གཙོ་ངོས།>> སྐྱེ་ཁམས།>>ཤེས་བྱ།

རྩོམ་སྒྲིག་པ།ཚེ་དཔལ། ཡོང་ཁུངས།རྔ་བ་བོད་སྐད་བརྙན་འཕྲིན། སྤེལ་དུས། ༢༠༢༠ལོའི་ཟླ་བ་༠༧ཚེས་༡༦ཉིན།

༄༅།།བྱི་རིམས་སྔོན་འགོག་བྱེད་དགོས།

         ཉེ་ཆར། ནང་སོག་རང་སྐྱོང་ལྗོངས་པ་ཡན་ནའོ་ཨེར་གྲོང་ཁྱེར་གྱི་འཕྲོད་བསྟེན་བདེ་ཐང་ཨུ་ལྷན་གྱི་དྲ་ཚིགས་སུ་སྤེལ་བའི་གནས་འཕྲིན་ལྟར་ན། 2020ལོའི་ཟླ7པའི་ཚེས5ཉིན། ཆེད་མཁས་ཚོགས་ཆུང་གིས་པ་ཡན་ནའོ་ཨེར་གྲོང་ཁྱེར་གྱི་འབྲོག་པ་ཞིག་ལ་བརྟག་དཔྱད་བྱས་པ་བརྒྱུད་བྱི་རིམས་རིགས་ཤིག་ཕོག་ཚུལ་གཏན་ཁེལ་བྱས་པ་རེད།
       བྱི་རིམས་ཞེས་པ་ནི་རང་བྱུང་ཁམས་ན་གདོད་མར་གནས་པའི་ནད་རིགས་ཤིག་ཡིན་ལ། རིམས་ནད་འདི་འཕྱི་བ་སོགས་ཀྱི་ཐོག་གི་ལྗི་བ་ལ་བརྟེན་ནས་འགོས་ཁྱབ་བྱུང་བ་ཞིག་ཡིན། མིག་སྔར། རང་རྒྱལ་དུ་བྱི་རིམས་ཀྱི་རང་བྱུང་རིམས་ནད་འབྱུང་ཡུལ་རིགས་མི་འདྲ་བ12ཡོད་ཅིང་། གཙོ་བོ་བོད་ལྗོངས་དང་མཚོ་སྔོན་ན་ཡོད། རིམས་ནད་འདི་རང་རྒྱལ་དུ་འགོ་ནད་ཀ་རིགས་སུ་བརྩིས་ཏེ་དོ་དམ་བྱེད་པ་དང་། ལོ་རྒྱུས་ཐོག་ཏུ་འདི་ནི་ཤི་ཚད་མཐོ་བའི་རིམས་ནད་ཚབས་ཆེན་ཞིག་ཡིན།
འཕྱི་བའི་རིམས་ནད།
བྱི་རིམས་སྔོན་འགོག་བྱེད་པ་ལ། “བསྒྲུབ་མི་རུང་བ་གསུམ་དང་ཡར་ཞུ་གསུམ”གྱི་བླང་བྱ་ལྟར། མི་སྒེར་གྱིས་སྔོན་འགོག་བཟང་པོ་བྱས་ཏེ་རང་ཉིད་ཀྱི་འགོག་སྲུང་འདུ་ཤེས་དང་ནུས་པ་ཇེ་མཐོར་གཏང་དགོས།
གཅིག བསྒྲུབ་མི་རུང་བ་གསུམ་ནི། 
1.རིམས་ནད་འབྱུང་ཡུལ་ནས་རི་དྭགས་ལྐོག་རྔོན་བྱེད་མི་རུང་། 
2.རིམས་ནད་འབྱུང་ཡུལ་གྱི་སྲོག་ཆགས་གསོད་པའམ་དེའི་ཤ་བཟའ་མི་རུང་། 
3.རིམས་ནད་འབྱུང་ཡུལ་གྱི་སྲོག་ཆགས་དང་ཐོན་རྫས་ཕྱི་རོལ་དུ་ཁྱེར་མི་རུང་།
གཉིས། ཡར་ཞུ་གསུམ་ནི།
1.འཕྱི་བ་དང་སྲོག་ཆགས་གཞན་རིགས་ན་བའམ་ཤི་བ་མཐོང་དུས་ཡར་ཞུ་བྱེད་དགོས། 
2.འཕྱི་རིམས་ཕོག་པའི་ནད་པ་འདྲ་བྱུང་ན་ཡར་ཞུ་བྱེད་དགོས། 
3.རྒྱུ་རྐྱེན་མི་གསལ་བའི་ཚ་རྒྱས་ནད་པ་དང་གློ་བུར་དུ་ཤི་མཁན་བྱུང་ན་ཡར་ཞུ་བྱེད་དགོས། 
གསུམ།  སྒེར་གྱི་གཙང་སྦྲའི་གོམས་གཤིས་བཟང་པོ་རྒྱུན་འཁྱོངས་བྱེད་པ་དང་། མི་མང་སར་མི་འགྲོ་བ། སྨན་ཁང་དུ་འགྲོ་བའམ་རང་ཉིད་ལ་ཚ་བ་རྒྱས་པ་དང་གློ་ལུ་བ་སོགས་ཀྱི་ནད་རྟགས་ཡོད་ཚེ། འཕྲལ་མར་ཁ་ཐུམ་བརྒྱག་དགོས།
བཞི།  གལ་ཏེ་བྱི་རིམས་ཕོག་པའི་ནད་པ་དང་འབྲེལ་འདྲིས་བྱས་མྱོང་ན། རང་འགུལ་ངང་རིམས་ནད་ཚོད་འཛིན་སྡེ་ཁག(疾控部门)ཏུ་ཕྱིན་ཏེ་ཐོ་འགོད་བྱེད་དགོས། གལ་སྲིད་ཚ་བ་རྒྱས་པ་དང་། གློ་ལུ་བ། ཟུག་གཟེར་ལངས་པ། ཁྲག་ལུ་བ་སོགས་ཀྱི་ནད་རྟགས་བྱུང་ན་འཕྲལ་མར་སྨན་བཅོས་བྱེད་དགོས།

