གཙོ་ངོས།>> འཕྲོད་བསྟེན།>>བདེ་ཐང་ཤེས་བྱ།

རྩོམ་སྒྲིག་པ།ཚེ་དཔལ། ཡོང་ཁུངས།སི་ཁྲོན་བོད་སྐད་རླུང་འཕྲིན། སྤེལ་དུས། ༢༠༢༠ལོའི་ཟླ་བ་༡༠ཚེས་༢༧ཉིན།

༄༅།།པུས་མོ་ན་དོན་ཅི་ཡིན་ནམ།


        པུས་མོའི་གྲུབ་ཆ་ཆེས་གཙོ་བོ་ཞིག་ནི་ཚིགས་རྒྱུས་ཡིན།  པུས་མོ་ལ་ཚིགས་རྒྱུས་བཞི་ཡིས་འདེགས་སྐྱོར་བྱེད་པ་ཡིན།  དེ་ལས་ཚིགས་རྒྱུས་གཉིས་ནི་པུས་མོའི་གཞོགས་གཉིས་སུ་ཡོད་པ་དང་།  དེའི་ནུས་པ་ནི་པུས་མོ་འཁོར་རྟེན་ལ་ཁ་བྲལ་བར་བཀག་འགོག་བྱེད་པ་དེ་ཡིན།  དེ་ལས་གཞན་པའི་ཚིགས་རྒྱུས་གཉིས་ནི་པུས་མོའི་མདུན་ཕྱོགས་དང་རྒྱབ་ཕྱོགས་གཉིས་སུ་ཡོད།  ནུས་པ་ནི་པུས་མོའི་རྒྱབ་མདུན་དུ་གནས་མི་སྤོ་བར་བཀག་འགོག་བྱེད་པ་དེ་ཡིན། 
  པུས་མོའི་རུས་ཚིགས་ནི་མིའི་ལུས་སྟེང་གི་ཅུང་ཆེ་བ་དང་རྙོག་འཛིང་ཆེ་བའི་རུས་ཚིགས་ཤིག་ཡིན།  དེའི་ཐེག་ཤུགས་ཆེ་ལ་གྲུབ་ཚུལ་བརྟན་པོ་དང་བདེ་ལྕག་འཁྱུག་པོ་ཡིན།  པུས་མོའི་རུས་ཚིགས་ན་བ་དེ་མི་རྣམས་ཀྱིས་སྣང་མེད་དུ་འཇོག་པའམ་ཡང་ན་གྲུམ་ནད་ཡིན་པར་ཐག་གཅོད་བྱས་པ་རེད།  སྤྱིར་བཤད་ན།  པུས་མོའི་རུས་ཚིགས་ན་བའི་རྒྱུ་རྐྱེན་གང་མང་ཡོད་ལ།  རྒྱུན་ལྡན་འཚོ་བའི་ཁྲོད་དུ།  རུས་ཚིགས་ན་བ་མང་ཆེ་བ་ནི་རྨས་སྐྱོན་ཕོག་པ་མ་ཡིན་པར།  ལོ་ན་རྒས་བ་དང་བསྟུན་ནས་པུས་མོའི་རུས་ཚིགས་ལོ་མང་བོར་བརྡར་ནས་དེའི་ཉེ་འཁོར་གྱི་ཚིགས་རྒྱུས་ཞི་ལྷོད་དུ་སོང་ན་རུས་ཚིགས་བརྟན་པོ་མིན་པ། རུས་ལྷག་སྐྱེ་བ་སོགས་ནད་མང་པོ་འབྱུང་སྲིད་པ་རེད།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1