མིག་སྔར། རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་བདུན་པ་འགོ་ཚུགས་ཡོད་པ་དང་། ཉེན་རྟོག་པས་དྲན་སྐུལ་བྱས་པར་དྲ་ཐོག་ཏུ་དོ་སྣང་ཆེན་པོ་བྱུང་ཡོད།
ཉེ་ཆར། རྒྱལ་ཡོངས་ཀྱི་ས་ཁུལ་མང་པོ་ཞིག་ཏུ་རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་བདུན་པར་ཁ་གཡར་ནས་མགོ་སྐོར་གཏོང་བའི་གྱོད་གཞི་ཐོན་པར་སྤྱི་བདེ་ལས་ཁུངས་ནས་ཉེན་བརྡ་བཏང་སྟེ་དྲན་སྐུལ་བྱས་པར། མི་འབོར་ཡོངས་ཁྱབ་ཞིབ་བཤེར་ལ་འགྲོ་གྲོན་གང་ཡང་མི་བསྡུ་བ་དང་ཁ་པར་དང་འཕྲིན་ཐུང་། དྲ་ཐོག་སྤྱི་ཚོགས་འབྲེལ་འདྲིས་ཡོ་བྱད་བརྒྱུད་ནས་རང་ཉིད་མི་འབོར་ཡོངས་ཁྱབ་ཞིབ་བཤེར་གྱི་ལས་དོན་མི་སྣ་ཡིན་ཁུལ་བྱས་ཤིང་། མི་འབོར་ཡོངས་ཁྱབ་ཞིབ་བཤེར་ལ་ཁ་གཡར་ནས་དངོས་ཟོག་དང་རྒྱུ་ནོར། རྩིས་ཐོའི་གསང་གྲངས་ཆ་འཕྲིན། འཕྲིན་ཐུང་ར་སྤྲོད་ཨང་གྲངས་སོགས་ལེན་པའི་རིགས་ཚང་མ་མགོ་སྐོར་གཏོང་བའི་བྱ་སྤྱོད་ཡིན་པ་རེད།
ད་དུང་མི་ལ་ལས། མི་འབོར་ཡོངས་ཁྱབ་ཞིབ་བཤེར་པ་ཡང་མགོ་སྐོར་གཏོང་མཁན་དུ་རྩིས་ཏེ་ཁ་ཡ་མི་བྱེད་པར་སེམས་ཁྲལ་བྱེད་བཞིན་ཡོད། དོན་དེར་དྲ་རྒྱའི་ཉེན་རྟོག་པས་དྲན་སྐུལ་བྱས་ཡོད་དེ། ཛ
ད་དུང་ལས་དོན་མི་སྣས་ཀྱང་གསལ་བཤད་བྱས་ཡོད།
མི་འབོར་ཡོངས་ཁྱབ་ཞིབ་བཤེར་དང་ལེན་བྱས་ཟིན་པའི་དྲ་གྲོགས་ཀྱིས་བཤད་རྒྱུར། འགྲོ་གྲོན་ཅི་ཡང་མི་བསྡུ་བ་མ་ཟད། ད་དུང་ལག་རྟགས་ཀྱང་སྤྲོད་སྲིད་པ་ཞིག་རེད།
ལས་དོན་མི་སྣའི་ཐོབ་ཐང་ཞིབ་དཔྱད་ཡང་དག་བྱས་རྗེས། ཚང་མས་ཧུར་བརྩོན་སྒོས་མི་འབོར་ཡོངས་ཁྱབ་ཞིབ་བཤེར་བྱ་བར་གཞོགས་འདེགས་བྱ་དགོས།
ཤེས་རྟོགས་བྱུང་བར་གཞིགས་ན། མི་འབོར་ཡོངས་ཁྱབ་ཞིབ་བཤེར་ནི་ལོ་10ནང་ཞིབ་བཤེར་ཐེངས་རེ་བྱེད་ཀྱི་ཡོད་ལ། ཀྲུང་གོ་གསར་པ་དབུ་བརྙེས་པ་ནས་བཟུང་མི་འབོར་ཡོངས་ཁྱབ་ཞིབ་བཤེར་ཐེངས་དྲུག་བདེ་བླག་ངང་བྱས་ཟིན། མི་འབོར་ཡོངས་ཁྱབ་ཞིབ་བཤེར་བྱེད་པ་ནི་མི་གྲངས་སྤྱི་འབོར་གསལ་རྟོགས་བྱེད་པ་ཙམ་མ་ཟད། ད་དུང་མི་འབོར་གྲུབ་ཚུལ་དང་ཁྱབ་ཚུལ་སོགས་ཀྱི་གནས་ཚུལ་ཡང་གསལ་པོ་ཤེས་རྟོགས་བྱེད་དགོས་ཀྱི་ཡོད། དེ་མིན་ད་དུང་སློབ་གསོ་དང་ལས་ཞུགས་སོགས་ཀྱི་སྲིད་ཇུས་གཏན་འབེབས་དང་འཐུས་ཚང་དུ་གཏོང་བར་གཞི་འཛིན་ས་འདོན་སྤྲོད་བྱ་དགོས། ཡོངས་ཁྱབ་ཞིབ་བཤེར་པས་གོ་རིམ་གཉིས་བརྒྱུད་ནས་ཁྱིམ་ཚང་དུ་བསྐྱོད་དེ་མཐིལ་རྟོགས་དང་ཐོ་འགོད་བྱེད་ཀྱི་ཡོད། གྲོང་མིས་རང་འདོད་དུ་ཐོ་འགོད་བྱེད་སྟངས་གདམ་ག་བྱས་ཆོག་གི་ཡོད། འདི་ཡང་ཐེངས་དང་པོར་སྤྱད་པའི་ཐབས་ཤེས་ཤིག་ཡིན།