    བྱི་རིམས་ནི་འཛམ་གླིང་འཕྲོད་བསྟེན་རྩ་འཛུགས་དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རིམས་ནད་འགོག་བཅོས་བཅའ་ཁྲིམས》ཀྱིས་རིམས་ནད་རིགས་ཀ་པའི་ཨང་དང་པོའི་གྲས་སུ་བཀོད་ཡོད་ལ། འདིར་ནད་བྱུང་ཚད་མགྱོགས་ཤིང་འགོས་སླ་བ། ནད་ཡུན་ཐུང་བ། ཤི་ཚད་མཐོ་བ་བཅས་ཀྱི་ཁྱད་ཆོས་ལྡན། བྱི་རིམས་འབྱུང་བ་དང་མཆེད་པར་ནུས་ཡོད་ཀྱིས་སྔོན་འགོག་བྱས་ཏེ་སྤྱི་དམངས་ཀྱི་བདེ་ཐང་ཁག་ཐེག་དང་། སྤྱི་པའི་བདེ་འཇགས་དང་རྒྱལ་ཁབ་ཀྱི་ཁེ་ཕན་སྲུང་སྐྱོང་བྱེད་ཆེད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རིམས་ནད་འགོག་བཅོས་བཅའ་ཁྲིམས》དང《ཐོལ་བྱུང་དོན་རྐྱེན་ལ་ཁ་ལན་འཇལ་ཐབས》། 《རྒྱལ་ཁབ་ཀྱི་བྱི་རིམས་ཚོད་འཛིན་བྱེད་པའི་བབ་བསྟུན་འཆར་ཟིན》། 《རྒྱལ་ནང་གི་འགྲིམ་འགྲུལ་འཕྲོད་བསྟེན་རིམས་བཤེར་སྲོལ་ཡིག》སོགས་བཅའ་ཁྲིམས་དང་ཁྲིམས་སྲོལ་གཞིར་བཟུང་ཞིང་། ཞིང་ཆེན་སྲིད་གཞུང་ཡིད་འཐད་བྱུང་བ་བརྒྱུད་དེ། ད་ལྟ་འཕྱི་བ་རྔོན་པར་ལྟ་སྐུལ་དོ་དམ་བྱེད་ཐད་ཁྲིམས་ལྟར་ཤུགས་སྣོན་པ་དང་། བྱི་རིམས་འབྱུང་བ་དང་མཆེད་པར་སྔོན་འགོག་བྱེད་པར་གཞིགས་ནས་བསམ་འཆར་བཏོན་པ་གཤམ་གསལ་ལྟར།
གཅིག བྱི་རིམས་སྔོན་འགོག་ཚོད་འཛིན་བྱ་བའི་གལ་ཆེན་རང་བཞིན་ལ་ངོས་ཟིན་ཚད་སྔར་ལས་ལྷག་པར་མཐོར་འདེགས་གཏོང་དགོས།
གཉིས། བྱི་རིམས་སྔོན་འགོག་ཚོད་འཛིན་བྱ་བའི་མཐུན་སྦྱོར་ནང་རྐྱེན་དང་འགན་འཁྲི་རྩད་གཅོད་པའི་ལམ་ལུགས་འཐུས་ཚང་དུ་གཏོང་དགོས།
གསུམ། འཕྱི་བ་རྔོན་པ་དང་ཕྱིར་འཚོང་། འདྲེན་འཚོང་བྱེད་པའི་བྱ་སྤྱོད་ལ་ལྟ་སྐུལ་དོ་དམ་བྱེད་པར་དངོས་གནས་ཤུགས་སྣོན་དགོས།
ལྔ། བྱི་རིམས་སྔོན་འགོག་ཚོད་འཛིན་ཤེས་བྱ་དང་འབྲེལ་ཡོད་བཅའ་ཁྲིམས་ཁྲིམས་སྲོལ་གྱི་དྲིལ་སྒྲོག་སློབ་གསོ་གཏིང་ཟབ་ཏུ་ཁྱབ་གདལ་བྱེད་དགོས།
དྲུག བྱི་རིམས་སྔོན་འགོག་ཚོད་འཛིན་བྱེད་པའི་བབ་བསྟུན་དཔུང་སྡེའི་འཛུགས་སྐྲུན་ཐད་ཤུགས་སྣོན་དགོས།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1