མར་ཁེ་སི་རིང་ལུགས་ཀྱི་མཚན་ཉིད་རིག་པ་འབྱུང་བ་དེ་ནི། བསམ་བློའི་ལོ་རྒྱུས་ཐོག་གི་རླབས་ཆེན་འགྱུར་ལྡོག་ཅིག་ཡིན་པ་མ་ཟད། དེས་མིའི་རིགས་ཀྱིས་འཇིག་རྟེན་ལ་ངོས་འཛིན་ཡང་དག་བྱེད་ཅིང་། འཇིག་རྟེན་ཁམས་དང་འཚམ་མཐུན་སྒྱུར་བཀོད་གཏོང་བའི་ཚན་རིག་དང་ཡོངས་སུ་མཐུན་པའི་འཇིག་རྟེན་གྱི་ལྟ་བ་གསར་པ་ཞིག་ཆགས་རྒྱུར་རྨང་གཞི་བརྟན་པོ་བཏིངས་ཡོད་པ་རེད།
མར་ཁེ་སི་རིང་ལུགས་ཀྱི་མཚན་ཉིད་རིག་པའི་ནང་། དང་ཐོག་མར་དངོས་གཙོ་རིང་ལུགས་དང་རྩོད་སྒྲུབ་རིག་པ་གཅིག་གྱུར་བྱས་པ་དང་། དངོས་གཙོ་རིང་ལུགས་ཀྱི་རང་བྱུང་ལྟ་བ་དང་ལོ་རྒྱུས་ལྟ་བ་གཉིས་གཅིག་གྱུར་མངོན་འགྱུར་བྱུང་ཡོད། དེར་བརྟེན་རང་བྱུང་ཁམས་དང་མིའི་རིགས་ཀྱི་སྤྱི་ཚོགས་དེ་ཉིད་ཚན་རིག་དང་མཐུན་པའི་ངང་ནས་གསལ་བཤད་ཐུབ་ཡོད།
