ཟླ་6ཚེས་20ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་སྐུ་ལྕམ་ཕེ་ལིང་ཡོན་གཉིས་ཁོ་རེ་བྱང་མའི་ངལ་རྩོལ་ཏང་གི་ཨུ་ཡོན་ཀྲང་དང་། རྒྱལ་དོན་ཨུ་ཡོན་ལྷན་ཁང་གི་ཨུ་ཡོན་ཀྲང་ཅིན་ཀྲེན་ཨེན་དང་སྐུ་ལྕམ་ལི་ཞའེ་ཀྲུའུ་དང་མཉམ་དུ། ཕོང་དབྱང་གི་“ལྔ་གཅིག”ལུས་རྩལ་ར་བ་ནས་ཁོ་རེ་ཡ་བྱང་མའི་ལས་རིགས་སོ་སོའི་མང་ཚོགས་དང་མཉམ་གཅིག་ཏུ་གཞི་རྒྱ་ཆེ་བའི་ལུས་སྦྱོང་དང་སྒྱུ་རྩལ་འཁྲབ་སྟོན་ལ་གཟིགས་པ་རེད། འཁྲབ་སྟོན་འདི་ནི་ཞི་ཅིན་ཕིང་ཐེངས་འདིར་ཁོ་རེ་ཡ་བྱང་མར་རྒྱལ་དོན་འཚམས་འདྲིར་ཕེབས་པ་ལ་ཆེད་དུ་གསར་རྩོམ་བྱས་པ་ཡིན་ལ་ཁོ་རེ་ཡ་བྱང་མའི་འཁྲབ་སྟོན་པ་ཁྲི་ཁ་ཤས་ཞུགས་ཡོད། རྣམ་པར་བཀྲ་བའི་ཤོག་སྦག་གི་མེ་འོད་ཁྲོད་འཁྲབ་སྟོན་འགོ་ཚུགས་ཡོད།