གཙོ་ངོས།>> གསར་འགྱུར།>>བོད་ཁུལ་གཞན་དག

རྩོམ་སྒྲིག་པ།ཡོང་ཁུངས།ཀྲུང་གོ་བོད་ཀྱི་དྲ་བ། སྤེལ་དུས། ༢༠༡༩ལོའི་ཟླ་བ་༠༩ཚེས་༠༥ཉིན།

ཕྱུར་བས་དབུལ་ཐར་འགག་སྒྲོལ་ལ་ཤུགས་རྒྱབ་པ།

        སྔོན་ཆད་འབྲོག་པ་ཚོས་འོ་མ་ལས་མར་བླངས་རྗེས་ལྷག་མ་རྣམས་མར་བཤོ་བའམ་ཡང་ན་སྐམ་ནས“ཕྱུར་བ”བཟོ་བ་རེད། དེ་སྔ“ཕྱུར་བ”ནི་འབྲོག་པའི་རྒྱུན་གཏན་གྱི་བཟའ་ཆས་སམ་ཡང་ན་དཔྱིད་འགོར་ཕྱུགས་ཟོག་གི་གཟན་ཆག་ཁ་གསབ་ཙམ་རེད། ཁྲོམ་རའི་རིན་གོང་ནི་སྤྱི་རྒྱ་རེར་སྒོར་1.2ལས་ཟིན་གྱི་མེད།

        ཉེ་བའི་ལོ་ཤས་རིང་། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གྱི་འོ་སྣོན་ཐོན་རྫས་ཀྱི་སྣེ་འདྲེན་ཁེ་ལས་ཀྱིས་འོ་སྣོན་ཐོན་རྫས་ཀྱི་ཟུར་སྣོན་རིན་ཐང་ཟམ་མི་ཆད་པར་མཐོ་རུ་བཏང་ཞིང་། ཆེད་ལས་མཉམ་ལས་ཁང་ནས་འབྲི་གཡག་གི་འོ་མ་ཉོ་སྒྲུབ་བྱས་པ་དང་འབྲི་གཡག་གི་འོ་མའི་སྤྲི་དཀར་ཕྱེ་མ་སོགས་འཛད་སྤྱོད་ཐོན་རྫས་བཟོས་པ་ཕུད། ཁེ་ལས་ཀྱིས་ད་དུང་འབྲོག་པའི་ཁྱིམ་ནས“ཕྱུར་བ”ཉོ་སྒྲུབ་བྱས་པ་དང་ལས་སྣོན་བྱས་པ་བརྒྱུད་ཟུར་སྣོན་རིན་ཐང་མཐོ་བའི་ཕྱུར་བ་སྐམ་པོའི་ཐོན་རྫས་བཟོས་ནས་འཛམ་གླིང་ས་གནས་ཁག་ཏུ་ཕྱིར་ཚོང་བྱས་པ་རེད།

        ཤེས་རྟོགས་བྱུང་བར་གཞིགས་ན། ཕྱུར་རྒྱུ་ནི་ཤོག་བུ་བཟོ་བ་དང་། འཁལ་འཐག་དང་དེ་བཞིན་འཕྲོད་སྦྱོར་བཟའ་བཅའ་སྣ་ཚོགས་ཀྱི་ཁྲོད་ལ་རྒྱ་ཁྱབ་ངང་སྤྱོད་ཀྱི་ཡོད་པས་རྒྱལ་ཁབ་ཕྱི་ནང་གི་ཁྲོམ་རའི་དགོས་མཁོ་ཧ་ཅང་ཆེན་པོ་ཡོད་པ་མ་ཟད། རྩྭ་ཐང་ཐོག་གི“ཕྱུར་བའི”ཉོ་སྒྲུབ་རིན་གོང་ཡང་སྤྱི་རྒྱ་རེར་སྒོར་53བར་འཕར་ཡོད་པ་རེད། ཀན་ལྷོ་ཁུལ་དེ་མིག་སྔར་རྒྱལ་ཡོངས་ཀྱི“ཕྱུར་བའི”ཉོ་ཚོང་ལྟེ་གནས་སུ་གྱུར་ནས“ཕྱུར་བ”ཉོ་སྒྲུབ་བྱས་པ་ལས་འབྲོག་དུད་ཁྲི་2.95ལ་ཕན་པ་ཐོབ་པ་དང་དེ་སྔའི་ཕྱུར་བ་དེ་ས་གནས་དེ་གའི་འབྲོག་པའི་དབུལ་སྒྲོལ་འབབ་འཕར་གྱི་ཐོན་རྫས་ཤིག་ཏུ་གྱུར་ཡོད། །




39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1