གཙོ་ངོས།>> དམངས་སྲོལ།>>དམངས་རྩོམ།

དམངས་ཁྲོད། རྩོམ་སྒྲིག་པ།དབང་ཆེན།ཡོང་ཁུངས།རྩོམ་ཁུངས། བཙན་པོ་མགར་གྱི་དྲ་བ། སྤེལ་དུས། ༢༠༡༤ལོའི་ཟླ་བ་༠༩ཚེས་༡༧ཉིན།

༄༅། །རྒན་པོ་སེར་སྣ་ཅན་ལ་སྐུལ་བ།

ཁྱོད་ཨ་བུ་རི་ལ་ཨེ་ཐོན།། 
གན་ས་གནས་རྒྱ་པོ་ཨེ་རིག། 
རྒྱབ་སྐུད་པའི་ལྭ་ཞིག་གྱོན་ནས།། 
རྐང་ལྷམ་ཧྲུག་ལྕིཡིས་བརྫངས་ཡོད།། 
མགོ་ཕྱིང་བའི་ཞྭ་ཞིག་གོན་ནས།། 
འབྲི་ནོར་མོ་ལྔ་བརྒྱ་འཚོས་རུང་།། 
ཅིང་མེད་ཀི་སྒྲ་ཞིག་སྒྲོག་གི། 
དགྲ་ནག་པོའི་གླ་ཅན་ནང་ལ།། 
མར་སྐར་ཆེན་ཙམ་ཞིག་འཕེན་གི། 
ཅིང་མེད་ཀི་སྒྲ་ཞིག་སྒྲོག་གི། 
འཆི་མི་ཐུབ་ཆེད་ཀི་རྫས་འདི།། 
ཁྱོད་འཆི་དུས་འཁྱེར་རྒྱུ་ཨེ་འདོད།། 
ཁྱོད་འཆི་དུས་འཁྱེར་དབང་མ་དགོས།། 
མིག་ཕྱིར་ལྟས་བྱེད་དབང་མེད་ཀི། 
ཕྱི་བདེ་སྙོམས་རི་བོའི་སྟེང་ན།། 
ཁྱོད་རྣམ་ཤེས་གར་འགྲོ་མེད་ཀི།། 
ལམ་མི་རྙེད་དར་སྐུད་ཕྲ་མོ།། 
འགྲོ་མི་ཐུབ་སྦྲང་མ་རྩི་རྒུམ།། 
འདུག་མི་ཐུབ་ཨ་ཡེ་སྐུད་འཁེལ།། 
འཇིགས་ཤིན་རྗེའི་རྒྱ་མ་ཟེར་བ།། 
འདི་ལྕགས་ནག་སྦྲུལ་མགོ་མ་རེད།། 
ཕྱི་གཤིན་རྗེའི་རྒྱ་རྡོ་ཟེར་བ།། 
འདི་ཁྲོ་ཆུ་རྟ་མགོ་མ་རེད།། 
དམྱལ་གཤིན་རྗེའི་རྒྱ་ལོང་ཟེར་བ།། 
འདི་གཡག་ལྤགས་དགུ་བརྒྱུས་མ་རེད།། 
ཕྱི་དམྱལ་ཁམས་བྲག་ར་བཅོ་བརྒྱད།། 
གཤན་ལག་དམར་ལས་མཁན་བཙན་ལྔ།། 
ཚེ་འདི་ཕྱིའི་མེ་ལོང་ཀུན་གསལ།། 
སྤུ་ཉག་མར་འཆོར་རྒྱུ་མེད་ཀི།། 
ཞོ་སྐར་མའི་གྲངས་ཀ་མི་ལེན།། 
ཡར་ལྷ་ལ་མཆོད་པ་འབུལ་དང་།། 
མར་སྤྲང་བོར་སྦྱིན་པ་བཏང་ནས།། 
ཚེ་ཕྱི་མིའི་འགྲོ་རོགས་དེ་ཡིན།། 
ཨ་ཤི་རེ་རྒན་པོ་ལོ་ལོ།། 
ཁྱོད་ཆོས་ཆད་ངེས་ཆད་བར་གི།། 
ཁྱོད་གཡག་ཆད་ཤ་བ་ལྷུང་འདྲ།། 
ཆོས་དགེ་བའི་ཕྱོགས་ལ་རེམ་དགོས།། 

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1