སྤྱི་ཟླ་8པའི་ཚེས་30ཉིན། བྷེལ་ཇེམ་གྱི་རྒྱལ་ས་བྷ་ར་སལ་དུ་ཡོད་པའི་ཡོ་རོབ་གླིང་མནའ་འབྲེལ་གྱི་སྤྱི་ཁྱབ་པུའུ་ནས། དམིགས་བསལ་མཐོ་རིམ་གྲོས་ཚོགས་ལ་ཞུགས་པའི་ཡོ་རོབ་གླིང་མནའ་འབྲེལ་གྱི་འགོ་ཁྲིད་པས་མཉམ་དུ་པར་བླངས།

              ཡོ་རོབ་གླིང་མནའ་འབྲེལ་གྱི་འགོ་ཁྲིད་པའི་དམིགས་བསལ་མཐོ་རིམ་གྲོས་ཚོགས་ཟླ་8པའི་ཚེས་30ཉིན་གྱི་དགོང་མོར་བྷ་ར་སལ་ནས་མཇུག་བསྡུས། གྲོས་ཚོགས་རྗེས་ཀྱི་ཡིག་ཆའི་ནང་བཤད་རྒྱུར། ཡོ་རོབ་གླིང་མནའ་འབྲེལ་གྱིས་གཟའ་འཁོར་གཅིག་གི་ནང་གྲོས་གཞི་གསར་བ་འདོན་རྒྱུ་ཡིན་པ་དང་། ཡུག་རེན་གྱི་གནས་བབ་དང་བསྟུན་ནས་ཨུ་རུ་སུ་ལ་བཀག་སྡོམ་བྱེད་ཐབས་གསར་བ་སྤྱོད་རྒྱུ་ཡིན་ཟེར།།