།།

རས་ཆེན་དྲུང་དུ་ཞི་བ་འོད།།

གེགས་ལ་ཤོར་ན་བསླུས་པ་ཡིན།།

དམར་ཁྲིད་ལག་ལེན་མངོན་སུམ་ལ།།

གོལ་ས་བྱུང་ན་བདེན་པ་མེད།།

བུ་གོལ་སའི་སློབ་གཉེར་མ་སེམས་པར།།

རྩེ་གཅིག་ཏུ་སྒོམ་དང་མྱུར་དུ་གསལ།།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1