ལོ་ངོ་འདི་དག་གི་རིང་། མདོ་ལ་རྫོང་གིས“མཛེས་སྡུག་མདོ་ལ་བདེ་སྐྱིད་མདོ་ལ”འཛུགས་སྐྲུན་བྱ་རྒྱུ་འཕེལ་རྒྱས་ཀྱི་དམིགས་ཚད་དུ་བཟུང་སྟེ། “སྣོད་བཅུད་ལ་བརྟེན་ནས་རྫོང་འཛུགས་པ་དང་ཡུལ་སྐོར་ལ་བརྟེན་ནས་རྫོང་དར་རྒྱས་གཏོང་བའི”འཕེལ་རྒྱས་བསམ་ཕྱོགས་མཐའ་འཁྱོངས་བྱས་ཤིང་། རྒྱལ་ཁབ་ཀྱི“རྒྱུད་གཅིག་ལམ་གཅིག”གི་འཕེལ་རྒྱས་འཐབ་ཇུས་དང་མཉམ་འདྲེས་ཧུར་ཐག་བྱས་ཏེ། ཐུན་མོང་མ་ཡིན་པའི་ཡུལ་སྐོར་ཐོན་ཁུངས་ལ་བརྟེན་པ་དང་། འགོ་འཛུགས་ས་མཐོ་པོའི་སྒོ་ནས་འཆར་འགོད་དང་ཚད་གཞི་མཐོ་བའི་འཛུགས་སྐྲུན་བྱས་ཏེ། “རྒྱལ་ཁབ་ཀྱི་ས་ཁོངས་ཧྲིལ་པོའི་ཡུལ་སྐོར་དཔེ་སྟོན་རྫོང”དང“5Aརིམ་པའི་མཛེས་ལྗོངས་ཁུལ”འཛུགས་སྐྲུན་ལས་དོན་ནུས་ཤུགས་ཡོད་རྒུས་སྤེལ། ཡུལ་སྐོར་ལས་རིགས་སྣེ་འདྲེན་དང་། ཐོན་ལས་དང་པོ་དང་གཉིས་པ། གསུམ་པ་བཅས་མཉམ་འདྲེས་འཕེལ་རྒྱས་ཀྱི་རྣམ་པ་གསར་པ་ཞིག་རིམ་བཞིན་ཆགས་པ་དང་། “གནས་མཆོག་མདོ་ལ། ཤར་ཕྱོགས་སུའེ་ཙེར”ཞེས་པའི་ཡུལ་སྐོར་སྤུས་རྟགས་མཚོ་སྔོན་ནས་འཛམ་གླིང་ལ་ཁ་ཕྱོགས་ཏེ་མཛེས་སྡུག་ལྡན་པའི་མཚོ་སྔོན་གྱི་གསེར་གྱི་མིང་བྱང་ལྟ་བུ་ཞིག་ཏུ་གྱུར་ཡོད།
2019ལོར། མདོ་ལ་རྫོང་གི་དཔལ་འབྱོར་དང་སྤྱི་ཚོགས་འཛུགས་སྐྲུན་དང་བྱ་གཞག་ཁག་ལ་གྲུབ་འབྲས་ཧ་ཅང་ཆེན་པོ་ཐོབ་ཡོད། 2000ལོའི་གོང་དུ་ཡུལ་སྐོར་གྱི་ཐ་སྙད་དེ་མདོ་ལ་རྫོང་གི་གྲོང་ཁྱེར་དང་གྲོང་གསེབ་ཀྱི་མང་ཚོགས་ཀྱི་ཀླད་པའི་ནང་ཧ་ལམ་སྟོང་ཆ་ཞིག་ཡིན་པ་དང་། མདོ་ལ་རིང་མོའི་ཡུལ་སྐོར་དེ་སྔའི་ཡུལ་སྐོར་ཁྲོམ་རའི་ཁྲོད་ཀྱི་མིང་མེད་རིགས་གཅིག་ནས་མེད་པ་ནས་ཡོད་པ་དང་ཡོད་པ་ནས་ལེགས། ལེགས་པ་ནས་ཕུལ་བྱུང་བར་རིམ་པ་བཞིན་མཆོང་སྐྱོད་དང་མདུན་སྐྱོད་བྱེད་པ་བཅས་ཀྱི་ཐོག