ཞི་ཅིན་ཕིང་གིས་ཧྲོའུ་ཀང་སྨན་ཁང་དུ་དངོས་སྦྱོང་བྱེད་བཞིན་པའི་བོད་ལྗོངས་སློབ་ཆེན་གསོ་རིག་ སློབ་གླིང་གི་སློབ་མར་འཕྲིན་ལན་སྤྲིངས་གནང་བ།

རྩོམ་སྒྲིག་པ།ཚུལ་ཁྲིམས་བཟང་པོ།ཡོང་ཁུངས།མི་དམངས་དྲ་བ། སྤེལ་དུས། 02-24



བོད་ལྗོངས་སློབ་ཆེན་གསོ་རིག་སློབ་གླིང་གི་2015ལོའི་ནད་ཐོག་སྨན་བཅོས་གསོ་རིག་ཆེད་ལས་ཀྱི་སློབ་མ་རྣམས་ལ།
    ཁྱེད་ཚོ་སྐུ་ཁམས་བཟང་། ཁྱེད་ཚོས་བསྐུར་བའི་ཡི་གེ་འབྱོར་བྱུང་། ཁྱེད་ཚོ་སློབ་མ་17པེ་ཅིང་དུ་ནད་ཐོག་སྨན་བཅོས་ཀྱི་དངོས་སྦྱོང་བྱེད་རིང་ནད་ཐོག་སྨན་བཅོས་ཀྱི་རྨང་གཞིའི་ལག་རྩལ་ལ་སྦྱོང་བརྡར་ཐེབས་པ་མ་ཟད། བོད་ཀྱི་སྨན་བཅོས་འཕྲོད་བསྟེན་གྱི་བྱ་གཞག་ལ་ལེགས་སྐྱེས་འབུལ་བའི་དད་སེམས་ཀྱང་བརྟན་དུ་ཕྱིན་པ་ཤེས་སྐབས་ང་དངོས་ནས་དགའ་པོ་བྱུང་།
    སྨན་པ་ནི་མི་དམངས་ཀྱི་བདེ་ཐང་སྲུང་མཁན་རེད། ད་ཐེངས་ཏོག་གསར་གློ་ཚད་ཀྱི་རིམས་ནད་སྔོན་འགོག་ཚོད་འཛིན་འཐབ་རྩོད་བྱེད་རིང་དམག་དཔུང་དང་ས་ཁུལ་གྱི་རྒྱ་ཆེའི་སྨན་དོན་མི་སྣས་མདུན་ཕྱོགས་སུ་གདོང་མཆོང་བྱས་པ་དང་དཔའ་ངར་ཆེན་པོས་འཐབ་འཛིང་བྱས་ཏེ་བྱ་སྤྱོད་ངོ་མར་བརྟེན་ནས་གོས་དཀར་ལྷ་རྗེའི་ནད་བཅོས་སྲོག་སྐྱོབ་ཀྱི་བླ་ན་མེད་པའི་སྙིང་སྟོབས་མཚོན་པར་བྱས་ཡོད། ཁྱེད་ཚོས་ཁོང་ཚོ་མིག་དཔེར་བཟུང་སྟེ་ཏང་དང་མི་དམངས་ཀྱིས་ཡིད་ཆེས་བྱེད་པའི་སྨན་པ་བཟང་པོ་ཞིག་ཧུར་ཐག་བྱེད་པའི་ཡིད་ཆེས་ཡོད། ཁྱེད་ཚོས་སློབ་སྦྱོང་གི་གོ་སྐབས་ལ་གཅེས་སྤྲས་བྱས་ནས་ལག་རྩལ་བྱང་ཆུབ་པ་ཞིག་སྦྱངས་ཏེ། སློབ་གྲྭ་ཐོན་རྗེས་མི་དམངས་ཀྱི་དགོས་གལ་ཆེ་ཤོས་ཀྱི་ས་ཆར་བསྐྱོད་ནས་བྱམས་སེམས་ལ་བརྟེན་ཏེ་མི་དམངས་དང་ལྷག་པར་དུ་གཞི་རིམ་མང་ཚོགས་ལ་བདེ་སྐྱིད་བསྐྲུན་པའི་རེ་བ་ཡོད།
    བོད་ཀྱི་ལོ་གསར་འཆར་ལ་ཉེ་བའི་མཚམས་སུ་ངས་ཁྱེད་ཚོ་དང་དེ་བཞིན་བོད་རིགས་ས་ཁུལ་གྱི་མི་རིགས་ཁག་གི་མང་ཚོགས་རྣམས་ལ་དུས་ཆེན་གྱི་འཚམས་འདྲི་དང་སྨོན་འདུན་བཟང་པོ་ཞུ།

ཞི་ཅིན་ཕིང་ནས། 
2020ལོའི་ཟླ་2ཚེས་21ཉིན། 


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1