གཙོ་ངོས།>> དམངས་སྲོལ།>>བཤད་པ།

རྩོམ་སྒྲིག་པ། དབང་ཆེན།ཡོང་ཁུངས། ཀྲུང་གོའི་བོད་ཀྱི་སློབ་འབྲིང་དྲ་བ། སྤེལ་དུས། ༢༠༡༤ལོའི་ཟླ་བ་༡༡ཚེས་༢༦ཉིན།

༄༅། །གསུམ་པ་རྟེན་འབྲེལ་མཐུན་བཤད་པ།

       འོ། ལེགས་སོ། །ལེགས་སོ། །དེ་རིང་གནམ་ལ་སྐར་མ་ཡག །དེ་རིང་བར་ལ་བསིལ་བུ་འཇམ། །དེ་རིང་ས་ལ་དུས་ཚོད་བཟང༌། །བཟང་གསུམ་གྱི་རྟེན་འབྲེལ་འགྲིག་པ་ལ། །རི་བོ་སྒུལ་བའི་ཤུགས་ཤིག་དགོས། །རྒྱ་མཚོ་དཀྲུག་པའི་བློ་ཞིག་དགོས། །མི་མང་འཛོམ་པའི་གཏམ་ཞིག་དགོས། །ཕུ་ཡི་བླ་མ་ལ་ཐུགས་བརྟག་ཞུས། བླ་མའི་ཐུགས་བརྟག་བཟང༌། བར་གྱི་མོ་མ་ལ་མོ་ཞུས། མོ་མའི་མོ་བཟང༌། མདའ་ཡི་རྩིས་པ་ལ་རྩིས་ཞུས། རྩིས་པའི་རྩིས་བཟང༌། མོ་བཟང་དང་རྩིས་བཟང་ཐུག་ནས་གདའ། འབྱུང་བ་དང་སྤར་ཁ་མཐུན་ནས་གདའ། ལོ་སྐོར་དང་སྨེ་བ་མཐུན་ནས་གདའ། དེ་རིང་སྐར་མ་མགོ་ལ་ཐུག །ལས་ཅི་བྱས་མགོ་ལ་ཡག་པར་ཤོག །དེ་རིང་སྐར་མ་ལག་ལ་ཐུག །ལས་ཅི་བྱས་ལག་ལ་ལོན་པར་ཤོག །དེ་རིང་སྐར་མ་རྒྱལ་ལ་ཐུག །ལས་ཅི་བྱས་རྒྱལ་ཁ་ལོན་པར་ཤོག །

བཞི་པ་རི་ཞིང་ཆུ་གསུམ་གྱི་བཤད་པ་ནི།

         ཕྱི་མི་འགྱུར་གཡུང་དྲུང་ར་བས་བསྐོར། །བར་མི་འགྱུར་བཀྲ་ཤིས་རྟགས་ཀྱིས་བསྐོར། །ནང་མི་འགྱུར་ནོར་བུ་དགའ་འཁྱིལ་ཡོད། །ཕུ་ལ་གངས་རིས་བསྐོར་བའི་རི། །གངས་ལ་སེངྒེ་འཁོར་བའི་རི། །སེང་ལ་གཡུ་རལ་རྒྱས་པར་ཤོག །བར་ལ་ཙནྡན་ནགས་ཀྱི་རི། །ནགས་ལ་སྟག་མོ་འཁོར་བའི་རི། །སྟག་མོ་འཛུམ་དྲུག་རྒྱས་པར་ཤོག །མདའ་ལ་མཚོ་མོ་འཁྱིལ་བའི་རི། །མཚོ་ལ་ཉ་སྲམ་འཁོར་བའི་རི། །ཉ་སྲམ་རྐྱལ་རྩལ་རྒྱས་པར་ཤོག །རྒྱབ་རི་སེངྒེ་འགྱིང་བའི་རི། །སེང་ལ་གཡུ་རལ་རྒྱས་འདྲ་ཡོད། །མདུན་རི་འདོད་འཇོའི་བུམ་པའི་རི། །གཏེར་བུམ་ནོར་བུས་བརྒྱན་འདྲ་ཡོད། །རི་མཐའ་ས་ཞིང་ཆགས་ལེ་དེ། །ཞིང་ཆུ་མ་པུསྟི་བརྩེགས་འདྲ་ཡོད། །འབྲུ་སྔོན་མོའི་གཏེར་ཁ་བོར་བར་ཤོག །གཤམ་ལ་ཆུ་བོ་རྒྱུ་ལེ་དེ། །ཆབ་ཆུ་བོ་ཆབ་མ་བརྡབ་འདྲ་ཡོད། །

 

39.7K

རྩོམ་ཡིག་སྔོན་མ།
༄༅། །ཕུང་པོ་དུར་འཇུག

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1