འདབ་དྲུག་ཁ་བའི་མེ་ཏོག་སྲིད་པའི་སྒང་ནས་བཞད་དུས། །

ཉི་འོད་འཛུམ་དཀར་དྲོད་མོ་རླུང་གི་རྟ་ལ་ཞོན་ནས། །

མེ་ཏོག་ཞལ་ཁ་ཕྱེས་ཏེ་འཇའ་ཡི་ཟམ་པ་སྐྲུན་དུས། །

དྲན་གདུང་ཡིད་ཀྱི་གོང་བུ་ཁྱོད་ཀྱི་མགུལ་དུ་སྤུད་ཡོད། །

དབྱངས་ཀྱི་མུ་ཏིག་དཀར་པོ་ཚིག་གི་མདངས་ལ་བརྒྱུས་དུས། །

རྨི་ལམ་ནང་གི་ཆུང་མ་མཁྲིས་སུ་ཡོད་ན་འདོད་དེ། །

བརྩེ་བ་དམར་དམར་རྗེན་རྗེན་སེམས་ཀྱི་སྒྲོམ་དུ་ཉར་ནས། །

འཁྲེང་སེམས་ཚིག་གི་མགུར་མ་ཁྱོད་ལ་ཐེངས་གཅིག་བླངས་ཡོད། །

སྨྲེང་སེམས་འགུལ་བའི་གཏམ་དེ་སུ་ལ་བཤད་དགོས་མ་ཤེས། །

འདང་བརྩེ་ཚིག་གི་རི་མོས་ཁྱོད་ཀྱི་ཞལ་གཟིགས་བྲིས་ནས། །

ཞེ་འདང་གླན་པའི་དབར་ལ་དམ་ཚིག་མདུད་པ་རྒྱག་དུས། །

དྲན་པ་གཤུམ་པའི་མིག་ཆུ་ཁྱོད་ཀྱི་སེམས་པས་མཐོང་ངམ། །

དམར་ཆུང་སྙིང་གི་འདབས་སུ་རྣམ་ཤེས་གྲིབ་མ་ཆགས་ཡོད། །

ཁྲ་ཆུང་མིག་གི་མདངས་སུ་དྲན་པའི་རི་མོ་འཁོར་ཡོད། །

ལོ་ཟླའི་ཀྱོག་མཚམས་ཤིག་ནས་ཁ་བ་སེམས་ལ་བབས་ཏེ། །

དུས་ཀྱི་ཙག་ཁ་བཙན་ཡང་ཁྱོད་ལ་སྙན་ངག་འབྲི་ངེས། །