གཙོ་ངོས།>> གསར་འགྱུར།>>རྒྱལ་སྤྱི་གསར་འགྱུར།

རྩོམ་སྒྲིག་པ།ཚེ་དཔལ། ཡོང་ཁུངས།མཚོ་སྔོན་བོད་སྐད་རླུང་འཕྲིན། སྤེལ་དུས། ༢༠༢༠ལོའི་ཟླ་བ་༠༩ཚེས་༢༣ཉིན།

འཇར་པན་གྱི་གསར་དུ་བསྐོ་འཇོག་བྱས་པའི་དབུ་བཞུགས་བློན་ཆེན་ཅན་དབྱི་ཝུའེ་དང་ཨ་མེ་རི་ཁའི་ཐུ་ལང་ཕུའུ་ཡིས་ཁ་པར་གྱི་ལམ་ནས་གྲོས་མོལ་བྱས།

            ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  འཇར་པན་གྱི་གསར་དུ་བསྐོས་པའི་དབུ་བཞུགས་བློན་ཆེན་ཅན་དབྱི་ཝུའེ་ཡིས་ཚེས་ཉི་ཤུ་ཉིན་གྱི་དགོང་མོ། ཨ་མེ་རི་ཁའི་ཙུང་ཐུང་ཐི་ལང་ཕུའུ་དང་ཁ་པར་གྱི་ལམ་ནས་གྲོས་མོལ་བྱས་ཏེ། ཕྱོགས་གཉིས་ཀྱིས་འཇར་པན་དང་ཨ་མེ་རི་ཁའི་མནའ་མཐུན་འབྲེལ་བར་ཤུགས་སྣོན་རྒྱུ་ཡིན་ཟེར།
        འདི་ནི་ཅན་དབྱི་ཝེ་ཡིས་དབུ་བཞུགས་བློན་ཆེན་གྱི་འགན་བཞེས་ཚུན་འཇར་པན་དང་ཨ་མེ་རི་ཁའི་མགོ་གཙོས་ཐོག་མར་ཁ་པར་གྲོས་མོལ་བྱས་པ་ཡིན། འཇར་པན་གསར་ལམ་གྱིས་གནས་ཚུལ་སྤེལ་བར་གཞིགས་ན། ཕན་ཚུན་གྱིས་ཁ་པར་གྱི་ལམ་ནས་གྲོས་མོལ་སྐར་མ་ཉེར་ལྔའི་རིང་བྱས། འཇར་པན་དང་ཨ་མེ་རི་ཁའི་མནའ་འབྲེལ་གྱི་འབྲེལ་བའི་སྐོར་གླེང་བ་ཕུད། ཕྱོགས་གཉིས་པོས་ད་དུང་ཁྲའོ་ཞན་གྱི་གནད་དོན་དང་པྲོག་གསར་རིམས་ནད་ལ་ཁ་གཏད་གཅོག་པ་སོགས་ཀྱི་གནད་དོན་ཐད་མཉམ་ལས་དམ་ཟབ་བྱ་རྒྱུ་ཡིན་ཞེས་བཤད།
        ཟླ་བརྒྱད་པའི་ཚེས་ཉེར་བརྒྱད་ཉིན། འཇར་པན་གྱི་དབུ་བཞུགས་བློན་ཆེན་ཨན་པེ་ཅིན་སན་གྱིས་བདེ་ཐང་གི་རྐྱེན་གྱིས་ལས་ཁུར་དགོངས་ཞུ་བྱ་རྒྱུའི་ཁྱབ་བསྒྲགས་བྱས། ཟླ་འདིའི་ཚེས་བཅུ་དྲུག་ཉིན་འཇར་པན་གྱིས་གནས་སྐབས་རྒྱལ་ཚོགས་བསྡུས་ཏེ། དབུ་བཞུགས་བློན་ཆེན་གྱི་མིང་བཏོན་འདེམས་བསྐོ་བྱས། སྲིད་འཛིན་ཏང་རང་དབང་དམངས་གཙོ་ཏང་གི་ཙུང་ཚའེ་གསར་པ་ཅན་དབྱི་ཝུའེ་འཇར་པན་གྱི་དབུ་བཞུགས་བློན་ཆེན་གོ་དགུ་པར་བདེ་བླག་ངང་བདམས་ཐོན་བྱུང་བར་མ་ཟད། ནང་བློན་ཁང་གསར་པ་བཙུགས། །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1