གཙོ་ངོས།>> གསར་འགྱུར།>>སི་ཁྲོན་བོད་ཁུལ།

རྩོམ་སྒྲིག་པ།ཡོང་ཁུངས།མི་དམངས་ཉིན་རེའི་ཚགས་པར། སྤེལ་དུས། ༢༠༡༩ལོའི་ཟླ་བ་༡༢ཚེས་༢༦ཉིན།

སི་ཁྲོན་གྱི་ཤང་དང་གྲོང་རྡལ་དག་ལ་མཁྲེགས་འགྱུར་ལམ་བུ་བཏིངས་པ།

        ཚེས19ཉིན། སི་ཁྲོན་ཞིང་ཆེན་དཀར་མཛེས་ཁུལ་ཉག་ཆུ་རྫོང་མི་བཟང་ཤང་དང་ཐང་ཤང་དུ་མཁྲེགས་འགྱུར་ལམ་བུ་བདེ་བླག་ངང་བཏིངས་པ་དེ་ལས་སི་ཁྲོན་གྱི་ཤང་གི་གཞུང་ལམ་མཇུག་ཤོས་དེ་ཤར་གཏོང་ཐུབ་ནས་ཤང་དང་གྲོང་རྡལ་དུ་མཁྲེགས་འགྱུར་ལམ་བུ་ཤར་གཏོང་ཐུབ་ཚད100%ཕྱོགས་ཡོངས་ནས་མངོན་འགྱུར་བྱུང་ཡོད།
        མི་བཟང་ཤང་ནི་དཀར་མཛེས་ཁུལ་ཉག་ཆུ་རྫོང་གི་བྱང་ཤར་རྒྱུད་དུ་གནས་ཤིང་། མི་འབོར་བསྡོམས་འབོར2026དང་ཁོངས་གཏོགས་སུ་སྒྲིག་ཚུད་གྲོང་ཚོ7ཡོད། མི་བཟང་ཤང་དང་ཐང་ཤང་གི་མཁྲེགས་འགྱུར་ལམ་བུ་རིམ་བཞིའི་གཞུང་ལམ་གྱི་ཚད་གཞི་གཞིར་བཟུང་བསྐྲུན་ཡོད་པ་དང་སྤྱི་ཡོངས་ཀྱི་རིང་ཚད་ལ་སྤྱི་ལེ31.84ཡོད་པ་རེད། རྣམ་གྲངས་དེ2017ལོའི་ཟླ7པར་དངོས་སུ་ལས་འགོ་བཙུགས་པ་དང་སི་ཁྲོན་འགྲིམ་འགྲུལ་ལམ་ཟམ་ཚད་ཡོད་འགན་འཁྲི་ཀུང་སིས་བསྐྲུན་འགན་འཁུར་བ་རེད།
        རྣམ་གྲངས་དེའི་ལམ་ཐིག་ཧྲིལ་པོ་རི་མཐོ་དང་གྲོག་རོང་རྒྱུད་དུ་གནས་ཤིང་། སི་ཁྲོན་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་གིས་ཇུས་འགོད་མི་སྣ་དང་མཉམ་དུ་ས་ཆ་དངོས་སུ་རྩད་ཞིབ་ཐེངས་མང་བྱས་རྗེས་གསར་དུ་བསྐྲུན་རྒྱུའི་ལམ་བུའི་ཇུས་འགོད་འཆར་གཞི་ལེགས་སྒྲིག་བྱས་ཏེ་ས་སློག་རྡོ་སློག་བྱེད་ཉུང་དུ་བཏང་ནས་སྣོད་བཅུད་ཁོར་ཡུག་ལ་སྲུང་སྐྱོང་བྱས་ཡོད། ཨར་སྐྲུན་ཚན་པས་ཕྱོགས་ཁག་ཚང་མ་ནས་ལས་དོན་སྒྲུབ་པའི་བྱེད་སྟངས་སྤྱད་དེ་ལས་ཕྱོད་ཆེ་རུ་ཤུགས་ཆེན་བཏང་བས། ལས་ཡུན་ཐུང་དུ་ནུས་ལྡན་ཕྱིན་པ་རེད།
        རྣམ་གྲངས་བསྐྲུན་ཟིན་རྗེས་རྒྱ་ཆེའི་ཞིང་འབྲོག་མང་ཚོགས་ཀྱི་འགྲོ་སྐྱོད་ཆ་རྐྱེན་ལེགས་སུ་ཤུགས་ཆེན་ཕྱིན་ནས་ལམ་རྒྱུད་མང་ཚོགས5000ཙམ་ལ་ཕན་པ་བྱུང་སྟེ་ཁོང་ཚོ་དབུལ་སྒྲོལ་ཐུབ་ནས་འབྱོར་འབྲིང་ཕྱོགས་སུ་བསྐྱོད་པར་འགྲིམ་འགྲུལ་གྱི་འགན་ལེན་ནུས་ལྡན་ཡོང་རྒྱུ་རེད།
        གསར་འགོད་པར་སི་ཁྲོན་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་ནས་ཤེས་རྟོགས་བྱུང་བར། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་རིམ་རྩིས་བརྒྱབ་ན་སི་ཁྲོན་གྱིས་འགྲིམ་འགྲུལ་དབུལ་སྐྱོར་ཐད་མ་དངུལ་སྒོར་དུང་ཕྱུར6000བཏང་སྟེ་ས་ཁུལ་དབུལ་པོའི་གཞུང་ལམ་སྣ་ཚོགས་སྤྱི་ལེ་ཁྲི11གསར་སྐྲུན་བསྐྱར་སྐྲུན་བྱས་པའི་ཁྲོད་གྲོང་གསེབ་ཀྱི་གཞུང་ལམ་སྤྱི་ལེ་ཁྲི10ཚུད་པ་དེས་ས་ཁུལ་དབུལ་པོའི་འགྲིམ་འགྲུལ་འཛུགས་སྐྲུན་ལ་ལོ་རྒྱུས་རང་བཞིན་གྱི་མཆོང་སྐྱོད་ཡོང་བར་སྐུལ་འདེད་ཐེབས་ཡོད་པ་རེད། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1