༄༅།། ཀླད་པ་གསོ་བར་ཕན་པའི་གོམས་སྲོལ་འགའ།

རྩོམ་སྒྲིག་པ།ཡོང་ཁུངས།མཚོ་སྔོན་བོད་ཡིག་གསར་འགྱུར། སྤེལ་དུས། 12-29



        ན་གཞོན་གྱི་དུས་སུ་གོམས་སྲོལ་གང་དག་ཆགས་སུ་བཅུག་ན།རྒས་དུས་ཀྱི་ཀླད་པར་ཕན་པ་ཡོད་དམ།ཉེ་ཆར།ཨ་མེ་རི་ཁའི《ཀློག་པ་པོའི་རྩོམ་ཡིག》དྲ་བས་འདིའི་ཐད་ནས་མཚམས་སྦྱོར་ཞིབ་མོ་ཞིག་བྱས་ཡོད་པ་སྟེ།

        གཅིག རོལ་རྩེད་རྩེ་བ། མིག་མངས་དང་ཤོ་སྦག་རྒྱག་པ་སོགས་ཀྱི་རོལ་རྩེད་རྩེས་ན་ཀླད་པར་སྦྱོང་བརྡར་ཐོབ་པ་རེད།ཨ་མེ་རི་ཁའི་ཝེ་སི་ཁང་ཞང་སློབ་ཆེན་གྱི་ཞིབ་འཇུག་མི་སྣས་ཤེས་པ་ལྟར་ན།རྒྱུན་དུ་པར་རིས་སྒྲིག་པ་དང་མིག་མངས་རྩེ་བ་སོགས་ཀྱི་རོལ་རྩེད་ལ་དགའ་བའི་རྒན་པ་རྣམས་ཀྱི་ཤེས་རྟོགས་ནུས་པ་དང་ཀླད་པའི་ཤོང་ཚད་རོལ་རྩེད་དེའི་རིགས་ལ་མི་དགའ་བའི་ན་མཚུངས་རྒན་པ་ལས་མཐོ་བ་རེད།
        གཉིས། སྟོང་འདང་རྒྱག་པ།ཉིན་རེར་སྐར་མ12རིང་སྟོང་འདང་བརྒྱབ་ན་ཀླད་པའི་ཁྲག་རྒྱུན་ཇེ་མགྱོགས་སུ་བཏང་སྟེ།ཕྲ་ཕུང་གི་རྒས་ཚད་ཇེ་དལ་དུ་འགྲོ་བ་རེད།
        གསུམ། སྙིང་ལ་སྲུང་སྐྱོབ་བྱེད་པ།ཨ་མེ་རི་ཁའི་མའེ་ཨ་མིས་སློབ་ཆེན་གསོ་རིག་སློབ་གླིང་གི་ཞིབ་འཇུག་ལས་མངོན་པ་ལྟར་ན།སྙིང་གི་སྲུང་སྐྱོབ་ལ་ཇི་ལྟར་དོ་སྣང་བྱས་ན།ཤེས་རྟོགས་ནུས་པ་ཇེ་དམའ་རུ་འགྲོ་ཚད་དེ་ལྟར་དལ་བ་དང་།བདེ་ཐང་ཡིན་པའི་སྙིང་ཁམས་ཁྲག་རྩའི་མ་ལག་གིས་ཀླད་པར་འཚོ་བཅུད་མང་པོ་འདོན་སྤྲོད་བྱེད་ཐུབ།
        བཞི། དབྱང་ལྡན་ལུས་སྦྱོང་།འདི་ནི་ཀླད་པར་ཆེས་ཕན་པ་ཡིན།ཨ་མེ་རི་ཁའི་ཝེ་ཁེན་ནགས་ཚལ་སློབ་ཆེན་གསོ་རིག་སློབ་གླིང་གི་ཞིབ་འཇུག་ལས་མངོན་པ་ལྟར་ན།རྒྱུན་དུ་དབྱང་ལྡན་ལུས་སྦྱོང་བྱེད་ཀྱིན་པའི་རྒན་པའི་ཀླད་པའི་ཤོངས་ཚད་ནི་ལུས་སྦྱོང་སྟབས་བདེ་བྱེད་པའི་རྒན་པ་ལས་མངོན་གསལ་གྱིས་ཆེ་བ་རེད།
