ཉིན་དེ་གར། ཁྲོན་བོད་ལྕགས་ལམ་ལྷ་ས་ནས་ཉིང་ཁྲིའི་བར་གྱི་ལམ་དུམ་ལས་ཡུལ་དུ། འཛུགས་སྐྲུན་པས་ཁ་བ་བུ་ཡུག་ཁྲོད་དུ་གོང་དཀར་ཡར་ཀླུང་གཙང་པོའི་ཟམ་ཆེན་ཐོག་ཏུ་ལྕགས་ལམ་འདིང་བ་དང་གདུང་མ་འཛུགས་པའི་ལས་ཀ་ལས་བཞིན་ཡོད་པ་རེད། ཁྲོན་བོད་ལྕགས་ལམ་ལྷ་ས་ནས་ཉིང་ཁྲིའི་བར་གྱི་ལམ་དུམ་ནི་བོད་ལྗོངས་ཀྱི་གློག་ཤུགས་ཅན་གྱི་ལྕགས་ལམ་དང་པོ་ཡིན་ལ། མ་ལམ་ཧྲིལ་པོ་ལ་སྤྱི་ལེ435.48ཡོད། ཇུས་འགོད་ཀྱི་ཆུ་ཚོད་རེའི་མྱུར་ཚད་ནི་སྤྱི་ལེ་160ཡིན། སྔོན་དཔག་བྱས་ན་2021ལོར་འགྲུབ་ནས་མེ་འཁོར་ཤར་གཏོང་ཐུབ་རྒྱུ་རེད།
