ཚིགས་བཟང་ལྷ་མོའི་མཛེས་སྡུག་དཔལ་བཅོམ་ཞིང་།།
བགྲང་ཡས་ཀླུ་མོའི་ཚོགས་ཀྱང་ཟིལ་གྱིས་མནན།།
ས་སྟེང་བུ་མོས་ཞབས་རྗེས་མཆོད་ལ་དབང་།།
སེང་ལྕམ་འབྲུག་མོ་མཛེས་པའི་ཕུལ་དུ་ཕྱིན།།
དྲུག་འགྱུར་མགྲིན་གླུ་ངག་ལ་གྱེར་ཙ་ན།།
ཚངས་པའི་དབྱངས་དང་དབྱངས་ཅན་རྒྱུད་མང་ཡང་།།
ལྷོད་པར་གྱུར་ཅིང་སྐྱེ་འགྲོའི་རྒྱུ་འགྲུལ་འགོག།
ཨེ་མ་གླུ་མ་གཅིག་ལ་འབྲུག་མོ་བཟང་།།
ག་འགྲོའི་ས་ལ་མེ་ཏོག་ལྷག་པར་བཞད།།
རི་དྭགས་སྒོ་ཟོག་བག་ཕེབས་དགའ་ཞིང་རྩེ།།
མི་རྣམས་མཐོང་ན་འབྲལ་བ་མི་འདོད་འདི།།
འབྲུག་མོའི་དུང་སེམས་དཀར་མོའི་མཐུ་ལས་བྱུང་།།