        ལྔ། ཞིབ་འདང་རྒྱག་པ། ཀླད་པས་དབང་རྩའི་ཕྲ་ཕུང་བར་གྱི་འབྲེལ་མཐུད་ལ་བརྟེན་ནས་ད་གཟོད་བྱ་བ་སྒྲུབ་ཀྱིན་ཡོད།རྒན་པའི་གླེན་ནད་ནི་འབྲེལ་མཐུད་དེ་ཆད་པའི་དབང་གིས་བྱུང་བ་ཡིན་པས།བསམ་བློ་གཏོང་དགོས་པའི་བྱ་འགུལ་སྟེ་དཔེར་ན་དཔེ་ཀློག་བྱ་འགུལ་དང་རྩོམ་འབྲིའི་བྱ་འགུལ་སོགས་ལ་ཞུགས་ན།དབང་རྩའི་ཕྲ་ཕུང་དེ་དག་འབྲེལ་མཐུད་ཡོང་བར་ཕན་པ་ཡོད།
        དྲུག གླུ་དབྱངས་ལ་ཉན་པ།གླུ་དབྱངས་དང་རོལ་དབྱངས་སོགས་ལ་ཉན་ན།འགུལ་སྐྱོད་པགས་རིམ་དང་ཐོས་ཚོར་པགས་རིམ།བརྩེ་དུང་གི་དབང་རྩ་སོགས་ཧུར་པོར་གཏོང་ཐུབ།
        བདུན། རི་མོ་འབྲི་བ།གང་བྱུང་དུ་རི་མོ་ཞིག་བྲིས་ནའང་བར་སྟོང་ལ་འདང་བརྒྱག་དགོས་པར་མ་ཟད།ཞིབ་ཕྲའི་སྟེང་དུ་རྣམ་རིག་སྒྲིམ་དགོས་པས།རྒན་པའི་ཤེས་རྟོགས་ཉམས་པ་སྔོན་འགོག་བྱེད་ཐུབ།
        བརྒྱད།  གཉིད་སྐྱིད་པ།རྒྱུན་དུ་གཉིད་ཀྱིས་མ་འདང་ན་རྒན་པའི་གླེན་ནད་འབྱུང་བའི་ཉེན་ཁ་ཇེ་ཆེར་འགྲོ་སྲིད།གཉིད་སྐྱིད་པོར་རོལ་བའི་སྐབས་སུ་གནོན་ཤུགས་ལས་བྱུང་བའི་ཀླད་པའི་དུག་རྒྱུ་ཡོད་ཚད་མེད་པར་བཟོ་ཐུབ།
        དགུ། སེམས་སྐྱིད་པ།བྱ་བ་ཅི་ཞིག་ཡིན་རུང་བཟང་ཕྱོགས་སུ་འདང་བརྒྱག་དགོས།བསམ་བློའི་གནོན་ཤུགས་ལྗིད་ན་ཡང་རྒན་པའི་གླེན་ནད་འབྱུང་བའི་ཉེན་ཁ་ཡོད་པས། སེམས་ཁམས་སྐྱིད་པོ་རྒྱུན་འཁྱོངས་བྱེད་རྒྱུ་ནི་ཧ་ཅང་གལ་ཆེ།
        བཅུ། གྲོགས་པོ་གསར་པ་སྒྲིག་པ་དང་།གྲོགས་པོ་རྙིང་པར་འབྲེལ་གཏུག་བྱེད་པ། རྒྱུན་དུ་སྤྱི་ཚོགས་ཀྱི་བྱ་འགུལ་ནང་ཞུགས་ནས་གྲོགས་པོ་མང་པོ་བསྒྲིགས་ན།ཤེས་རྟོགས་ནུས་པ་ཉམས་པ་སྔོན་འགོག་བྱེད་ཐུབ།སྤྱི་ཚོགས་འབྲེལ་འདྲིས་ཀྱིས་མིའི་ལུས་སྟེང་གི་ཆེས་རྙོག་འཛིང་ལྡན་པའི་ཤེས་རྟོགས་ནུས་པ་བསླང་ཐུབ།
        བཅུ་གཅིག ཞབས་བྲོ་འཁྲབ་པ། ཞབས་བྲོ་འཁྲབ་པ་ནི་ལུས་སྦྱོང་དང་གླུ་དབྱངས་མཉམ་འདྲེས་བྱེད་པའི་བྱེད་ཐབས་གལ་ཆེན་ཞིག་ཡིན་པས།རྒན་པའི་ཀླད་པར་གསོན་ཤུགས་སྦྱིན་པའི་ཐད་ཕན་པ་ཆེན་པོ་ཡོད་པ་བཅས་སོ། །


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1