གཙོ་ངོས།>> གསར་འགྱུར།>>བོད་ཁུལ་གཞན་དག

རྩོམ་སྒྲིག་པ།ཡོང་ཁུངས།བོད་ལྗོངས་ཉིན་ཚགས། སྤེལ་དུས། ༢༠༡༩ལོའི་ཟླ་བ་༠༨ཚེས་༢༩ཉིན།

པཎ་ཆེན་རིན་པོ་ཆེ་རྗེ་བཙུན་མི་ལ་རས་པའི་བཞུགས་གནས་སུ་ཕེབས་པ།


          ཟླ་8ཚེས་19ནས་24ཉིན་བར། རྒྱལ་ཡོངས་སྲིད་གྲོས་ཀྱི་རྒྱུན་ཨུ་དང་། ཀྲུང་གོ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། ཀྲུང་གོ་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་བཅས་ཡིན་པའི་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོས་གཞིས་རྩེ་གྲོང་ཁྱེར་སྐྱིད་གྲོང་རྫོང་དུ་ཆོས་ཕྱོགས་ཀྱི་མཛད་འཕྲིན་བསྐྱངས་པ་དང་བརྟག་ཞིབ་གནང་བ་རེད། 
          པཎ་ཆེན་རིན་པོ་ཆེ་སྔ་རྗེས་སུ་རྫོང་དགའ་ཆོས་སྡེ་དགོན་དང་། སྒྲོལ་མ་ལྷ་ཁང་། འཕགས་པ་དགོན། རྗེ་བཙུན་མི་ལ་རས་པའི་འཁྲུངས་ཡུལ། བྲག་དཀར་རྟ་སོ་སོགས་སུ་ཆིབས་བསྒྱུར་གནང་ནས། གནས་གཟིགས་ཕྱག་མཆོད་གནང་བ་དང་འབྲེལ་གྲྭ་དམངས་དང་དད་ལྡན་མང་ཚོགས་ལ་ཕྱག་དབང་ཡང་གནང་བ་རེད། དེའི་རིང་ཁོང་གིས་སྐྱིད་གྲོང་གྲོང་རྡལ་རྟ་དམག་མི་རིགས་མཐུན་སྒྲིལ་དཔེ་སྟོན་གྲོང་ཚོ་དང་མར་དཀར་གྲོང་ཚོར་ཕེབས་ནས་མི་རིགས་མཐུན་སྒྲིལ་དང་། དབུལ་སྒྲོལ་འགག་སྒྲོལ། ཐོན་ལས་འཕེལ་རྒྱས། མཐའ་མཚམས་ཀྱི་འབྱོར་འབྲིང་གྲོང་ཚོ་འཛུགས་སྐྲུན་སོགས་ཀྱི་གནས་ཚུལ་ལ་བརྟག་ཞིབ་གནང་བ་རེད། ས་ཆ་གང་དུ་ཕེབས་ཀྱང་དགོན་སྡེའི་རྒྱ་ཆེའི་གྲྭ་དམངས་དང་དད་ལྡན་མང་ཚོགས་ཀྱིས་ཆོས་ལུགས་ཀྱི་ཆོ་ག་གཟབ་ཤོས་དང་མི་རིགས་ཀྱི་གོམས་སྲོལ་རྒྱས་ཤོས་ཀྱི་ཐོག་ནས་པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་ཆིབས་བསྒྱུར་གནང་བར་ཕེབས་བསུ་ཞུས་པ་རེད།
39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1