ཉིན་ཞག་ཁྲི་ཕྲག་མང་པོའི་ནང་གི་ཉིན་གཅིག

ཚེ་གང་བོར་བྲིས་པའི་སྒྲུང་རིང་ཞིག་དང་འདྲ།

བར་སྐབས་ཤིག་ལ།

ནུས་ཤུགས་ཟད་པའི་སེམས་ཀྱང་།

སྒྲུང་རིང་ནང་གི་དགུན་ཁར་གྱུར།

སུ་ཞིག་གིས་ཏག་ཏག་ཉིན་ཞག་བརྒྱ་རིང་ལམ་སྒྲོན་བཙུགས།

མཐོང་ལམ་དུ་མངོན་པའི་སྐྱེ་དངོས་དག

ཞིབ་ཏུ་བལྟས་ན།   སྒྲུང་རིང་ནང་གི་འཆི་བས་བསུབ་བཞིན་འདུག

རླུང་གིས་འཁུར་མི་ནུས་པའི་མྱང་འདས་ནི།

སྒྲུང་རིང་གི་མཇུག་མཐའི་ཡིག་ཕྲེང་གཅིག་ཡིན།

སྐབས་ཤིག་མི་ནི་ཕ་ཡུལ་ནས་བོར་བའི་བྱིས་པ་ཞིག་སྟེ།

ཡིག་འབྲུ་ཁྲི་ཕྲག་གསེང་གི་ཚེག་ཐིགས་ཤིག

སྒྲུང་རིང་གི་སྟོད་སྨད་གང་ནས་ཀྱང་།

ལམ་ནོར་ཐེབས་སྟེ་ཕྱིར་འོང་མི་སྲིད།