གཙོ་ངོས།>> འཕྲོད་བསྟེན།>>བདེ་ཐང་ཤེས་བྱ།

རྩོམ་སྒྲིག་པ།ཡོང་ཁུངས།ཚུལ་ཁྲིམས་བཟང་པོའི་བསྡུ་སྒྲིག་བྱས། སྤེལ་དུས། ༢༠༡༩ལོའི་ཟླ་བ་༡༡ཚེས་༢༢ཉིན།

༄༅།།བདེ་ཐང་ཤེས་བྱ་སུམ་ཅུ་མ།


ཚུལ་ཁྲིམས་བཟང་པོའི་བསྡུ་སྒྲིག་བྱས།

1.མིག་མཐའི་ནག་ཐིག་སེལ་ཐབས། སེང་རས་ཀྱི་ཁུག་ཏུ་ཇ་ལོ་བཅུག་ནས་མིག་གི་སྟེང་ལ་བཞག དེ་ལྟར་སྐར་མ་10ནས་15ཙམ་འགོར་རྗེས་ཆུ་འཁྱག་གིས་བཀྲུ་དགོས།
2.གཟའ་འཁོར་གཅིག་ལ་བྱ་སྒོང་བཞི་ལས་མང་བ་བཟའ་མི་རུང་། མང་དུ་ཟོས་ན་ལུས་པོའི་བདེ་ཐང་ལ་གནོད།
3.བྱའི་ཨོང་ཤའི་སྟེང་དུ་ནད་སྐྱེད་རྫས་མང་རྐྱེན། རབ་ཡིན་ན་མ་ཟོས་ན་བཟང་།
4.ཆུ་ཚོད་མང་པོར་གློག་ཀླད་སོགས་ལ་ཅེར་རྗེས། བར་མཚམས་སུ་ངལ་གསོ་བ་དང་མིག་འཕུར་འཕུར་བྱེད་དགོས།
5.གཉིད་པའི་དུས་ཚོད་ཡག་ཤོས་ནི་དགོང་མོའི་ཆུ་ཚོད་10ནས་ཞོགས་པའི་ཆུ་ཚོད་7བར་ཡིན།
6.སྲན་མའི་ཁུ་བ་འཐུང་དུས་བྱ་སྒོང་བཟའ་མི་རུང་། དེའི་ནང་དུ་ཀ་ར་ཡང་གདབ་མི་ཉན།
7.ཟ་མ་མ་ཟོས་པའི་སྔོན་དུ་ལྡུམ་སྒོང་བཟའ་མི་རུང་། ཟ་མ་ཟོས་རྗེས་བཟའ་དགོས།
8.ཞོགས་པ་ཡར་ལངས་རྗེས་ཆུ་ཕོར་གང་འཐུང་ན་མཁྲིས་རྡོ་ཆགས་པར་སྔོན་འགོག་བྱེད་ཐུབ།
9.མ་ཉལ་བའི་སྔོན་གྱི་ཆུ་ཚོད་གསུམ་གྱི་ནང་ཟ་མ་བཟའ་མི་རུང་།
10.འོ་ཇ་ཉུང་ཙམ་འཐུང་ན་བཟང་། མངར་ཚད་འདུས་ཆེ་བ་དང་སྣུམ་ཚད་མཐོ་བས་ཁྲག་ཤེད་མཐོ་བའི་ནད་རིགས་འབྱུང་སླ།
11.བག་ལེབ་སྲེག་མ་ཐག་ཏུ་བཟའ་མི་རུང་།
12.གློག་གསོག་ཆས་དང་བར་ཐག་ངེས་ཅན་ཡོད་དགོས།
13.ཉིན་རེར་ཆུ་ཆུ་ཕོར་བཅུ་འཐུང་ན། ནད་གཞི་སྣ་ཚོགས་ངང་གིས་འཇོམས།
14.ཉིན་དཀར་ཆུ་མང་པོ་འཐུང་པ་དང་། མཚན་མོར་ཆུ་ཉུང་ཙམ་བཏུང་དགོས།
15.རྣ་བ་བསལ་ན་ཀླད་པའི་ཁྲག་རྩ་འཁོར་སྐྱོད་ལ་ཕན།