་ནས་ལོ་མང་འཕེལ་རྒྱས་མྱུར་པོ་བྱུང་བ་བརྒྱུད། རྒྱལ་ཁབ་ཀྱི་ས་ཁོངས་ཧྲིལ་པོའི་ཡུལ་སྐོར་དཔེ་སྟོན་ཁུལ་ཁག་དང་པོའི་གཏོད་པའི་མིང་གཞུང་ནང་ཚུད་པ་དང་ཡུལ་སྐོར་ལས་རིགས་དེ་ལྗང་མདོག་གི“GDP”དེས། མདོ་ལ་མི་དམངས་མང་ཚོགས་ཀྱིས་མཛེས་སྡུག་ལྡན་པའི་འཚོ་བར་ཡིད་སྨོན་བྱེད་པའི་བདེ་སྐྱིད་ཐོན་ལས་ཤིག་ཏུ་གྱུར་ཡོད་པ་རེད།
མདོ་ལ་རྫོང་གིས་ཐོན་ཁུངས་ཀྱི་མཐུན་རྐྱེན་ལ་བརྟེན་ནས་ས་ཁོངས་ཧྲིལ་པོའི་ཡུལ་སྐོར་ལ་སྤྱི་ཡོངས་ནས་སྐུལ་འདེད་བཏང་ཞིང་། སྤུས་ལེགས་རིག་གནས་ཡུལ་སྐོར་འཕེལ་རྒྱས་སུ་འགྲོ་བར་ཤུགས་བསྣན། “རྒྱལ་སྤྱིའི་འཕུར་སྐྱོད་དུས་ཆེན”དངམཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་སྡུར་གྱི་མདོ་ལའི་ལམ་དུམ་འགྲན་སྡུར། རྩྭ་ཐང་གི་ཡུལ་སྲོལ་གོམས་གཤིས་རིག་གནས་ཡུལ་སྐོར་དུས་ཆེན། དབྱི་སི་ལམ་གྱི་ཟས་མཆོག་རིག་གནས་འོས་སྦྱོར་ཚོགས་འདུ་དང་། “ཀྲུང་གོའི་སྙན་ངག་ལེ་དབར་ཁྲིར་སྐྱོད་པ་དང་མདོ་ལ་ལྷ་ཡི་ཞིང་ཁམས་ཀྱི་སྙན་ངག་སྒྱུ་རྩལ་དུས་ཆེན”“རོལ་དབྱངས་མཚན་ཚོགས”སོགས་དུས་ཆེན་གལ་ཆེན་དང་མང་ཚོགས་ཀྱི་རིག་རྩལ་བྱེད་སྒོ་གཉེར་བ་རེད། 2018ལོར་ཡུལ་སྐོར་བ་མི་ཐེངས་ཁྲི230ལ་སྣེ་ལེན་ཞུས་པ་དེ་དུས་མཚུངས་ལས15%འཕར་ཡོད། རྫོང་ཡོངས་ཀྱི་ཡུལ་སྐོར་ལས་རིགས་ཀྱི་ལས་ཞུགས་མི་སྣ་ཁྲི1.18ཟིན་པ་དེས་རྫོང་ཡོངས་ཀྱི་སྤྱིའི་མི་འབོར་གྱི21%བཟུང་ཡོད།སྣེ་ལེན་གྱི་གཞི་ཁྱོན་ངེས་ཅན་ལྡན་པའི་མགྲོན་ཁང131ཟིན་པ་དང་སྣེ་ལེན་ཉལ་ཁྲི་ཁྲི1.6ལས་བརྒལ་ཡོད་པ་རེད། 2018ལོར་རྫོང་ཡོངས་ཀྱི་ཡུལ་སྐོར་ཕྱོགས་བསྡུས་ཡོང་འབབ་སྒོར་དུང་ཕྱུར10ལས་བརྒལ་བ་དེ་དུས་མཚུངས་ལས37.5%འཕར་ཡོད། མི་རེའི་ཆ་སྙོམས་འཛད་སྤྱོད་སྒོར435ཟིན་ཡོད།
