2019ལོའི་རྒྱལ་སྟོན་གུང་གསེང་རིང་བོད་ཀྱི་ཡུལ་སྐོར་གྱི་སྤྱིའི་ཡོང་འབབ་སྒོར་ཁྲི་82034ཟིན་པ།

རྩོམ་སྒྲིག་པ།ཡོང་ཁུངས།མི་དམངས་དྲ་བ། སྤེལ་དུས། 10-12


      བོད་རང་སྐྱོང་ལྗོངས་ཡུལ་སྐོར་འཕེལ་རྒྱས་ཐིང་གི་གྲངས་གཞི་ལས་མངོན་པར་གཞིགས་ན། 2019ལོའི་རྒྱལ་སྟོན་གུང་གསེང་རིང་ལྗོངས་ཡོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་1592280ལ་སྣེ་ལེན་ཞུས་པས་དུས་མཚུངས་ལས་16.8%འཕར་ཡོད། དེའི་ནང་ཞག་སྡོད་ཡུལ་སྐོར་བ་མི་ཐེངས་622944ལ་སྣེ་ལེན་ཞུས་པ་དང་ཉིན་གཅིག་ཡུལ་སྐོར་བྱེད་མཁན་ཡུལ་སྐོར་བ་མི་ཐེངས་969336ལ་སྣེ་ལེན་ཞུས་པ་རེད། ཡུལ་སྐོར་གྱི་སྤྱིའི་ཡོང་འབབ་སྒོར་ཁྲི་82034ཟིན་པ་དེ་དུས་མཚུངས་ལས་18.2%འཕར་ཡོད་པ་དང་། ལྷ་ས་གྲོང་ཁུལ་གྱི་སྐར་མ་རིམ་པའི་གསོལ་མགྲོན་ཁང་མངགས་ཚད་76.37%ཟིན་ཡོད་པ་རེད། རྒྱལ་སྟོན་རིང་། ཕྱོགས་བཞི་མཚམས་བརྒྱད་ནས་ཡོང་བའི་ཡུལ་སྐོར་བ་ལྷ་སར་འཛོམས་ནས་གནམ་སྔོན་སྤྲིན་དཀར་དང་། མཐོ་སྒང་གི་མཛེས་ལྗོངས་ཉམས་སུ་མྱོང་བ་དང་། བོད་ཀྱི་རིག་གནས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་ཉམས་ལེན་བྱས་པ་རེད།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1