གཙོ་ངོས།>> གསར་འགྱུར།>>སི་ཁྲོན་བོད་ཁུལ།

རྩོམ་སྒྲིག་པ།ཡོང་ཁུངས།ཁམས་པའི་དྲ་བ། སྤེལ་དུས། ༢༠༡༩ལོའི་ཟླ་བ་༠༧ཚེས་༡༨ཉིན།

ལུང་བསྟན་རྩྭ་ཐང་དུ་གཟུགས་མེད་རིག་གནས་ཀྱི་དྲི་བསུང་འཐུལ།

   སྤྱི་ཟླ7པའི་ཚེས15ཉིན། རྟའུ་རྫོང་ལྔ་པའི་རིག་གནས་ཡུལ་སྐོར་དུས་ཆེན་སྐབས་ལྔ་པའི་ལུང་བསྟན་དང་གཡུ་ཁོག་ཡན་ལག་ཚོགས་རའི་སྟེང་གེ་སར་གྱི་སློབ་ཁང་ཆེན་མོ་དང་གེ་སར་གྱི་སྣང་ཚུལ་ཟློས་གར། རྩྭ་ཐང་གི་ཡུལ་སྲོལ་འཁྲབ་སྟོན།དམངས་སྲོལ་ལུས་རྩལ་འགྲན་ཚོགས་བཅས་ཡིད་དབང་འཕྲོག་པའི་འཁྲབ་སྟོན་བྱས་ཏེ་རྒྱ་ཆེའི་མང་ཚོགས་དང་ཡུལ་སྐོར་བས་བསྔགས་བརྗོད་ཆེན་པོ་ཐོབ་ཡོད།
   ཉིན་དེའི་སྔ་དྲོར། རྟའུ་རྫོང་ལུང་བསྟན་གེ་སར་རྩྭ་ཐང་སྟེང་གེ་སར་གྱི་སྐྱེ་ཁུངས་དང་། གེ་སར་གྱི་འགྲོ་ལུགས་སྤྱོད་སྟངས། གེ་སར་གྱི་སྒྲུང་བཤད་ལོ་རྒྱུས་སོགས་ནང་དོན་གཙོ་བོ་བྱས་པའི་འཆད་ཁྲིད་ཆེན་མོ་སྤེལ་བ་རེད།
   རྫོང་དེའི་གཡུ་ཁོག་དབལ་ཤུལ་རྩྭ་ཐང་སྟེང་བོད་ཀྱི་རྒྱན་གོས་འཁྲབ་སྟོན་དང་ཁྱད་ཆོས་ལྡན་པའི་གླུ་གཞས་དང་ཞབས་བྲོའི་འཁྲབ་སྟོན་སོགས་ཀྱིས་མི་རིགས་ཀྱི་ཉམས་འགྱུར་མངོན་པ་རེད།
  ཉིན་དེའི་ཕྱི་དྲོར་ཡན་ལག་ཚོགས་ར་གཉིས་སུ་ཡིད་དབང་འཕྲོག་པའི་འཁྲབ་སྟོན་བྱས་པ་རེད། ལུང་བསྟན་ཡན་ལག་ཚོགས་ར་རུ“ཨ་ལ་ལ་མོ་ཨ་ལ་རེད། ཐ་ལ་ལ་མོ་ཐ་ལ་རེད”ཞེས་པའི་སྒྲ་གདངས་གྲགས་ཏེ་གེ་སར་གྱི་སྣང་ཚུལ་ཟློས་གར་སྤེལ་འགོ་ཚུགས་པ་རེད། ཤེས་རྟོགས་བྱུང་བར་གཞིགས་ན། ཐེངས་འདིའི་སྣང་ཚུལ་ཟློས་གར་ནང་གེ་སར་རྒྱལ་པོའི་དམག་བསྡུའི་གཏམ་རྒྱུད་བརྗོད་པ་རེད།

  གཡུ་ཁོག་ཡན་ལག་ཚོགས་ར་རུ་རྡོ་འགྱོག་བྱེད་པ་དང་གླང་ཆེན་ས་གཤགས་སོགས་ལུས་རྩལ་རྣམ་གྲངས་གོ་རིམ་ལྡན་པའི་ངང་སྤེལ་བ་རེད།
  འབྲེལ་ཡོད་འགན་འཁུར་མི་སྣས་ངོ་སྤྲོད་བྱས་པར་གཞིགས་ན། ཐེངས་འདིའི་བྱེད་སྒོས་དམངས་སྲོལ་ལུས་རྩལ་འགྲན་ཚོགས་སྤེལ་རེས་ལ་སྐུལ་འདེད་གཏོང་བ་དང་། མཛའ་བཤེས་ཟབ་ཏུ་གཏོང་བ། འཚོ་བ་ཕུན་སུམ་ཇེ་ཚོགས་སུ་གཏོང་བ་བཅས་བྱས་ཏེ་རྟའུ་ལྔ་པའི་རིག་གནས་ཡུལ་སྐོར་དུས་ཆེན་སྐབས་ལྔ་པར་མཚར་སྡུག་ལྡན་པའི་རྣམ་པ་མངོན་པ་རེད།།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1