སྤྱི་ཟླ6པའི་ཚེས17ཉིན་གྱི་ཐོ་རེངས་ཆུ་ཚོད3དང་སྐར་མ20ཙམ་དུ་རོང་བྲག་རྫོང་སྒོ་ལུང་གྲོང་རྡལ་མེ་ལུང་ལུང་པ་རུ་འདམ་རྡོའི་ཆུ་རུད་ཀྱི་གནོད་འཚེ་བྱུང་བས་ཅིན་ཁྲོན་ཆུ་བོ་བཀག་ནས་འཁྱིལ་མཚོ་ཆགས་པ་དང་། G350ཡི་ཆུ་ཁུག་ལམ་དུམ་གྱི་འགྲོ་ལམ་བཅད་པ་རེད།
        ཚེས17ཉིན་གྱི་ཞོགས་པའི་ཆུ་ཚོད6:00བར་འཁྱིལ་མཚོའི་སྨད་རྒྱུད་ཀྱི་ཤང་དང་གྲོང་རྡལ6གི་གྲོང་ཚོ17དང་། སློབ་གྲྭ4འཕྲོད་བསྟེན་ཁང3དགོན་སྡེ2བཅས་ལ་ཉེན་ཁ་བཟོ་ཉེ་ཡོད་པས། མིག་སྔར་ཁྱོན་མི5800ལྷག་ཁ་བཀྲམ་ཡོད།

        འདམ་རྡོའི་ཆུ་རུད་ཀྱི་གནོད་སྐྱོན་བྱུང་རྗེས། རོང་བྲག་རྫོང་གིས་བབ་བསྟུན་འཕྲལ་སྐྱོབ་ཀྱི་ལས་ཀ་སྤེལ་ཏེ།“6·17”འབྲུབ་འགོག་ཉེན་སེལ་བཀོད་འདོམས་པུའུ་བཙུགས་ནས་བབ་བསྟུན་ཉེན་སེལ་དང་། འགྲིམ་འགྲུལ་ཤར་བགྲོད། སྨན་བཅོས་རོགས་སྐྱོབ་སོགས་བྱེད་པར་མི200ལྷག་ཙམ་གྱིས་སྟོབས་ཤུགས་གཅིག་སྒྲིལ་ངང་ལས་ཀ་ཁག་སྒྲིག་འཛུགས་ནན་པོ་བྱེད་བཞིན་ཡོད་པ་རེད།