མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ཁྲི་འདུ་རྫོང་གི་འཇའ་ཐང་ནི་གཙང་གསུམ་ཆུ་འགོའི་སྐྱེ་ཁམས་སྲུང་སྐྱོང་ཁུལ་གྱི་ལྟེ་གནས་ཁུལ་དུ་ཡོད་ཅིང་། ས་གནས་དེའི་འཚོ་གནས་དང་འཕེལ་རྒྱས་ཀྱི་ཐོན་ལས་གཙོ་བོ་ནི་ཕྱུགས་ལས་རེད། ཉེ་བའི་ལོ་འགའི་ཚུན། ས་གནས་དེ་གའི་སྲིད་གཞུང་གིས་ཐོན་ལས་སྒྲིག་གཞི་སྙོམས་སྒྲིག་བྱས་པར་བརྒྱུད། རྩྭ་ས་བགོ་ནས་རྩྭ་ཁ་རེས་བསྐོར་དང་། ཚན་རིག་དང་མཐུན་པའི་ཕྱུགས་འཚོ། རྩྭ་ས་དང་ཕྱུགས་ཟོག་སྙོམས་སྒྲིག སྐྱེ་ཁམས་ཕྱུགས་ལས་འཕེལ་རྒྱས་སྙོམས་སྒྲིག་བཅས་བྱས་ནས། སྐྱེ་ཁམས་སྲུང་སྐྱོང་དང་ཕྱུགས་ལས་ཐོན་སྐྱེད་འཁོར་རྒྱུག་བཟང་པོ་བྱུང་ཡོད། (http://tibet.people.com.cn/15828349.html)
