ཡུལ་ཚོའི་ཏང་ཨུའི་ཧྲུའུ་ཅི་ལན་ཀང་གིས་དཔྱིད་རྨོའི་སྐུལ་སློང་དང་བཀོད་སྒྲིག་གི་ཚོགས་འདུར་བཤད་རྒྱུར། དཔྱིད་རྨོའི་བྱ་བ་ལེགས་པར་བསྒྲུབས་ཏེ། མང་ཚོགས་ཀྱི་ལོ་སྨད་ཀྱི་ཡོང་འབབ་ཁག་ཐེག་བྱེད་པ་ནི། འབྲུ་རིགས་བདེ་འཇགས་ལ་འགན་སྲུང་བྱེད་པ་དང་། མང་ཚོགས་ཀྱི་ཡོང་འབབ་བརྟན་བརླིང་ངང་འཕེལ་བ། འདེབས་འཛུགས་ལས་རིགས་གཏན་འཇགས་ངང་འཕེལ་བ་བཅས་ཀྱི་རྨང་གཞིའི་ལྷུ་ཚིགས་ཡིན་ཟེར། ཁོས་གསར་འགོད་པ་བཤད་རྒྱུར། གདོང་སྣེ་ཡུལ་ཚོ་ནི་ཐེ་བོའི་ཁུལ་དུ་གཏོགས་ཤིང་། གདོང་སྣེ་དང་ཐེ་བོ་གཉིས་ནི་མཛོད་དགེ་རྫོང་ནས་དཔྱིད་རྨོའི་དུས་ཚིགས་ཆེས་སྔ་བའི་ས་ཁུལ་ཡིན་ཟེར།
ཇི་སྐད་དུ། དྲོད་གཤེར་ལྡན་དུས་ས་བོན་གདབ་ཅེས་པ་ལྟར། དུས་ཚིགས་འདི་ནི་ས་བོན་འདེབ་པའི་དུས་ཚོད་ལེགས་ཤོས་ཡིན་པས། གསར་འགོད་པ་གདོང་སྣེ་ཡུལ་ཚོར་བསྐྱོད་དེ། བརྙན་མིག་སྤྱད་དེ་ཁོ་ཚོ་དཔྱིད་རྨོའི་ལས་ལ་བྲེལ་བཞིན་པའི་རྣམ་པ་དེ་ལྷན་རྒྱས་ཀྱི་མིག་གི་དགའ་སྟོན་དུ་བཤམས་ཡོད།
མང་ཚོགས་ཀྱི་བྱ་བའི་ལམ་ཐིག་དང་འབྲེལ་ཏེ། ཟླ3པ་ནས་བཟུང་། མཛོད་དགེ་རྫོང་གདོང་སྣེ་ཡུལ་ཚོའི་སྡེ་བའི་འགན་སྲུང་ལས་བྱེད་པ་ཚང་མ་ཞིང་ནང་དང་གྲོང་ཁྱིམ་དུ་སོང་ནས། དཔྱིད་རྨོའི་བྱ་བར་ཡུལ་དངོས་ནས་མཛུབ་སྟོན་བྱས། སྔོན་ཆད་ངེད་ཚང་ནི་དབུལ་སྐྱོར་གནད་འཁེལ་གྱི་ཁྱིམ་ཚང་ཞིག་ཡིན་ལ། ན་ནིང་རྒྱལ་ཁབ་ཀྱིས་ངེད་ཚང་ལ་འདྲུད་འཐེན་འཁོར་ལོ་གཅིག་དང་ཞིང་རྨོ་འཕྲུལ་ཆས་ཤིག་ཉོས་པས། ད་སྐབས་སྤྱོད་སྒོ་ཆེན་པོ་ལྡན་པ་རེད། ཆ་དཀྱིལ་སྒང་སྡེ་བའི་སྡེ་མི་སྣང་གྲགས་བཀྲ་ཤིས་ཀྱིས་མུ་མཐུད་དུ་བཤད་རྒྱུར། དེ་སྔོན་ངས་རང་གིས་ཞིང་རྨོ་འཕྲུལ་ཆས་འདི་བཀོལ་མི་ཤེས་པར་སེམས་ཁྲལ་བྱེད་བཞིན་ཡོད་མོད། བློ་ཡུལ་ལས་འདས་པ་ཞིག་ལ་ང་ཚོའི་སྡེ་བའི་འགན་སྲུང་ལས་བྱེད་པ་ཞིང་ནང་དུ་ཡོང་ནས་ང་ལ་འཕྲུལ་ཆས་བཀོལ་སྤྱོད་བྱེད་སྟངས་བསླབས་སོང་ཟེར།
ཉེ་བའི་ལོ་ཤས་རིང་། གདོང་སྣེ་ཡུལ་ཚོས་ཐོག་མཐའ་བར་གསུམ་དུལས་བྱེད་པ་མང་ཚོགས་ཀྱི་གྲས་སུ་ལོག་པའི་བླང་བྱ་དང་། མང་ཚོགས་ཀྱི་ལས་ཀའི་ལམ་ཕྱོགས་རྒྱུན་འཁྱོངས་བྱས་ཏེ། མང་ཚོགས་ལ་མཁོ་བ་དག་དུས་ལྟར་ཁོང་ཚོར་སྐྱེལ་བ་དང་། མང་ཚོགས་ཀྱི་དཀའ་ཁག་རང་གི་དཀའ་ཁག་ཏུ་བརྩིས་ཡོད།
འབྲེལ་འདྲིས་གཉིས་དང་སྒྲོག་པ་གཅིག་གི་བྱ་བའི་ཁྲོད། ངས་འབྲེལ་བ་བྱེད་པའི་ཁྱིམ་ཚང་གིས་ད་ལོ་གྲོ་མུའུ2དང་། ནས་མུའུ2དང་། སྲན་མ་མུའུ1བཅས་བཏབ་ཡོད། རི་མདོ་གྲོང་ཚོལས་བྱེད་པ་མའོ་ཧྲེང་གིས་རང་གི་འབྲེལ་བ་བྱེད་སའི་ཁྱིམ་ཚང་ཨ་ཕྱུག་ཚང་གི་འབྲུ་རིགས་འདེབས་འཛུགས་ཀྱི་གནས་ཚུལ་ལ་རྒྱུས་ལོན་ཟབ་མོ་བྱས་འདུག
