གཙོ་ངོས།>> གསར་འགྱུར།>>བོད་ཁུལ་གཞན་དག

དཀོན་མཆོག་རྡོ་རྗེས། རྩོམ་སྒྲིག་པ།ཡོང་ཁུངས།ངེད་དྲ་བ། སྤེལ་དུས། ༢༠༡༩ལོའི་ཟླ་བ་༠༨ཚེས་༠༩ཉིན།

ནང་ཆེན་རྟ་རྣ་དགོན་པའི་གླིང་གི་ཕུ་ནུ་སུམ་ཅུའི་གདུང་འབུམ།

        ཟླ་བ་8པའི་ཚེས་3ཉིན།  ཁམས་ཁུལ་དུ་བསྐྱོད་ནས་གླིང་གི་རྗེས་ཤུལ་འཚོལ་བ་ཞེས་པའི་རྒྱལ་ཡོངས་ས་གནས་ཁག་ནས་ཕེབས་པའི་མཁས་དབང་ཚོས་ཡུལ་ཤུལ་ཁུལ་གྱི་ནང་ཆེན་རྫོང་རྟ་རྣ་དགོན་པའི་གླིང་གི་ཕུ་ནུ་སུམ་ཅུའི་གདུང་འབུམ་ལ་རྟོག་ཞིབ་གནང་།

        རྟ་རྣ་དགོན་ནི་ཡུལ་ཤུལ་ཁུལ་གྱི་ནང་ཆེན་རྫོང་ནས་ལེ་བར་150ཙམ་གྱི་ཉིན་སྲིབ་ཡུལ་ཤོག་ཞེས་པའི་ས་ཆ་དེར་འདུག  །གཞུང་ལམ་གྱི་གཡས་ཕྱོགས་ནས་ཡར་ལེ་བར་གསུམ་བཞི་ཙམ་དུ་རྟ་རྣ་དགོན་པ་ཆགས།  དེ་ནས་དགོན་པའི་རྒྱབ་ཕྱོགས་ཀྱི་རྫ་རི་རྩེའི་བྲག་ཕུག་ཏུ་གླིང་གི་ཕུ་ནུ་སུམ་ཅུའི་གདུང་འབུམ་གྱི་རྗེས་ཤུལ་ཡོད་ཅིང་གཡས་སུ་གླིང་ཆུང་བརྒྱུད་ཚང་གི་གདུང་འབུམ་27ཡོད་པ་དང་།  གཡོན་དུ་གླིང་ཆེ་བརྒྱུད་ཚང་གི་གདུང་འབུམ་18འདུག །དགོན་པ་དེའི་བླ་མ་ཡེ་ཤེས་ཉི་མས་ངོ་སྤྲོད་བྱས་པ་ལྟར་ན།  གདུང་འབུམ་དེ་དག་ཚ་ཚ་རིན་ཆེན་སྣ་ལྔ་སོགས་ཀྱིས་གྲུབ་པ་དང་།  མཐོ་ཚད་ལ་སྨི་1.8ནས་སྨི་2ཙམ་ཡོད་ཅིང་།  2008ལོ་ནས་རྒྱལ་ཁབ་ཀྱིས་སྲུང་སྐྱོབ་བྱེད་འགོ་ཚུགས་ཤིང་།  2013ལོར་གདུང་འབུམ་ལ་དཀར་རྩི་བྱུག་པ་སོགས་ཀྱི་ཉམས་གསོ་བྱས་པ་དང་།  ད་དུང་ལྟ་སྐུལ་ཚོད་འཛིན་བརྙན་ཕབ་ཀྱི་སྒྲིག་ཆས་བཙུགས་ནས་ཉིན་མཚན་མེད་པར་གདུང་འབུམ་ལ་ལྟ་སྐུལ་བྱས་ཡོད།  ད་དུང་བླ་མ་ཡེ་ཤེས་ཉི་མས་རང་གིས་ཉར་ཚགས་བྱས་པའི་ཡེ་པ་ཡེ་ཤེས་བརྩོན་འགྲུས་ཀྱི་སྐུ་དང་།  ཐུབ་པ་བེའུ་དྲོད་མ།  སྨུག་པོ་གདོང་གི་བླ་རྡོ་སོགས་མཇལ་རྒྱུ་བྱུང་སོང་། །




39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1