གཙོ་ངོས།>> གླིང་སྒྲུང་།>>རྗེས་ཤུལ།

གངས་དབང་གིས་བྲིས་ཤིང་པར་བླངས། རྩོམ་སྒྲིག་པ།ཚེ་དཔལ། ཡོང་ཁུངས།ཁམས་པའི་དྲ་བ། སྤེལ་དུས། ༢༠༢༡ལོའི་ཟླ་བ་༠༡ཚེས་༡༢ཉིན།

༄༅།། འོམ་བུ་ཨ་ནུ་དཔའ་སེང་གི་སྐུ་མཁར།

གངས་དབང་གིས་བྲིས་ཤིང་པར་བླངས།      

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།
འོམ་བུ་ཨ་ནུ་དཔའ་སེང་གི་སྐུ་མཁར་མི་འགྱུར་བྱ་ནག་ལྡིང་རྫོང་།

    མགོ་ལོག་འབུམ་པ་ཁག་གསུམ་གྱི་འབྱུང་ཡུལ་པདྨ་རྫོང་ནི་མགོ་ལོག་གི་ཤར་ལྷོའི་མཚམས་སུ་གནས། རྫོང་དེའི་ལྕགས་རི་ཡུལ་ཚོ་ན་གླིང་གེ་སར་སྐོར་གྱི་རྗེས་ཤུལ་མང་པོ་ཡོད་ཚུལ་གོ་མྱོང་བས། ཡུལ་མི་ཚོས་ལམ་བསྟན་པ་ལྟར་མགྱོགས་པར་དེའི་ཕྱོགས་སུ་འགྲོ་དུས། ལམ་འགྲམ་ན་སྒོ་ཆེན་ཞིག་དང་། དེའི་ནང་ལ་བཞེངས་ཡོད་པའི་མཆོད་རྟེན་གསར་རྙིང་མང་པོའི་ཐོག་ལ་བྱ་རྒོད་འགའ་འཕུར་བཞིན་སྣང་། ནང་ལ་སོང་ནས་བལྟས་པ་ན། དེ་ནི་མཁན་སློབ་ཆོས་གསུམ་གྱི་དུས་སུ་སློབ་དཔོན་པདྨ་འབྱུང་གནས་ཀྱིས་བྱིན་གྱིས་བརླབས་པ་དང་། རྗེས་སུ་རིམ་བཞིན་དུ་གླིང་གེ་སར་གྱིས་བརྩིས་སུ་བཟུང་ཞིང་། མཁས་གྲུབ་རིམ་བྱོན་གྱིས་མཐོང་སྣང་ཆེན་པོ་མཛད་པའི་འབེ་ཚའི་དུར་ཁྲོད་ཅེས་པ་དེ་རེད་འདུག  

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།
འབེ་ཚའི་དུར་ཁྲོད

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།

    མུ་མཐུད་དེ་ཡུན་རིང་མ་སོང་བ་ན་ལྕགས་རི་ཡུལ་ཚོའི་ཐང་དཀྱིལ་ན་ཡོད་པའི་དེའུ་འབུར་ཞིག་མཐོང་། དེ་ནི་གླིང་འབྲིང་རྒྱུད་ཀྱི་གདུང་རྒྱུད་འོམ་བུ་ཨ་ནུ་དཔའ་སེང་གི་སྐུ་མཁར་མི་འགྱུར་བྱ་ནག་ལྡིང་རྫོང་གི་ཤུལ་ཡིན་པར་གྲགས། གླིང་གི་ཕུ་ནུ་སུམ་ཅུ་དང་ལྷ་སྲས་སྤུན་བཞིའི་ཡ་རྒྱལ་ཨ་ནུ་དཔའ་སེང་གིས་ཧོར་གླིང་གཡུལ་འགྱེད་དང་། སྟག་གཟིག་ནོར་རྫོང་སོགས་ཀྱི་སྐབས་སུ་བྱས་རྗེས་ཆེན་པོ་བཞག་མྱོང་ལ། ཁོང་དང་གསེར་པའི་ཉི་འབུམ་དར་ཡག  མུ་སྤྱང་རིན་ཆེན་དར་ལུ་གསུམ་ནི་གླིང་ལ་ཡོད་ན་དེས་ཆོག མེད་ན་ཐབས་ཆག་པའི་དཔའ་བོ་ཡིན་པས། ཁྲ་མོ་གླིང་གི་སྙིང་མིག་སྲོག་གསུམ་ཞེས་འབོད། 《ཧོར་གླིང་གཡུལ་འགྱེད》ནང་གསལ་བ་ལྟར་ན། ཁོང་གི་ཆིབས་རྟ་ལ་མེ་རི་མཚལ་རྟགས་འཆམ་ཤེས་ཟེར།

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།

    དེའུ་འབུར་དེའི་ཐོག་ལ་ཡོད་པའི་མཁར་ནི་རྩེག་བཞི་ཅན་ཞིག་རེད་ལ། རྩེག་དང་པོའི་ཕྱོགས་བཞིའི་སྒོ་ཐོག་ལ་རི་དྭགས་ཆོས་འཁོར་རེ་བཞེངས་འདུག  རྒྱང་ས་ནས་བལྟས་ན་མཁར་དེ་ནི་བྱ་རྒོད་ཀྱིས་གཤོག་པ་བརྐྱངས་ནས་འཕུར་ལྡིང་བྱེད་བཞིན་ཡོད་པ་དང་འདྲ་བས། མཁར་མི་འགྱུར་བྱ་ནག་ལྡིང་རྫོང་ཞེས་པའང་མིང་ཐོག་དོན་གནས་པ་ཞིག་རེད། 

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།

     དེའུ་འབུར་དེའི་ཕྱོགས་བཞིར་ལྕང་སྡོང་དང་མཆོད་རྟེན། རྡོ་འབུམ་དང་བསང་ཁྲི་ཡིས་བསྐོར་ཞིང་། སྐོར་ལམ་དུ་འོམ་བུ་ཨ་ནུ་དཔའ་སེང་གི་དྲན་རྟེན་ཁང་ཞིག་བཞེངས་འདུག 

གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།
གླིང་གི་རྗེས་ཤུལ་བཙལ་བ་ལས། ༡ འོམ་བུ་ཨ་ནུ་དཔའ་སེང་གི་སྐུ་མཁར།


39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1