ལོ་25ལ་ཕྲུ་གུ་འཁོར་ན་ཡག་གམ། ཡང་ན་35ལ་འཁོར་ན་ཡག་གམ། ངའི་བསམ་པར་ཁྱད་པར་ཆེན་པོ་ཡོད་མོད། ཡིན་ནའང་། སོ་སོར་དགེ་སྐྱོན་གཉིས་ཀ་ལྡན་ཞིང་། སྤྱིར་ན། ལོ་ཆུང་དུས་ཕྲུ་གུ་འཁོར་ན་ཉེན་ཁ་ཅུང་ཆུང་།
        ད་འོ་ན། ལོ་25དང་35ལ་ཕྲུ་གུ་འཁོར་ཚེ་སོ་སོར་ཁྱད་པར་གང་ཡོད་དམ་ཞེ་ན། 
        1.ལོ་25སླེབས་པའི་བུ་མོར་གཟུགས་པོ་འཁོར་བདེ་ཞིང་། ལོ་35ལ་བལྟོས་བཅས་ཀྱིས་ཁག་པོ་ཡོད། གང་ལགས་ཤེ་ན། ལོ་ཆེ་རུ་སོང་བ་དང་བསྟུན་ནས་བུ་མོའི་ཁམས་དམར་སྐྱོ་རུ་འགྲོ་བར་བརྟེན། གཟུགས་པོ་འཁོར་ཁག་ཏུ་འགྲོ་གི་ཡོད།
        2.ལོ་25ལ་སླེབས་པའི་སྦྲུམ་མ་དང་བསྡུར་ན་ལོ་35ལ་སླེབས་པའི་སྦྲུམ་མར་ཕྲུ་གུ་བཙའ་སྐབས་དེ་མཚུངས་ཀྱི་ཉེན་ཁ་ཆེ་བ་ཡོད། དཔེར་ན། ཕྲུ་གུ་ཡ་མ་གཟུགས་སྐྱེ་བ་དང་། སྦྲུམ་མར་སྲོག་ཉེན་ཡོད་པ། ཕྲུ་གུ་ཁོག་ནང་དུ་ཤི་བ། སྦྲུམ་མ་དང་ཕྲུ་གུ་གཉིས་ཀའི་སྲོག་ལ་ཉེན་ཁ་འཕྲད་སྲིད་པ་ལ་སོགས་པའི་གནས་ཚུལ་ཐོན་གྱི་ཡོད།
        3.ལོ་25ལ་ཕྲུ་གུ་འཁོར་ན་35ལས་གཟུགས་པོ་གསོ་སླ་བ་མ་ཟད། རྒྱགས་པའང་ཆགས་སླ་པོ་མེད། ལོ་35ལ་ཕྲུ་གུ་འཁོར་ན་ལྟ་སྐྱོང་བྱེད་སྐབས་སེམས་ནུས་འདང་གི་མེད། 
        4.གོང་གི་ཆ་རྐྱེན་གསུམ་པོ་ལོ་25སླེབས་པའི་སྦྲུམ་མའི་ལེགས་ཆ་ཤ་སྟག་རེད། འོན་ཏེ་ལོ་35ལ་ཕྲུ་གུ་འཁོར་ན་ཕ་མའི་དཔལ་འབྱོར་རྨང་གཞི་ཡག་པས། ཕྲུ་གུར་དེ་མཚུངས་ཀྱི་ལྟོ་གོས་འཛོམས་པ་ཞིག་སྦྱིན་ཐུབ། དེས་ན། གལ་ཏེ་དཔལ་འབྱོར་ཆ་རྐྱེན་ཞན་ཙམ་ཡོད་ཚེ། ཕྲུ་གུ་ཕྱི་ཙམ་སྐྱེས་ན་རང་ལ་དཀའ་ངལ་ཡང་ཉུང་ཙམ་འཕྲད་ངེས། 
        མདོར་བསྡུས་ནས་བརྗོད་ན། ལོ་35ལ་སླེབས་སྐབས་དཔལ་འབྱོར་ཆ་རྐྱེན་ཅུང་ཡག་རུང་། ལོ་25དང་བསྡུར་ན་གཟུགས་པོ་འཁོར་ཁག་པོ་དང་། གསོ་དཀའ་བ། སྲོག་ལ་ཉེན་ཁ་ཆེ་བ་སོགས་ཀྱི་གནད་དོན་མི་ཉུང་བ་འཕྲད་སྲིད། དེར་བརྟེན། ཕྲུ་གུ་སྔ་ཙམ་སྐྱེས་ན་ཕྲུ་གུ་དང་ཨ་མ་གཉིས་ཀར་ཕན་ཐོགས་ཆེན་པོ་ཡོད།