2014ལོའི་སྤྱི་ཟླ་10པའི་ཚེས་12ཉིན་གྱི་དགོང་མོར། སྐབས་བཅུ་པའི་ཀྲུང་གོའི་གསེར་གྱི་གླག་རྒོད་རྟགས་མའི་བརྙན་འཕྲིན་སྒྱུ་རྩལ་དུས་ཆེན་གྱི་མཇུག་སྒྲིལ་མཛད་སྒོ་དང་། སྐབས་27པའི་གསེར་གྱི་གླག་རྒོད་རྟགས་མའི་བྱ་དགའ་གནང་བའི་མཛད་སྒོ་འཚོགས་ཤིང་། ཐེངས་འདིའི་མཛད་སྒོའི་ནང་། ལྟད་མོ་བས་ཆེས་དགའ་བསུ་ཐོབ་པའི་མུ་འབྲེལ་བརྙན་འཕྲིན་ཟློས་གར་གྱི་འཁྲབ་སྟོན་པ་དང་། ལྟད་མོ་བས་ཆེས་དགའ་བསུ་ཐོབ་པའི་ཀང་ཨོ་བརྙན་འཕྲིན་གྱི་འཁྲབ་སྟོན་པ། དེ་མིན་ཆེས་ཕུལ་དུ་བྱུང་བའི་བརྙན་འཕྲིན་ལེ་ཚན་མདོ་འཛིན་པ། དེ་མིན་ཆེས་ཕུལ་དུ་བྱུང་བའི་་བརྙན་འཕྲིན་ཟློས་གར་སོགས་ཀྱི་བྱ་དགའི་རྣམ་གྲངས་རིགས་ཡོད་ལ། ཁམས་པའི་བརྙན་འཕྲིན་ཁང་གི་ལེ་ཚན་མདོ་འཛིན་པ་འཆི་མེད་དབང་མོ་དང་ཀྲུང་དབྱང་བརྙན་འཕྲིན་ཁང་གི་ལེ་ཚན་མདོ་འཕྲིན་པ་ཀྲོའུ་ཞུན་གཉིས་ལ། ཆེས་ཕུལ་དུ་བྱུང་བའི་བརྙན་འཕྲིན་ལེ་ཚན་མདོ་འཛིན་པའི་བྱ་དགའི་མཚན་སྙན་ཐོབ་ཡོད།

             འཆི་མེད་དབང་མོ་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དར་མདོ་རྫོང་མི་ཉག་སྐྱ་གད་ཡུལ་དུ་སྐྱེས་ཤིང་།  2002ལོར་དར་མདོ་མི་རིགས་དགེ་འོས་སློབ་གྲྭ་ནས་སློབ་མཐར་ཕྱིན། 2009ལོར་དར་མདོ་རྫོང་བརྙན་འཕྲིན་ཁང་ནས་ཁམས་པའི་བརྙན་འཕྲིན་ཁང་དུ་ ལས་གནས་སྤོས་ཏེ་གཙོ་བོ་མདོ་འཛིན་པ་དང་གསར་འགོད་པ། རྒྱ་བོད་ལོ་ཙཱ་སོགས་ཀྱི་ལས་དོན་བསྒྲུབས་དང་སྒྲུབ་བཞིན་ཡོད། །