བདེ་ཆེན་ཁུལ་གྱིས་མུ་མཐུད་དུ་ས་གནས་ཐོན་རྫས་ཐད་ཤུགས་རྒྱག་རྒྱུ་རེད།

རྩོམ་སྒྲིག་པ།ཡོང་ཁུངས། སེམས་ཀྱི་ཉི་ཟླ་བོད་ཡིག་དྲ་བ། སྤེལ་དུས། 03-19



        ཉེ་བའི་ལོ་འདི་དག་གི་རིང་ལ། རང་ཁུལ་གྱིས་མུ་མཐུད་དུ་གནོད་མེད་ཞིང་ལས་ཐོན་རྫས་དང་ལྗང་མདོག་ཟས་རིགས།སྐྱེ་ལྡན་ཞིང་ལས་ཐོན་རྫས། ཞིང་ལས་ཐོན་རྫས་ཀྱི་ས་ཁམས་མཚོན་རྟགས་ཡོད་པའི་ཐོན་རྫས་རིགས་གསུམ་དང་མཚོན་རྟགས་གཅིག་གི་ཐོན་རྫས་བཟོ་བར་ཤུགས་སྣོན་བྱེད་བཞིན་ཡོད་ལ།ད་སྔའི་བར་བསྡོམས་པས་ཐོན་རྫས་རིགས་63ལ་ཆོག་མཆན་ཐོབ་ཡོད་དེ།ཐོན་རྫས་ཀྱི་ཁྲོམ་རའི་སྒོ་ཆེན་ཕྱེས་པའི་དུས་མཚུངས་སུ་ཁུལ་ཡོངས་ཀྱི་ཁྱད་ལྡན་ཞིང་ལས་འཕེལ་རྒྱས་ལ་སྐུལ་སྤེལ་དང་།མང་ཚོགས་ལ་སྔར་ལས་ལྷག་པའི་ཡོང་འབབ་མཐོ་བའི་ཕྱུག་འགྱུར་མངོན་འགྱུར་བྱུང་བར་རོགས་འདེགས་བྱས་ཡོད།ཐོན་རྫས་རིགས་གསུམ་དང་མཚོན་རྟགས་གཅིག་ཅེས་པ་འདི་ཡང་སྲིད་གཞུང་གིས་གཙོ་ཁྲིད་བྱས་པའི་བདེ་འཇགས་སྤུས་དག་གི་ཞིང་ལས་ཐོན་རྫས་ཀྱི་སྤྱིའི་ཟོང་རྟགས་ཤིག་ཡིན་པ་རེད། 
        ད་སྔའི་བར་རང་ཁུལ་གྱི་ཐོན་རྫས་རིགས་གསུམ་དང་མཚོན་རྟགས་གཅིག་གི་ཚད་གཞི་ལོན་པའི་ཐོན་རྫས་བསྡོམས་པས་63ཡོད་ལ།དེའི་ཁྲོད་གནོད་མེད་ཞིང་ལས་ཐོན་རྫས་ཀྱི་ཚད་གཞི་ལོན་ཡོད་པའི་ཁེ་ལས་11དང་ཐོན་རྫས་53ཡོད་ལ།ལྗང་མདོག་ཐོན་རྫས་ཀྱི་ཚད་གཞི་ལོན་པའི་ཁེ་ལས་3དང་ཐོན་རྫས་53ཡོད། སྐྱེ་ལྡན་ཐོན་རྫས་ཀྱི་ཚད་གཞི་ལོན་པའི་ཁེ་ལས་6དང་ཐོན་རྫས་14བཅས་ཡོད་པ་རེད།ས་ཁམས་ཀྱི་མཚོན་རྟགས་ཡོད་པའི་ཐོན་རྫས་6ཐོ་འགོད་བྱས་ཡོད།
        ཐོན་རྫས་རིགས་གསུམ་དང་མཚོན་རྟགས་གཅིག་ཅན་གྱི་ཐོན་རྫས་ཡག་པོ་བཟོ་བར་རང་ཁུལ་གྱིས་ཕྱོགས་འགའི་ལས་ཀ་དམ་འཛིན་བྱས་ཡོད། གཅིག་ནི་དྲིལ་སྒྲོག་གནས་སྟོན་ལ་ཤུགས་སྣོན་རྒྱག་པ། གཉིས།་ནི་གསོ་སྦྱོང་བྱེད་ཚད་ལ་ཤུགས་སྣོན་རྒྱག་པ། གསུམ་ནི་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་གྱི་ཁུངས་འདེད་བྱེད་རྒྱུ་ཡོད་པའི་མ་ལག་ཁྱབ་གདལ་ཐུབ་པ་བྱ་དགོས་པ།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1