16.ཉི་རེར་ཁོ་ཧྥེ་ཕོར་གཉིས་ཡན་བཏུང་མི་རུང་། མང་པོ་འཐུང་ན་གཉིད་མི་ཡོང་ཞིང་ཁོག་མི་བདེ།
17.སྣུམ་དང་ཚིལ་གྱི་འདུས་ཚད་མཐོ་བའི་ཟས་རིགས་ཉུང་ཙམ་བསྟེན་དགོས། ཕོ་བའི་ནང་དུ་དེའི་རིགས་ཞུ་བར་ཆུ་ཚོད་5ནས་7ཡུན་དགོས།
18.ཕྱི་དྲོའི་ཚུ་ཚོད་5བའི་རྗེས་ནས་ཟ་མ་མང་པོ་བཟའ་ན་མི་བཟང་། ཆུ་ཚོད་5བའི་རྗེས་སུ་མིའི་ལུས་ལ་ནུས་ཤུགས་མང་པོ་མི་དགོས།
19.གཉིད་འདང་ངེས་ཤིག་དགོས། རབ་ཡིན་ན་ཉིན་གུང་ཅུང་ཙམ་གཉིད་ན་བཟང་།
20.བུད་མེད་ལ་ཟླ་མཚན་འབབ་པའི་དུས་སུ་ཇའི་རིགས་བཏུང་མི་རུང་།
21.ཆང་མང་དུ་འཐུང་ན་ལུས་པོའི་སྟེང་གི་ཕྲ་ཕུང་མང་པོར་བཀག་འགོག་ཐེབས་ནས། འབུ་ཕྲས་ནད་བསྐྱེད་ངེས།
22.སྨན་ནི་མ་ཉལ་བའི་སྔོན་གྱི་སྐར་མ་སུམ་ཅུའི་ནང་ལ་འཐུང་ན་བཟང་།
23.སྐྲ་ལྷུང་བའི་རྒྱུ་རྐྱེན་ནི་མཚན་སྐྱེལ་བ་དང་། གནོན་ཤུགས་ཆེ་བ། དུ་ཆང་བསྟེན་པ། སྣུམ་འདུས་ཚད་མཐོ་བའི་ཟ་མ་དང་། བྲོ་རྫས་མང་བའི་ཟས་ཟོས་པ་སོགས་ཡིན།
24.སྐྲ་སྐྱེ་དགོས་ན་སྲན་མའི་རིགས་དང་སྔོ་ཚལ་རིགས་བཟའ་དགོས། མངར་ཆའི་རིགས་བཟའ་མི་རུང་།
25.ཉིན་རེར་ཚ་ལུ་མའི་ཁུ་བ་ཕོར་གང་འཐུང་ན་གདོང་གི་ནག་ནོག་འཇོམས་པར་ཕན།
26.ཀུ་ཤུ་ཟོས་ན་གློ་བ་ལ་ཕན།
27.དུ་བ་ནི་སྐྲན་ནད་ཀྱི་འབྱུང་ཁུངས་ལྟ་བུ་ཡིན་པས་དུ་བ་བཅད་ན་རང་གཞན་ཀུན་ལ་ཕན།
28.བུད་མེད་ཀྱིས་ཇ་འཐུང་མི་རུང་བའི་གནས་སྐབས་ལྔ། ཟླ་མཚན་འབབ་དུས། མངལ་སྦྲུམ་པའི་དུས། ཕྲུ་གུ་བཙའ་རན་པའི་དུས། ཕྲུ་གུ་བཙས་མ་ཐག་གི་རྗེས། ལོ་འཁོར་བའི་དུས།
29.ཆང་མང་དུ་འཐུང་ན་མཆིན་པ་སྲ་འགྱུར་གྱི་སྐྲན་ནད་འབྱུང་སླ།
30.ཚིལ་སྣུམ་གྱི་འདུས་ཚད་མཐོ་བའི་ཟས་ཟོས་པ་མང་ན་ཕོ་བར་སྐྲན་ནད་འབྱུང་ངེས།  

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1